<p><span style="color: #000000;"><strong>(មូស្គូ)៖</strong> ប្រព័ន្ធផ្សព្វផ្សាយរុស្ស៊ី បានរាយការណ៍ថា ភ្នាក់ងារពន្លត់អគ្គិភ័យចំនួន៥នាក់ បានពលីជីវិត របស់ពួកគេ ដើម្បីពន្លត់អគ្គិភ័យដ៏សន្ធោសន្ធៅមួយ ដែលបានឆាបឆេះឃ្លាំងស្តុកទំនិញមួយកន្លែង នៅក្នុងទីក្រុងមូស្គូ នៃប្រទេសរុស្ស៊ី។ នេះបើតាមការចេញផ្សាយ នៅមុននេះបន្តិចដោយ ទីភ្នាក់ងារព័ត៌មានចិន ស៊ិនហួរ នាព្រឹកថ្ងៃសុក្រ ទី២៣ ខែកញ្ញា ឆ្នាំ២០១៦។</span></p>
<p><span style="color: #000000;">មនុស្សជាង ១៦០នាក់ និងឧបករណ៍ប្រមាណ៥០គ្រឿង បានចូលរួមនៅក្នុងការពន្លត់អគ្គិភ័យ ដែលបានកើតឡើងនៅឃ្លាំងស្តុកឥវ៉ាន់មួយកន្លែង ស្ថិតនៅផ្លូវ Amurskaya ភាគខាងកើតទីក្រុងមូស្គូ ហើយទំហំនៃការឆាបឆេះ គឺប្រហែល៤,០០០ម៉ែត្រក្រឡាឯណោះ។</span></p>
<p><span style="color: #000000;">នៅក្នុងហេតុការណខាងលើ ស្ថានីយទូរទស្សន៍រុស្ស៊ី NTV បានឲ្យដឹងថា អ្នកពន្លត់អគ្គិភ័យប្រាំនាក់ បានបាត់បង់ជីវិតអំឡុងពេល បំពេញកតព្វកិច្ចជូនជាតិ ហើយក្រសួងស្ថានការណ៍គ្រាអាសន្នរុស្ស៊ី ក៏បានធ្វើការអះអាងដែរថា ភ្នាក់ងារពន្លត់អគ្គិភ័យចំនួន០៧នាក់ផ្សេងទៀត ពុំទាន់អាចទាក់ទង បាននៅឡើយទេ ខណៈប្រតិបត្តិការស្វែងរកកំពុងតែបន្ត។</span></p>
<p><span style="color: #000000;">គួរបញ្ជាក់ថា គ្រោះអគ្គិភ័យនេះត្រូវបានពន្លត់ ដោយជោគជ័យ នៅយប់ថ្ងៃព្រហស្បតិ៍ (ពេលវេលានៅក្នុងទីក្រុងមូស្គូ)៕</span></p>
<p><span style="color: #000000;"><a class="thickbox" title="" href="/FileManager/Commons/2016/9/23/18-23-09-2016--14-15-05.jpg"><img src="/FileManager/Articles/mce/2016/9/23/18-23-09-2016--14-15-05.jpg" alt="" /></a></span></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>