<p><strong>ភ្នំពេញៈ</strong> តារាសម្តែង និងជាតារាម៉ូដែល រូបស្រស់ទម្រង់មុខកូនកាត់បីសាសន៍ កញ្ញា ប៊ីរីយ៉ា ដែល<br />កន្លងមកធ្លាប់បានប្រកាសថា ខ្លួនមិនទាន់ចង់គិតពីរឿងគូស្រករ ដោយចង់ស្រវ៉ាយក ភាពល្បាញ<br />ល្បីនៅក្នុងរង្វង់សិល្បៈសិននោះ ស្រាប់តែពេលនេះលេចឮព័ត៌មាន ពីប្រភពអ្នក នៅជិតខ្លួននាង<br />បង្ហើបប្រាប់ឲ្យដឹងថា ពេលនេះម្តាយរបស់នាង បានប្រកាសរើសកូនប្រសារ ដោយមានលក្ខខណ្ឌ<br />ជាច្រើនឲ្យអនាគតកូនប្រសារ ពិសោធន៍ស្នេហាស្មោះជាមួយកូនស្រី។</p>
<p>តារាស្រីស្រស់វ័យក្មេងដែលកំពុងតែមានប្រជាប្រិយភាពទាក់ទាញនិងការចាប់អារម្មណ៍ពីបណ្តា<br />ក្រុមហ៊ុនជាច្រើន ជ្រើសរើសនាង ឲ្យធ្វើជាតារាម៉ូដែលថតស្ពតពាណិជ្ជកម្ម កញ្ញា ប៊ីរីយ៉ា ដែល<br />កន្លងមកធ្លាប់បាននិយាយពេញៗមាត់ថា មិនទាន់ចង់គិតពីរឿង គូស្រករកសាង គ្រួសារអ្វីទេ។ <br />ប៉ុន្តែពេលនេះបានធ្វើឲ្យកន្លង់ជាច្រើន ដែលធ្លាប់តែហិចហើរ ជុំវិញលម្អងផ្កាស្រស់មួយទង នេះ<br />លាន់មាត់និយាយស្ទើរគ្រប់គ្នាថា មិនមែនជារឿងងាយទេ ដែលអាចក្លាយខ្លួនជាស្វាមី ស្របច្បាប់<br />របស់នាងនោះ ដោយសារតែម្តាយរបស់នាង មានការហួងហែងកូនស្រី និងមានលក្ខខណ្ឌជាច្រើន<br /> ដើម្បីធ្វើការពិសោធន៍ បេះដូងបុរសដែលស្រលាញ់កូនគាត់ថា មានភាពអំណត់ និងអាចពុះពារឧប<br />សគ្គ បានដល់កម្រិតណា ទើបអាចក្លាយជាកូនប្រសាររបស់គាត់បាន។</p>
<p>ចំពោះព្យុះព័ត៌មាន ដែលបានបោកបក់មកប៉ះខ្លួន តារាស្រីរាងខ្ពស់ស្រឡះច្រមុះស្រួច កូនកាត់ឥណ្ឌា<br /> កញ្ញា ប៊ីរីយ៉ា បានប្រាប់ LookingTODAY ដោយទទួលស្គាល់ថា ពេលនេះម្តាយរបស់នាងពិតជាហួង<br />ហែង តាមការពារនាង ដើម្បីកុំឲ្យជួបបុរសចិត្ត ស្រវ៉ាប្រាកដមែន ហើយមិនមែនជារឿងងាយទេ ដែល<br />នាងទៅសាងទំនាក់ទំនងជាមួយ បុរសណាម្នាក់នោះ ពោលបើបុរសណាម្នាក់ស្រលាញ់នាង ត្រូវឆ្លង<br />កាត់ការមើលចិត្តថ្លើម ម្តាយនាងជាមុនសិន ។តាមរយៈអ្វី ដែលនាងនិយាយនេះ គឺគ្រាន់តែជាសាច់<br />រឿង ក្នុងរឿង “ម៉ែក្មេករើសកូនប្រសារ” តែប៉ុណ្ណោះ មិនមែនជារឿង ក្នុងជីវិតពិតរបស់នាងទេ។</p>
<p>ប៊ីរីយ៉ា បានប្រាប់លាយឡំជាមួយសំណើតតិចៗថា "ពេលនេះខ្ញុំទទួលថតរឿងថ្មីមួយ ឲ្យខាងស្ថានីយ<br />ទូរទស្សន៍បាយ័ន ដែលខ្ញុំគ្រងតំណែងជាតួឯកស្រីជាលើកទី២ក្នុងរឿង និងចាក់បញ្ចាំងក្នុងពេលឆាប់ៗ<br />នេះ ។ ខ្ញុំគិតថាប្រហែលជាទស្សនិកជន មានការយល់ច្រឡំ លើរឿងនេះហើយ តែបើនិយាយពីជីវិត<br />ពិត ខ្ញុំមិនទាន់ដឹងទេថាយ៉ាងណានោះ"។</p>
<p>ទោះបីជាយ៉ាងណា តារាស្រីរូបនេះ ក៏បានប្រាប់ឲ្យដឹងថា បច្ចុប្បន្ននាងកំពុងតែមមាញឹក ជាមួយការងារ<br />ច្រើនមិន ទាន់មានពេលគិតគូ ពីរឿងរៀបការជាមួយម្ចាស់ស្នេហ៍ ដែលជាអ្នកសិល្បៈដូចគ្នានោះទេ <br />ព្រោះចង់ទុកពេលមើល ចិត្តគ្នា២ទៅ៣ឆ្នាំទៀត បានគិតពីរឿងរៀបការ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-0150.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-0151.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-0152.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-0153.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-0154.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>