<div class="article-content">
<p><strong>ភ្នំពេញ៖</strong> អ្នកនាំពាក្យស្ថាន ទូតអាម៉េរិកប្រចាំកម្ពុជា លោក សន ម៉ាកឃិនថុស្ស (Sean McIntosh)<br />បានថ្លែងឱ្យដឹង នៅថ្ងៃ ចន្ទ ទី២៩ ខែកក្កដា ឆ្នាំ២០១៣ ថា អាម៉េរិកស្វាគមន៍ដំណើរការ បោះឆ្នោត<br />សាកល ប្រកបដោយសនិ្តវិធីនៅកម្ពុជា ប៉ុន្តែក៏បានស្នើឱ្យគណៈកម្មាធិការជាតិរៀបចំការបោះឆ្នោត <br />ហៅកាត់ថា គ.ជ.ប បើកការស៊ើបអង្កេត ចំពោះភាពមិនប្រក្រតី ដែលបានកើតឡើង ក្នុងអំឡុង <br />ពេលនៃការបោះឆ្នោតផងដែរ។</p>
<p>លោកសន ម៉ាកឃិនថុស្ស (Sean McIntosh) បានថ្លែងប្រាប់មជ្ឈមណ្ឌលព័ត៌មានដើមអម្ពិល តាម<br />រយៈសារអេឡិច ត្រូនិចថា "យើងបានដឹងអំពីភាព មិនប្រក្រតីមួយចំនួនក្នុង ការបោះឆ្នោត ហើយ<br />អំពាវនាវអោយ រាជរដ្ឋាភិបាល ដោះស្រាយនូវភាពខុសឆ្គង ដែលមានលក្ខណៈ ជាប្រព័ន្ធក្នុងបញ្ជី<br />ឈ្មោះបោះឆ្នោត ក៏ដូចជាគុណវិបត្តផ្សេងៗទៀត ផងដែរ។ យើងក៏សូមអំពាវនាវអោយ គ.ជ.ប ធ្វើ<br />ការស៊ើបអង្កេតដោយ ពេញលេញ និងមានតំលាភាព ចំពោះ របាយការណ៍ ដែលជឿអោយទុកចិត្ត<br /> បានស្តីពីភាពមិនប្រក្រតី ទាំងនោះ និងចាត់វិធានការណ៏អោយ បានត្រឹមត្រូវ ប្រសិន បើចាំបាច់"។<br />អាម៉េរិក ក៏បានចាត់ទុកថា ជាជំហានប្រវត្តិសាស្រ្តមួយ ក្នុងការអភិវឌ្ឍន៏ លទ្ធិប្រជាធិបតេយ្យនៅ<br />កម្ពុជា។ "យើងសូម ស្នើអោយ គណបក្សនយោបាយទាំងអស់ ក៏ដូចជាអ្នកគាំទ្ររបស់គេ បន្តធ្វើ<br />សកម្មភាព ដោយមាន របៀបរៀប រយនិងដោយសន្តិវិធី ក្នុងអំឡុងពេលក្រោយបោះឆ្នោត"។</p>
<p>អ្នកនាំពាក្យរូបនេះ បានថ្លែងផងដែរថា "យើងគត់សំគាល់ នូវកិច្ចខិតខំប្រឹងប្រែង យ៉ាងខ្លាំងរបស់<br />សង្គមស៊ីវិល ក្នុងការ ត្រួតពិនិត្យ នូវដំណើរការបោះឆ្នោត។ យើងនឹងពិនិត្យ មើលនូវព័ត៌មានទូទៅ<br />ជាច្រើនក្នុងរយៈពេល ប៉ុន្មាន សប្តាហ៍ខាងមុខនេះនៅពេលដែលយើងធ្វើការវាយតំលៃពីលទ្ធផល<br />នៃការបោះឆ្នោត"។</p>
<p>យោងតាមលោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានបញ្ជាក់ប្រាប់ មជ្ឈមណ្ឌលព័ត៌មាន<br />ដើមអម្ពិល តាមសារទូរស័ព្ទថាគណបក្សប្រជាជនកម្ពុជា ទទួលបានអាសនៈ៦៨ ខណៈគណបក្ស<br />សង្រ្គោះជាតិ ទទួលបាន ៥៥ អាសនៈ លើ១២៣អាសនៈ នៃ រដ្ឋសភា ៕</p>
<p style="text-align: center;"> </p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>