<p><span style="color: #000000;"><strong>(ភ្នំពេញ)៖</strong> លិខិតរបស់សាលារាជធានីភ្នំពេញ ផ្ញើជូនតំណាងរាស្រ្តគណបក្សប្រឆាំង ខេត្តតាកែវ ដែលអង្គភាព Fresh News ទើបទទួលបានមុននេះបន្តិចបានឲ្យដឹងថា ការស្នើសុំតម្កល់រូបសំណាកលោក កែម ឡី នៅទីលានប្រជាធិបតេយ្យ អាជ្ញាធរសាលារាជធានីភ្នំពេញ ពុំត្រូវបានអនុញ្ញាតជូននោះទេ។</span></p>
<p><span style="color: #000000;">ការចេញលិខិតរបស់សាលារាជធានីភ្នំពេញ នៅពេលនេះធ្វើឡើងបន្ទាប់ពីមានការស្នើសុំធ្វើរូបសំណាកលោក កែម ឡី នៅទីលានប្រជាធិបតេយ្យពីសំណាក់តំណាងរាស្រ្តខេត្តតាកែវ លោក អ៊ូ ច័ន្ទរ័ត្ន ។</span></p>
<p><span style="color: #000000;">សាលារាជធានីភ្នំពេញ បានបញ្ជាក់នៅក្នុងលិខិតថា៖ <strong>«កន្លងមកមានប្រជាពលរដ្ឋយើងពិសេសមន្រ្តីរាជការ និងយុទ្ធជនជាច្រើនបានពលិកម្មយ៉ាងធំធេង ដើម្បីបុព្វហេតុឯករាជ្យ មាតុភូមិ បូរណភាពដែនដី និងអធិបតយ្យភាពជាតិ ហើយយើងបានលើកតម្កើងគុណបំណាច់ និងស្នាដៃរបស់ពួកគាត់ដោយគ្រាន់តែ បានសាងនូវស្តូបអនុស្សាវរីយ៍រំលឹកគុណជានិមិត្តរូបតែប៉ុណ្ណោះ ដោយពុំមានការកសាងរូបសំណាកលក្ខណៈបុគ្គលនោះទេ។ ដូច្នេះការស្នើសុំបង្កើតរូបសំណាកបុគ្គលណាម្នាក់ តម្កល់នៅតាមទីសាធារណៈ លុះត្រាតែមានលក្ខណៈវិនិច្ឆ័យឲ្យបានសមស្រប និងគ្រប់ជ្រុងជ្រោយ»</strong>។</span></p>
<p><span style="color: #000000;"><strong>ខាងក្រោមនេះជាលិខិតរបស់សាលារាជធានីភ្នំពេញ៖</strong></span></p>
<p><a class="thickbox" title="" href="/FileManager/Commons/2016/9/29/18-29-09-2016--16-42-39.jpg"><br /><img src="http://image.freshnewsasia.com/2016/019/05/fn-2016-09-29-16-33-52-0.jpg" alt="" width="730" /></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>