<p>បច្ចុប្បន្ន បច្ចេកវិទ្យាមានការរីកចម្រើនយ៉ាងខ្លាំង និងយ៉ាងឆាប់រហ័ស ដូច្នេះ គេជឿថា មិនយូរ<br />ប៉ុន្មាន មនុស្សនឹងបានស្គាល់យុគសម័យមនុស្សយន្ដ។ ពេលនោះ មនុស្សយន្ដនឹងត្រូវបានបំពាក់<br /> “ខួរក្បាលសិប្បនិម្មិត” កាន់តែអស្ចារ្យ និងឆ្លាតវៃជាងបច្ចុប្បន្ន ក៏ប៉ុន្ដែ សូមសាកល្បងស្រមៃមើល<br /> ប្រសិនថ្ងៃណាមួយ មនុស្សមិនអាចគ្រប់គ្រង “ខួរក្បាលម៉ាស៊ីន” បានទៀត តើវានឹងមានបញ្ហាអ្វី<br />ខ្លះកើតឡើង នៅលើផែនដី?</p>
<p style="text-align: center;"><a class="thickbox" title="" href="/FileManager/Commons/2014/8/15/robotf-15-08-2014--17-11-51.jpg"><img src="/FileManager/Articles/mce/2014/8/15/robotf-15-08-2014--17-11-51.jpg" alt="" /></a></p>
<p style="text-align: center;">មហាសេដ្ឋី Elon Musk</p>
<p>ការស្រមៃអំពីបញ្ហាគ្រោះថ្នាក់ចំពោះផែនដី ពិតជាមិនមានអ្វីលំបាកនោះទេ ព្រោះថា បណ្ដា<br />មនុស្សយន្ដដ៏ឆ្លាតវៃ ដែលបង្កើតឡើងដោយដៃមនុស្ស ក៏ប្រហែលជាអាចបង្កើត “កូនចៅ” ជា<br />មនុស្សយន្ដដូចគ្នា និងមានចំនួនច្រើនឡើងៗ។ ជាក់ស្ដែង ក្រោយពីមានការទិញយក Boston<br /> Dynamics ដែលជាក្រុមហ៊ុនផលិតមនុស្សយន្ដ ទាក់ទិននឹងទីភ្នាក់ងារ DARPA (ទីភ្នាក់ងារស្រាវ<br />ជ្រាវបច្ចេកវិទ្យាថ្មី ប្រើប្រាស់ក្នុងវិស័យយោធាអាមេរិក) គេឃើញថា ក្រុមហ៊ុន ផលិតខួរក្បាល<br />យន្ដ DeepMind រួមនឹងក្រុមហ៊ុនផលិតមនុស្សយន្ដដទៃ ក្នុងនោះមាន Google ជាដើម ក៏បាន <br />និង កំពុងធ្វើសកម្មភាពអភិវឌ្ឍខួរក្បាលមនុស្សយន្ដ ប្រកបដោយមហិច្ឆតា ដូច្នេះ ក្ដីបារម្ភទាក់<br />ទិននឹងសន្តិសុខពិភពលោក និងមនុស្សយន្ដ ក៏កាន់តែត្រូវបានគេយកចិត្តទុកដាក់ជាងមុន។</p>
<p style="text-align: center;"><a class="thickbox" title="" href="/FileManager/Commons/2014/8/15/robotc-15-08-2014--17-10-28.jpg"><img src="/FileManager/Articles/mce/2014/8/15/robotc-15-08-2014--17-10-28.jpg" alt="" /></a></p>
<p>មហាសេដ្ឋី Elon Musk ដែលជាអ្នកស្រាវជ្រាវមួយរូប បានសម្ដែងការព្រួយបារម្ភយ៉ាងខ្លាំង អំពី<br />ការរីកចម្រើននៃ “ខួរក្បាលយន្ដ”។ នៅលើទំព័រ Twitter កាលពីចុងសប្ដាហ៍មុន មហាសេដ្ឋី Elon<br /> Musk ឱ្យដឹងថា ៖ “យើងត្រូវតែមានការប្រុងប្រយ័ត្នជាទីបំផុត ចំពោះ AI។ពួកវាអាចនឹងបង្កគ្រោះ ថ្នាក់សាហាវជាងអាវុធនុយក្លេអែរទៅទៀត។ ពិតជាគួរឱ្យសោកស្ដាយ បើពិនិត្យទៅលើ ការរីក<br />ចម្រើនជាក់ស្ដែង មនុស្សយើងកាន់តែដូចទៅនឹងតួអង្គគោល សម្រាប់ការគ្រប់គ្រងរបស់កំពូល <br />ខួរក្បាលយន្ដ នៅពេលអនាគត”។</p>
<p style="text-align: center;"><a class="thickbox" title="" href="/FileManager/Commons/2014/8/15/robotg-15-08-2014--17-20-57.jpg"><img src="/FileManager/Articles/mce/2014/8/15/robotg-15-08-2014--17-20-57.jpg" alt="" /></a></p>
<p style="text-align: center;">មនុស្សយន្ដ អាចជួយមនុស្សលោក បានច្រើន</p>
<p style="text-align: center;"> </p>
<p>ប្រសិនពិចារណាទៅលើសម្ដីរបស់ Elon Musk នោះ ក្នុងពេលអនាគត មនុស្សយើងពិតជាត្រូវ<br />ប្រឈមនឹងបញ្ហាធំ និងគ្រោះថ្នាក់ ជាបញ្ហាដែលមនុស្សខ្លួនឯងជាអ្នកបង្កើតឡើង។ នៅក្នុងកិច្ច<br />សម្ភាសមួយ នៅលើទំព័រ CNBC កាលពីដើមឆ្នាំនេះ មហាសេដ្ឋី Elon Musk ធ្លាប់បានសម្ដែង<br />ការព្រួយបារម្ភអំពីបញ្ហាខាងលើ។ មហាសេដ្ឋីរូបនេះ ក៏សង្កត់ធ្ងន់ថា កំពូលខួរក្បាលយន្ដឆ្លាតវៃ <br />អាច ជាសញ្ញាខណ្ឌបញ្ចប់នៃយុគសម័យគ្រប់គ្រងរបស់មនុស្សលោក។</p>
<p>ផ្ទុយពីការព្រួយបារម្ភរបស់ Elon Musk លោក Ray Kurzweil អ្នកឯកទេសផ្នែកខួរក្បាលយន្ដ <br />និងការអភិវឌ្ឍអនាគត មកពីក្រុមហ៊ុន Google ឱ្យដឹងថា ៖ “តាមការយល់ឃើញរបស់ខ្ញុំ មនុស្ស<br />យន្ដនឹងមិនអាចឆ្លាតវៃជាងមនុស្ស ព្រោះថា មនុស្សលោកយើង កំពុងតែមានខួរក្បាលដែលរីក<br />ចម្រើន និងឆ្លាតវៃ ពីមួយថ្ងៃ ទៅមួយថ្ងៃ។ អ្វីៗទាំងអស់ សុទ្ធតែកំពុងស្ថិតក្នុងការគ្រប់គ្រងរបស់<br />មនុស្ស”។</p>
<p style="text-align: center;"><a class="thickbox" title="" href="/FileManager/Commons/2014/8/15/robotd-15-08-2014--17-08-36.jpg"><img src="/FileManager/Articles/mce/2014/8/15/robotd-15-08-2014--17-08-36.jpg" alt="" /></a></p>
<p style="text-align: center;">ភពផែនដី នឹងស្ថិតក្នុងការគ្រប់គ្រងរបស់មនុស្សយន្ដ ក្នុងពេលអនាគត?</p>
<p><br />យ៉ាងណាក៏ដោយ មនុស្សយើងក៏គួរតែសង្ឃឹមទៅលើបច្ចេកវិទ្យាដែលមនុស្សបានបង្កើតឡើង <br />ប៉ុន្ដែ ត្រូវតែមានការប្រុងប្រយ័ត្នខ្ពស់បំផុត ដើម្បីជៀសវាងបញ្ហាដែលអាចកើតឡើង ដូចក្នុងខ្សែ<br />ភាពយន្ដ រឿង Terminator ដែលបានព្រមានស្រាប់!</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ theverge/extremetech<br /><br /></p>