<p><span style="color: #000000;"><strong>(សេអ៊ូល)៖</strong> អតីតអគ្គលេខាធិការនៃអង្គការសហប្រជាជាតិ លោក បាន គីមូន នៅថ្ងៃពុធនេះបានប្រកាសជាផ្លូវការថា លោកនឹងមិនឈរឈ្មោះជាបេក្ខជនប្រកួតប្រជែងយកតំណែងប្រធានាធិបតីកូរ៉េខាងត្បូង ដែលគ្រោងធ្វើឡើងនៅក្នុងឆ្នាំ២០១៧នេះឡើយ ដែលវាផ្ទុយស្រឡះពីការរំពឹងទុករបស់សាធារណជនកន្លងមក។ នេះបើតាមការចេញផ្សាយនៅមុននេះបន្តិច ដោយទីភ្នាក់ងារព័ត៌មានចិនស៊ិនហួរ នារសៀលថ្ងៃពុធ ទី០១ ខែមករា ឆ្នាំ២០១៧។</span></p>
<p><span style="color: #000000;">លោក បាន គីមូន បានប្រាប់អ្នកសារព័ត៌មាននានានៅទីក្រុងសេអ៊ូលថា លោកនឹងបោះបង់ចោលឆន្ទៈ ក្នុងដឹកនាំការផ្លាស់ប្តូរនយោបាយក្នុងប្រទេស និងការបង្រួមបង្រួមជាតិ ព្រមទាំងបោះបង់ចោលនូវមហិច្ឆតាក្នុងការក្លាយជាប្រធានាធិបតីកូរ៉េខាងត្បូងនៅអាណត្តិក្រោយ ដែលនេះជាការឆ្លើយតបទៅនឹងការទម្លាក់តំណែងប្រធានាធិបតីកូរ៉េខាងត្បូងគឺលោកស្រី ផាក គឺនហេ រួចទទួលការស៊ើបអង្កេត។ បន្ថែមពីនេះ លោកក៏ធ្លាប់បានស្នើឲ្យសភាកូរ៉េខាងត្បូងធ្វើវិសោធនកម្មច្បាប់ ស្តីពីអំណាចប្រធានាធិបតីឡើងវិញផងដែរ។</span></p>
<p><span style="color: #000000;">គួរបញ្ជាក់ថា លោក បាន គីមូន កន្លងមកមិនធ្លាប់ដែលបានប្រកាសជាផ្លូវការចេញពីមាត់លោកឡើយថា លោកនឹងឈរឈ្មោះ ឬមិនឈរឈ្មោះក្នុងការប្រកួតប្រជែងយកតំណែងប្រធានាធិបតីកូរ៉េខាងត្បូងនោះ ប៉ុន្តែទោះបីជាបែបនេះក្តី អ្នកស្រង់មតិនានាធ្លាប់បានបង្ហាញរបាយការណ៍នៃការស្ទង់មតិជាច្រើនដងថា លោក បាន គីមូន ទទួលបានប្រជាប្រិយភាពខ្លាំងនាំមុខបេក្ខជននានានៅកូរ៉េខាងត្បូង ហើយលោកអាចនឹងក្លាយជាប្រធានាធិបតីនៅអាណត្តិថ្មីឆ្នាំ២០១៧ ប្រសិនបើលោកចូលរួមឈរឈ្មោះនោះ៕</span></p>
<p><span style="color: #000000;"><a class="thickbox" title="" href="/FileManager/Commons/2017/2/1/10e-01-02-2017--15-04-23.jpg"><img src="/FileManager/Articles/mce/2017/2/1/10e-01-02-2017--15-04-23.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>