<p><span style="color: #000000;"><strong>ភ្នំពេញ៖</strong> លោក ឌៀប សុវណ្ណតារា អ្នកនិពន្ធ និងដឹកនាំសម្ដែងដ៏ល្បីល្បាញ របស់ផលិតកម្ម អិលឌី ដែលមានលោក លៀក លីដា ជាម្ចាស់ផលិតកម្ម កន្លងមក លោកបានបង្ហាញស្នាដៃយ៉ាងច្រើន មិនគួរឲ្យជឿ ហើយទទួលការគាំទ្របាក់ទឹកបាក់ដី រហូតធ្វើឲ្យផលិតកម្ម អិលឌី ក្លាយជាផលិតកម្មមួយ ផលិតរឿងណាមួយក៏ល្អមើលទទួលបានការគាំទ្រ ហើយទស្សនិកជន ចំណាំមើលថា ឲ្យតែរឿង អិលឌី គឺល្អមើលទាំងអស់ ។ ដោយទទួលបានការគាំទ្របែបនេះ បានធ្វើឲ្យម្ចាស់ផលិតកម្មនេះ គឺលោក លៀក លីដា ប្ដូរមកជិះរថយន្តទំនើបម៉ាក AUDI ក្នុងរយៈពេលតែប៉ុន្មានឆ្នាំចុងក្រោយ ព្រោះគ្រប់ទឹក ចំណេញរាប់ម៉ឺនដុល្លារ ពីវិស័យកុននេះ ។</span></p>
<p><span style="color: #000000;">ក្រោយមកលោក ឌៀប សុវណ្ណតារា ក៏បានដកខ្លួនចេញពីផលិតកម្ម អិលឌី ដោយស្ងាត់ស្ងៀមបំផុត ហើយបែរជាមកបើកផលិតកម្មខ្លួនឯង ដោយមានឈ្មោះថា «RED PICTURE» ដែលរឿងដំបូង របស់ផលិតកម្មនេះគឺមានចំណងជើងថា «ភូមិអត់មនុស្ស» ដែលរឿងនេះ បានបង្ហាញ វិដេអូ ខ្លីៗធ្វើឲ្យមនុស្សជាច្រើនតាមដាន និងចង់ឲ្យបង្ហាញរូបភាព ក្នុងពេលឆាប់ៗនេះទៀតផង ព្រោះទស្សនិកជនចាប់អារម្មណ៍។</span></p>
<p><span style="color: #000000;">លោក ឌៀប សុវណ្ណតារា បាននិយាយប្រាប់ LookingTODAY លោកមិនមានបញ្ហា អាក់អន់ស្រពន់ចិត្តអ្វី ជាមួយ លោក លៀក លីដា ទេ ។ លោកនៅតែធ្វើរឿងឲ្យលោក លីដា ក្នុងមួយឆ្នាំមួយរឿងដដែល និងរៀបចំឲ្យដូចកាលដែលលោកនៅក្នុងផលិតកម្មដែរ បើទោះបីលោក មកបើកផលិតកម្មខ្លួនឯងក៏ដោយ ។ លោកបានបន្តថា សម្រាប់រឿង «ភូមិអត់មនុស្ស»នេះ លោកជាអ្នកនិពន្ធដោយខ្លួនឯង ដឹកនាំខ្លួនឯង រួមទាំងបច្ចេកទេសមួយចំនួន។ កាលពីមុន លោកត្រឹមតែជាអ្នកនិពន្ធ ពេលគេយករឿងលោកទៅសម្ដែង វាមិនបានដូចអ្វី ដែលលោកចង់បានទេ ហើយពេលនេះ លោកអាចគ្រប់គ្រងវាបាន។</span></p>
<p><span style="color: #000000;">លោក ឌៀប សុវណ្ណតារា បាននិយាយថា សម្រាប់ដើមទុន បើកផលិតកម្មខ្លួនឯងនេះ គឺលោកលក់ខ្ទេចខ្ទី តាំងពីដី ឡាន និង ខ្ចីគេខ្លះ ដើម្បីធ្វើវា ក្នុងជំនឿ យ៉ាងមុតមាំថា រឿងនេះនឹងល្អមើល ហើយបានទទួលការគាំទ្រច្រើន ពីទស្សនិកជន ។ ទស្សនិកជន ក៏បានស្គាល់ស្នាដៃ លោក ឌៀប សុវណ្ណតារា រួចហើយថា ជាមនុស្សម្នាក់ដែលខ្លាំង ក្នុងវិស័យភាពយន្ត ព្រោះរឿងចេញមក គ្មានរឿងណាថា មិនល្អមើលនោះទេ ហើយគេក៏បន្តចាំមើលថា លោកអាចធ្វើរឿង «ភូមិអត់មនុស្ស»នេះ បានល្អ ដូចមុនឬទេ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/5/20-05-08-2015--08-40-56.jpg"><img src="/FileManager/Articles/mce/2015/8/5/20-05-08-2015--08-40-56.jpg" alt="" /></a></span></p>
<p><a class="thickbox" title="" href="/FileManager/Commons/2015/8/5/21-05-08-2015--08-41-04.jpg"><img src="/FileManager/Articles/mce/2015/8/5/21-05-08-2015--08-41-04.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/5/20-05-08-2015--08-40-56.jpg"></a></span></p>
<p><a class="thickbox" title="" href="/FileManager/Commons/2015/8/5/23-05-08-2015--08-41-10.jpg"><img src="/FileManager/Articles/mce/2015/8/5/23-05-08-2015--08-41-10.jpg" alt="" /></a></p>
<p><a class="thickbox" title="" href="/FileManager/Commons/2015/8/5/24-05-08-2015--08-41-16.jpg"><img src="/FileManager/Articles/mce/2015/8/5/24-05-08-2015--08-41-16.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>