<p><span style="color: #000000;"><strong>(ភ្នំពេញ)៖</strong> លោក សម រង្ស៊ី ប្រធានគណបក្សសង្រ្គោះជាតិ បានប្រកាសអំពីការបង្កើត កម្មវិធី App សម្រាប់ដំឡើងលើទូរស័ព្ទដៃ ដូចទៅនឹងសម្តេចតេជោនាយករដ្ឋមន្រ្តី ហ៊ុន សែន ដែរ ប៉ុន្តែកម្មវិធីរបស់លោក សម រង្ស៊ី ពេលនេះ អាចដំឡើងបានតែនៅលើទូរស័ព្ទដៃ ដែលប្រើប្រាស់ប្រព័ន្ធប្រតិបត្តិការ Android ប៉ុណ្ណោះ ។</span></p>
<p><span style="color: #000000;">នៅលើទំព័រ Facebook របស់លោក សម រង្ស៊ី នៅយប់ថ្ងៃទី០៥ ខែមីនា ឆ្នាំ២០១៦នេះ លោក សម រង្ស៊ី បានលើកឡើងថា <strong>«ឥឡូវនេះ បងប្អូនជនរួមជាតិទាំងអស់ ដែលប្រើប្រាស់ទូរស័ព្ទដៃស្មាតហ្វូន (Smartphone) ប្រភេទ Android ដូចជា Samsung, LG, HTC, Sony, Hua Wei -ល- អាចតាមដានទំព័រហ្វេសប៊ុក (Facebook) របស់ខ្ញុំ បានកាន់តែងាយស្រួល នៅលើកម្មវិធី APP របស់ខ្ញុំ ដោយគ្រាន់តែវាយពាក្យថា "Sam Rainsy" នៅក្នុងកម្មវិធី Play Store ដែលមាននៅក្នុងទូរស័ព្ទប្រភេទខាងលើ»។</strong></span></p>
<p><span style="color: #000000;">កម្មវិធីនៅលើទូរស័ព្ទដៃ កំពុងកាន់តែពេញនិយម នៅក្នុងប្រទេសកម្ពុជា។ កម្មវិធីទាំងនេះ អាចបញ្ជូនព័ត៌មានផ្សេងៗ ឬកម្មវិធីផ្សេងៗជូនអ្នកប្រើប្រាស់ បានយ៉ាងឆាប់រហ័ស។ ឥឡូវបណ្តាញព័ត៌មាននានា ក៏បានបង្កើត App ដើម្បីបញ្ជូនព័ត៌មានរបស់ពួកគេ ទៅកាន់ប្រជាពលរដ្ឋផងដែរ។</span></p>
<p><span style="color: #000000;">កាលពីខែដើមខែមករា សម្តេចនាយករដ្ឋមន្រ្តី ហ៊ុន សែន បានប្រកាសដាក់ឱ្យដំណើរការ App ផ្ទាល់របស់សម្តេច ដើម្បីបញ្ជូនព័ត៌មាន និងសារនយោបាយ ទៅលើទូរស័ព្ទរបស់ប្រជាពលរដ្ឋ។ App របស់សម្តេចតេជោ ហ៊ុន សែន ដែលមានឈ្មោះថា «Samdech Hun Sen» អាចឱ្យប្រជាពលរដ្ឋទាំងអស់ ប្រើប្រាស់បានទាំងលើទូរស័ព្ទ ប្រើប្រព័ន្ធប្រតិបត្តិការ Android និង iOS៕</span></p>
<p><span style="color: #000000;"><a class="thickbox" title="" href="/FileManager/Commons/2016/3/6/01-06-03-2016--09-17-51.png"><span style="color: #000000;"><img src="/FileManager/Articles/mce/2016/3/6/01-06-03-2016--09-17-51.png" alt="" /></span></a></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>