<p>ការសិក្សាស្រាវជ្រាវផ្នែកវិទ្យាសាស្ដ្រថ្មីមួយ បង្ហាញថា ក្ដារចុចធម្មតា មានបាក់តេរីច្រើនជាង ១០០<br />ដង ធៀបនឹងចានបង្គន់ ចំណែកទូរស័ព្ទចល័ត មានបាក់តេរីច្រើនជាង ១០ដង ធៀបនឹងចានបង្គន់។</p>
<p style="text-align: center;"><a class="thickbox" title="" href="/FileManager/Commons/2015/1/16/smart-16-01-2015--12-59-52.png"><img src="/FileManager/Articles/mce/2015/1/16/smart-16-01-2015--12-59-52.png" alt="" /></a></p>
<p>បាក់តេរីទាំងនេះ គេមិនអាចមើលឃើញដោយភ្នែកធម្មតានោះទេ ដូច្នេះហើយបានជាអ្នកប្រើប្រាស់<br />មិនដឹងថា ស្មាតហ្វូនដែលខ្លួនកំពុងប្រើ មានមេរោគដល់កម្រិតណា។</p>
<p>ដើម្បីសិក្សាស្វែងយល់នូវកម្រិតនៃបាក់តេរីនៅលើស្មាតហ្វូនបច្ចុប្បន្ន និស្សិតមកពីសកលវិទ្យាល័យ<br /> Surrey បានធ្វើការពិសោធមួយចំនួនដ៏គួរឱ្យចាប់អារម្មណ៍។ ពួកគេយកសម្បកទូរស័ព្ទមួយចំនួន <br />មកត្រាំក្នុងធាតុរាវ Petri ដើម្បីជម្រុញការរីកចម្រើនរបស់បណ្ដាបាក់តេរី ដែលជួយឱ្យគេមើលឃើញ<br />ដោយភ្នែកធម្មតា។</p>
<p style="text-align: center;"><a class="thickbox" title="" href="/FileManager/Commons/2015/1/16/smart3-16-01-2015--13-01-08.jpg"><img src="/FileManager/Articles/mce/2015/1/16/smart3-16-01-2015--13-01-08.jpg" alt="" /></a></p>
<p>ក្រោយរយៈពេល ៣ថ្ងៃ បណ្ដារូបភាពដែលគេមើលឃើញ គឺពិតជាគួរឱ្យភ្ញាក់ផ្អើល។ មិនត្រឹមតែ<br />បាក់តេរីមានចំនួនច្រើនប៉ុណ្ណោះទេ តែវាក៏មានបាក់តេរីដែលបង្កគ្រោះថ្នាក់ដល់សុខភាពផងដែរ។ <br />បាក់តេរីទាំងនេះ អាចនឹងឆ្លងរាលដាលដោយងាយ តាមរយៈការប៉ះពាល់ ខណៈដែលមនុស្សភាគច្រើនមិនចាប់អារម្មណ៍ទៅលើការលាងដៃនឹងសាប៊ូ មុននឹងកាន់ទូរស័ព្ទ។</p>
<p style="text-align: center;"><a class="thickbox" title="" href="/FileManager/Commons/2015/1/16/smart2-16-01-2015--13-00-43.jpg"><img src="/FileManager/Articles/mce/2015/1/16/smart2-16-01-2015--13-00-43.jpg" alt="" /></a></p>
<p>បណ្ឌិត Simon Park មកពីសកលវិទ្យាល័យ Surrey ថ្លែងថា “បរិមាណនៃបាក់តេរីលើស្មាតហ្វូន គឺ<br />ច្រើនជាង ១០ ធៀបនឹងបរិមាណដែលគេអាចទទួលយកបាន ក្នុងនោះបាក់តេរីដែលបង្កជម្ងឺ ដូច<br />ជា Staphylococcus និង Bacillus អាចឆ្លងទៅក្នុងប្រព័ន្ធដង្ហើម និងតាមរយៈរបួស នៅពេលប៉ះ<br />ពាល់។ ដូច្នេះ ស្មាតហ្វូនគឺជាឧបករណ៍ដែលអាចបង្កគ្រោះថ្នាក់ធំដល់សុខភាពរបស់មនុស្ស”។</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Dailymail/Surrey<br /><br /></p>