<p><span style="color: #000000;"><strong>(សេអ៊ូល)៖</strong> ពីរថ្ងៃប៉ុណ្ណោះបន្ទាប់ពីសមាជបក្សដ៏ធំនៅកូរ៉េខាងជើង បានបិទបញ្ចប់នោះ ប្រទេសកូរ៉េខាងត្បូងបានប្រកាសថា ខ្លួននឹងរៀបចំសមយុទ្ធបែបសង្គ្រោះ ដោយប្រើប្រាស់កងនាវា មុជទឹកនៅដែនសមុទ្រភាគខាងត្បូងរបស់ខ្លួន នេះបើតាមការចេញផ្សាយរបស់ទីភ្នាក់ងារព័ត៌មានចិនស៊ិនហួ នាព្រឹកថ្ងៃអង្គារ ទី១០ ខែឧសភា ឆ្នាំ២០១៦។</span></p>
<p><br /><a class="thickbox" title="" href="/FileManager/Commons/2016/5/10/14c-10-05-2016--15-51-12.jpg"><img src="/FileManager/Articles/mce/2016/5/10/14c-10-05-2016--15-51-12.jpg" alt="" /></a></p>
<p><span style="color: #000000;">សមយុទ្ធដែលមានឈ្មោះថា Pacific Reach 2016 ខាងលើនេះ នឹងត្រូវចូលរួមដោយប្រទេសមួយចំនួនដូចជា សហរដ្ឋអាមេរិក, ជប៉ុន, អូស្ត្រាលី, សិង្ហបុរី, ម៉ាឡេស៊ី និងកូរ៉េខាងត្បូង ដែលនឹងប្រព្រឹត្តទៅរយៈពេល ១០ថ្ងៃចាប់ពីថ្ងៃទី២៥ ខែឧសភាខាងមុខនេះតទៅ។ ដោយឡែក ប្រទេសចំនួន ១២ផ្សេងទៀត ក្នុងនោះក៏មានចិន និងរុស្ស៊ីផងដែរ នឹងដើរតួជាអ្នកអង្កេតការណ៍។</span></p>
<p><br /><a class="thickbox" title="" href="/FileManager/Commons/2016/5/10/14d-10-05-2016--15-51-20.jpg"><img src="/FileManager/Articles/mce/2016/5/10/14d-10-05-2016--15-51-20.jpg" alt="" /></a></p>
<p><span style="color: #000000;">គួរបញ្ជាក់ថា សមយុទ្ធខាងលើនេះ មានគោលដៅពង្រឹងសមត្ថភាពរបស់ប្រទេសដែលបានចូលរួមទាំងអស់ ក្នុងការប្រើប្រាស់នាវាមុជទឹក ដើម្បី សង្គ្រោះគ្រោះមហន្តរាយផ្សេងក្នុងសមុទ្រទឹកជ្រៅ ប្រកបដោយប្រសិទ្ធភាព។ ទោះបីជាបែបនេះក្តី កូរ៉េខាងជើងដែលទើបតែបញ្ចប់សមាជបក្សជាប្រវត្តិសាស្ត្រនោះ ពិតជាមិនអាចឈរនៅស្ងៀម ចាំមើលការធ្វើសមយុទ្ធដ៏គគ្រិកគគ្រេងបែបនេះ នៅក្បែររបងផ្ទះរបស់ខ្លួននោះឡើយ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/10/17a-10-05-2016--14-09-28.jpg"><img src="/FileManager/Articles/mce/2016/5/10/17a-10-05-2016--14-09-28.jpg" alt="" /></a><br /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>