<div class="_209g _2vxa" data-block="true" data-offset-key="dk9ca-0-0">
<p style="text-align: left;"><span style="color: #000000;"><strong>កណ្តាល៖</strong> ម្ចាស់វង់ភ្លេងពីរនាក់ ឪពុកកូន ត្រូវបានក្រុមក្មេង ស្ទាវវាយទ្រោមខ្លួន ខណៈដែលពួក គេខឹង សម្បារមិនព្រមបន្តលេង៥បទ ទៀតតាមការស្នើសុំ ដែលករណីនេះកើតឡើងនៅម៉ោង២២៖៤០នាទី ថ្ងៃទី១៦ ខែវិច្ឆិកា ឆ្នាំ២០១៥ នៅក្នុងភូមិកណ្តាលលើ ឃុំបន្ទាយដែក ស្រុកកៀនស្វាយ ខេត្តកណ្តាល ក្រោយមកម្ចាស់ ដើមការបីនាក់ឪពុកកូន ក្នុងនោះមានកូនកម្លោះផងនោះត្រូវបានឃាត់ខ្លួនដោយចោទថាពាក់ព័ន្ធ។</span></p>
<p style="text-align: left;"><span style="color: #000000;">សាក្សីនៅកន្លែងកើតហេតុបានឲ្យដឹងថា ករណីហិង្សានេះ កើតឡើងនៅផ្ទះឈ្មោះ ឡោ ផាត ភេទប្រុស អាយុ៥៩ ឆ្នាំ មានទីលំនៅភូមិកណ្តាលលើ ឃុំបន្ទាយដែក ស្រុកកៀនស្វាយ ខេត្តកណ្តាល ដែលជាផ្ទះការ ហើយជនរង គ្រោះ ពីនាក់ឪពុកកូនម្ចាស់វង់ភ្លេង ត្រូវបានបញ្ជូន មកព្យាបាលភ្លាមៗនៅភ្នំពេញ។</span></p>
<p style="text-align: left;"><span style="color: #000000;">យោងតាមរបាយការណ៍របស់នគរបាលបន្ទាយដែក បានឲ្យដឹងថា នៅថ្ងៃយប់ថ្ងៃទី១៥ ខែវិច្ឆិកា លោក ឡោ ផាត បានរៀបអាពាហ៍ពិពាហ៍កូនប្រុស បង្កើតរបស់ខ្លួន ដោយបានជួលវង់តន្ត្រី របស់លោក លី ម៉េង មកប្រគុំនិងរាំ លេងកំសាន្ត រហូតដល់ម៉ោង២២និង៤០នាទី ម្ចាស់អកកេះក៍ប្រាប់ទៅម្ចាស់ដើមការថា ភ្លេងឈប់លេងហើយ និងសុំលុយថ្លៃជួល។</span></p>
<p style="text-align: left;"><span style="color: #000000;">របាយការណ៍ដដែលបានបន្តទៀតថា ពេលនោះ ម្ចាស់ដើមការ និងភ្ញៀវមកចូលរួម សំណូពរម្ចាស់ភ្លេង ឲ្យលេងចំនួន៥បទ ទៀតតែម្ចាស់ភ្លេងមិនព្រម ដោយនិយាយថា បើចង់ឲ្យលេងទៀតទាល់តែថែមលុយ ឮដូចនេះម្ចាស់ដើមការ និងភ្ញៀវមកចូលរួម ក៍បានស្រែកហ៊ោ និងឌឺដងឲ្យម្ចាស់ភ្លេង ពេលនោះម្ចាស់ ភ្លេងខឹងក៍ដកអាវុធ កា៥៤បាញ់ឡើងទៅលើចំនួន២គ្រាប់ ផ្ទុះតែ១គ្រាប់ ពេលនោះកូនម្ចាស់ដើមការ ក៍ស្ទុះ ទៅចាប់កដៃជាប់ និងដកហូតអាវុធ យកមកប្រគល់ឲ្យកម្លាំង ប៉ុស្តិ៍នគរបាលរដ្ឋបាលបន្ទាយដែក ។</span></p>
<p style="text-align: left;"><span style="color: #000000;">មន្រ្តីនគរបាលបានបន្តទៀតថា ភ្លាមនោះម្ចាស់ភ្លេង ក៍បានដើរចេញពីរោងការ រួចក៍ត្រូវក្រុមក្មេងស្ទាវ ព្រួតវាយបណ្តាលឲ្យរងរបួស បញ្ជូនទៅព្យាបាលនៅមន្ទីរពេទ្យភ្នំពេញ។</span></p>
<p style="text-align: left;"><span style="color: #000000;">សាក្សីនៅកន្លែងកើតហេតុក៏បានបញ្ជាក់ទៀតថា ក្រោយហេតុការណ៍នេះបន្តិច កម្លាំងសមត្ថកិច្ច ក៏បានឡោមព័ទ្ធផ្ទះម្ចាស់ដើមការ ហើយភ្លាមៗនោះម្ចាស់ដើមការមិនហ៊ានចេញក្រៅនោះទេ ព្រោះយប់អាធ្រាត្រទៅហើយ បូករួមនិងមានការភ័យក្លាចផង តែទីបំផុតសមាជិកគ្រួសារបីនាក់ ត្រូវបានកម្លាំងអាវុធហត្ថធ្វើការឃាត់ខ្លួន ទី១.គឺលោក ឡោ ផាត ជាឪពុក ទី២.លោក ផាត គន្ធី អាយុ៣៤ឆ្នាំ ជាកូន ត្រូវជាមន្រ្តីនគរបាលឃុំបន្ទាយដែក និងទី៣.លោក ផាត សុគា អាយុ២១ឆ្នាំ ជាកូនកម្លោះ។</span></p>
<p style="text-align: left;"><span style="color: #000000;">យ៉ាងណាក៏ដោយប្រជាពលរដ្ឋនៅក្នុងហេតុការបានឲ្យដឹងថា បីនាក់ឪពុកកូននេះ មិនពាក់ព័ន្ធនិងអំពើហិង្សា នោះទេ គឺជនរងគ្រោះទំាងពីរនាក់ឪពុកកូន ត្រូវបានក្រុមក្មេងស្ទាវវាយនៅក្រៅវង់ភ្លេង និងនៅក្រៅ ផ្ទះរបស់ ម្ចាស់ដើមការ ហើយកូនម្ចាស់ផ្ទះគ្រាន់តែដកហូតកំាភ្លើងទុក រួចប្រគល់ឲ្យនគរបាល មិនបានវាយតប់ ទៅលើកជនរងគ្រោះនោះទេ៕</span></p>
<p style="text-align: left;"><span style="color: #000000;"><a class="thickbox" title="" href="/FileManager/Commons/2015/11/17/11-17-2015-2-35-03-pm-17-11-2015--14-43-25.png"><span style="color: #000000;"><img src="/FileManager/Articles/mce/2015/11/17/11-17-2015-2-35-03-pm-17-11-2015--14-43-25.png" alt="" /></span></a></span></p>
<p style="text-align: left;"><a class="thickbox" title="" href="/FileManager/Commons/2015/11/17/11-16-2015-1-14-03-pm-17-11-2015--14-45-16.png"><img src="/FileManager/Articles/mce/2015/11/17/11-16-2015-1-14-03-pm-17-11-2015--14-45-16.png" alt="" /></a></p>
<p style="text-align: left;"><a class="thickbox" title="" href="/FileManager/Commons/2015/11/17/11-16-2015-1-14-40-pm-17-11-2015--14-45-30.png"><img src="/FileManager/Articles/mce/2015/11/17/11-16-2015-1-14-40-pm-17-11-2015--14-45-30.png" alt="" /></a></p>
<p style="text-align: left;"><a class="thickbox" title="" href="/FileManager/Commons/2015/11/17/11-16-2015-1-15-10-pm-17-11-2015--14-45-43.png"><img src="/FileManager/Articles/mce/2015/11/17/11-16-2015-1-15-10-pm-17-11-2015--14-45-43.png" alt="" /></a></p>
</div>
<div class="_209g _2vxa" style="text-align: right;" data-block="true" data-offset-key="dk9ca-0-0"><span style="color: #000000;">ផ្ដល់សិទ្ធដោយ៖ ដើមអម្ពិល</span></div>
<div class="_209g _2vxa" data-block="true" data-offset-key="33hq5-0-0"></div>