<p>យុវវ័យប្រហែលជាបានស្កាល់ក្រុមចម្រៀងពន្លកថ្មីមួយចំនួនហើយមើលទៅ តែក៏នៅមានក្រុមខ្លះ<br />ដែលនៅកប់លាក់ខ្លួនមិនទាន់មានអ្នកស្គាល់ច្រើននៅឡើយ ហើយពេលនេះ Camnews ចង់នាំ<br />លោកអ្នកមិត្តយុវវ័យអោយបានស្គាល់ក្រុមតន្រ្តី-ចម្រៀងមួយក្រុមដែលជាពន្លកថ្មីគឺក្រុម Khmer<br />Music Recover (KMR) ដែលមិត្តយុវវ័យមួយចំនួនក៏បានស្គាល់ហើយនូវក្រុមនេះដែលជាក្រុម<br />ដែលបាននិពន្ធបទទឹកចិត្តសន្តោស។ កាលពីដើមសប្ដាហ៍នេះ Camnews បានជួបសមាជិកក្រុម<br />KMR ដែលសុទ្ធសឹងជាពន្លកយុវវ័យ កំពុងតែលេងកីឡានៅទីធ្លាសាលកវិទ្យាល័យភូមិន្នភ្មំពេញ<br />ហើយយើងក៏បានជួបសម្ភាសន៍ប្រធានក្រុមគឺបងប្រុស Be Far បានប៉ុន្មានសំនួរផងដែរ។<br /><a class="thickbox" title="" href="/FileManager/Commons/2012/5/2/57632437097933628193418692586802061610094641097035018n-02-05-2012--09-26-58.jpg"><img src="/FileManager/Articles/mce/2012/5/2/57632437097933628193418692586802061610094641097035018n-02-05-2012--09-26-58.jpg" alt="" /></a><br />Camnews៖ សួស្ដី Be Far ខានជួបគ្នាយូរហើយ ថ្ងៃនេះបានជួបគ្នានៅទីនេះពិតជាជួនគ្នាមែន<br />ហើយថ្ងៃនេះខាងខ្ញុំមានសំនួរខ្លះចង់សួរពីដំណើរការក្រុម។ ចង់សួរថាក្រុម KMR ហ្នឹងបង្កើតមក<br />ប៉ុន្មានឆ្នាំដែរហើយ?<br /><br />Be Far៖ បាទបើគិតមកដល់ពេលនេះគឺ ១ ឆ្នាំហើយគឺក្នុងអំឡុងខែ ឧសភា នេះគឺគ្រប់ ១ ឆ្នាំ។<br /><br />Camnews៖ ចុះកាលពីបង្កើតដំបូងមកមានគ្នាប៉ុន្មាននាក់ដែរ ហើយរយៈពេល ១ ឆ្នាំនេះ KMR <br />បានចេញជាសមិទ្ធិផលអ្វីខ្លះដែរ?<br /><br />Be Far៖ កាលពីបង្កើតដំបូងនោះគឺមានគ្នាតែ ៣ នាក់ទេដែលពួកយើងសុទ្ធសឹងតែជាមិត្តភ័ក្រ<br />ស្គាល់គ្នា តែមកដល់ពេលនេះគឺយើងមានសមាជិក ៨ នាក់ហើយដែលក្នុងនោះមាននារី ២ <br />នាក់។ ចំពោះស្នាដៃវិញគឹយើងបាននិពន្ធបទចម្រៀង ក៏ដូចជាសាច់ភ្លេងបានច្រើនដែរ ប្រមាណ<br />អាចនិយាយបានថាមួយអាល់ប៊ុមហើយតែមិនទាន់បានចេញនោះទេ។<br /><br />Camnews៖ ហេតុអ្វីបានជាមិនទាន់មានបទចម្រៀងរបស់ KMR ចេញលក់នៅលើទីផ្សារ?<br /><br />Be Far៖ ការពិតទៅមិនមែនមិនចង់ចេញទេ មានផលិតកម្មក្នុងស្រុកមកទាក់ទងយើងច្រើនតែ<br />ដោយសារក្រុមមិនទាន់ស្រុះគ្នាព្រោះមានអ្នកខ្លះគេមានការងារធ្វើក្រៅ អ្នកខ្លះទៅក៏ត្រូវរៀន ២ <br />សាលា។ហើយណាមួយពួកខ្ញុំតែងសាច់ភ្លេងដោយខ្លួនឯង តែងចម្រៀងដោយខ្លួនឯង អត់ចង់<br />នៅក្រោមអ្នកនិពន្ធដែលចម្លងនោះទេ។ ហេតុនេះហើយបានជាពួកខ្ញុំសុខចិត្តនិពន្ធបទចម្រៀង<br />ខ្លួនឯង ហើយចេញសម្ដែងដូចបានចេញសម្ដែងច្រើនកន្លងមកហើយ ហើយដែលនាំអោយគេ<br />ស្គាល់ច្រើននោះគឺវត្តមានក្រុម KMR ក្នុងកម្មវិធី ឡូយ៩ ក៏ដូចជាកម្មវិធីរាំកាលពីសប្ដាហ៍មុននេះ<br />ឯង។<br /><br />Camnews៖ ចុះចំពោះគំរោងថ្ងៃអនាគតវិញមានគំរោងអ្វីប្លែកទេ?<br /><br />Be Far៖ មាន! គឺថាក្នុងអំឡុង ប៉ុន្មានខែខាងមុខនេះក្រុមខ្ញុំនឹងបើកជាកន្លែងបង្រៀន ហ្គីតាមួយ<br />ដែលយើងបើកតូចទេ ហើយយើងស្វាគមន៍អ្នកមករៀនដោយយើងអត់យកកម្រៃច្រើនទេ យើង<br />អាចយកពីអ្នកដែលចង់រៀនត្រឹម ៥$ ដើម្បីមកផ្គួបទិញសម្ផារៈសម្រាប់រៀនតទៅទៀត។<br /><br />Camnews៖ ហេតុអីបានជាមានគំនិតនេះកើតឡើង?<br /><br />Be Far៖ ការពិតទៅពួកខ្ញុំគិតឃើញការពិតមួយ គឺថាមានមនុស្សច្រើនណាស់ដែលចង់រៀនតន្រ្តីជា<br />ពិសេសគឺ ហ្គឺតា តែនៅតាមសាលាផ្សេងៗមិនងាយមានបង្រៀនទេ ហើយថ្លៃទៀតផង ត្រឹមតែមួយ<br />វគ្គអាចមានតម្លៃដល់ ៥០$ តែការពិតទៅវាអត់មានអ្វីពិបាកក្នុងការបង្រៀននោះទេ ចុះហេតុអីបាន<br />ជាគ្រាន់តែចែករម្លែកក៏មិនបានដែរនោះ? និយាយទៅគឺគ្រាន់តែចង់ចែករម្លែកដូចជាពាក្យស្លោកជា<br />ភាសាអង់គ្លេសថា Share is Care។<br /><a class="thickbox" title="" href="/FileManager/Commons/2012/5/2/46023537548452247651128135357855627312689021091855954o-02-05-2012--09-28-25.jpg"><img src="/FileManager/Articles/mce/2012/5/2/46023537548452247651128135357855627312689021091855954o-02-05-2012--09-28-25.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2012/5/2/46023537548452247651128135357855627312689021091855954o-02-05-2012--09-28-25.jpg"></a><em><strong>វត្តមាន KMR ក្នុងកម្មវិធី ឡូយ៩</strong></em> </p>
<p style="text-align: left;"><object style="display: block; margin-left: auto; margin-right: auto;" width="350" height="300" data="http://www.youtube.com/v/rXY1l9-gecw&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/rXY1l9-gecw&rel=1" /></object></p>
<p style="text-align: center;"><em><strong>ការសម្ដែងក្នុងកម្មវិធី ព្រឹត្តិការណ៍ដ៏អស្ចារ្ស</strong></em></p>
<p style="text-align: center;"><em><strong><object width="350" height="300" data="http://www.youtube.com/v/2Pj1HdbOKl0&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/2Pj1HdbOKl0&rel=1" /></object></strong></em></p>
<p style="text-align: center;"><em><strong>ឈុតមួយនេះគឺជាសកម្មភាពរបស់ KMR ក្នុងកម្មវិធី ឡូ៩ ដែលមានការសម្ដែង<br />បទទឹកចិត្តសន្កោស ផងដែរ</strong></em></p>
<p style="text-align: left;">ចុះលោកអ្នកគិតយ៉ាងណាដែរចំពោះការខិតខំប្រឹងប្រែង និងក្ដីសុបិន្តរបស់មនុស្សមួយក្រុមនេះ?</p>
<p style="text-align: right;">ដោយ៖ <strong>វឌ្ឍនា</strong> </p>