<div>
<p><span style="color: #000000;"><strong>(ម៉ាឌ្រីដ)៖</strong> ៣ពិន្ទុដែលក្លឹបយក្សអេស្ប៉ាញ Real Madrid យកបាន ក្រោយលេងឈ្នះម្ចាស់ផ្ទះ Las Palmas ២-១ យប់ មិញនេះ គឺនៅតែចាញ់ក្រុមកំពូល តារាងអ្នកមានបុណ្យ FC Barcelona ១២ពិន្ទុ ដោយទើបតែរកបាន៦៣ពិន្ទុ គ្រាដែល Atletico Madrid ឈរនៅលេខ២ មាន៦៧ពិន្ទុ ។</span></p>
<p><span style="color: #000000;">ក្រុមដែលទើបតែបានឡើងទៅវគ្គ៨ក្រុមចុងក្រោយនៃ Champions League បានបើកការនាំមុខ១គ្រាប់មុននៅនាទីទី ២៤ ពីការធ្វើបានសម្រេចដោយកីឡាករ ខ្សែការពារ Sergio Ramos នៅមុនពេលត្រូវបានពិន័យកាតក្រហមជាលើកទី ២០របស់គេ ក្នុងការលេងឲ្យក្លឹបស្តេចស Real Madrid ដែលត្រូវបណ្តេញចេញពីទីលាននៅនាទីទី៩០នោះ នៅក្រោយ១នាទីពេលមិត្តរួមក្រុម Caemiro រកបានគ្រាប់ជ័យជំនះនៅនាទីទី៨៩ ។</span></p>
<p><span style="color: #000000;">តែយ៉ាងណាក៏ដោយម្ចាស់ផ្ទះ Las Palmas ក៏រកបាន១គ្រាប់ផងដែរ នៅនាទីទី៨៧ ពីការធ្វើបានសម្រេដោយកីឡាករ Willian Jose ដែលគ្រាប់វាយបក បន្ទាប់ពីរបូត១គ្រាប់តាំងពីវគ្គទី១មកនោះ បន្តឈរនៅលេខរៀងទី១៥ដដែល ដោយ ទើបរកបាន៣០ពិន្ទុពីក្នុងជើងទី២ នៃសប្តាហ៍ទី២៩ គ្រាដែលនៅសល់៩ប្រកួតទៀតប៉ុណ្ណោះនឹងបិទរដូវកាល La Liga វិញហើយ ។</span></p>
<p><span style="color: #000000;">គ្រូបង្វឹក Zinedine Zidane ដែលបានដឹកនាំ Real Madrid ទម្លាក់ក្រុម Roma របស់អ៊ីតាលីចេញពី Champions League ក្នុងវគ្គ១៦ក្រុមសប្តាហ៍មុននេះ បានទទួលស្គាល់ថា ក្រុមរបស់លោកបានកំពុងលេងធ្លាក់ជើងបន្តិចហើយ ដោយអាចយកឈ្នះក្រុមអន់ Las Palmas ត្រឹមតែលទ្ធផល ២-១ ជាមួយនឹង Gareth Bale បានលេងកំពុងតែមាន របួសតិចតួច និង Karim Benzema អវត្តមានដោយសាររបួសដូចគ្នា ។</span></p>
<p><span style="color: #000000;"><strong>លទ្ធផល ៣គូផ្សេងទៀតយប់មិញនេះដែរ៖</strong></span><br /><span style="color: #000000;">Levante 1-0 Valencia</span><br /><span style="color: #000000;">Sevilla 4-2 Villarreal</span><br /><span style="color: #000000;">Athletic Bilbao 3-1 Real Betis ៕</span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/03/13/20/3229B81C00000578-0-image-a-5_1457902100726.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/03/13/21/322A061C00000578-3490614-image-a-33_1457904423284.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/03/13/20/3229CE6200000578-0-image-a-2_1457902078195.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/03/13/20/3229BD7F00000578-0-image-a-15_1457902138726.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/03/13/20/3229CE5600000578-0-image-a-14_1457902133461.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/03/13/20/3229D15200000578-0-image-a-17_1457902164338.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/03/13/20/32299E4900000578-0-image-a-21_1457902194597.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>