<p><strong>ភ្នំពេញៈ </strong>តារាចម្រៀងចំណូលថ្មី របស់ផលិតកម្ម ហង្សមាស និយមបកស្រាយបទ ចម្រៀងបរទេស កញ្ញា សុខ សីឡាលីន ហាក់មានយីអ៊ុន ខ្ពស់ជាមួយ ការងារសិល្បៈ។ ដោយឡែកសម្រាប់រឿង ស្នេហាវិញ ហាក់ដូចជា មានឧបសគ្គមិនចេះ ចប់មិនចេះហើយ តែអ្នកម្តាយជា ទីស្រឡាញ់មិនពេញចិត្ត និងមិនចង់ឲ្យនាង មានទំនាក់ទំនងស្នេហា ដែលជាអ្នករស់នៅក្នុង វង្វង់សិល្បៈដូចគ្នា ហើយតែងតែបំបែក ស្នេហ៍របស់ពួកគេ ទាំងពីរ អស់រយៈពេលជិត ១០ ឆ្នាំមកហើយ។</p>
<p>តារាចម្រៀងស្រី មានទឹកដមសំឡេង ពីរោះ រណ្តំចិត្ត ទាំងការបកស្រាយ បទចម្រៀងជាតិ និងភាសាបរទេស កញ្ញា សុខ សីឡាលីន ត្រូវបានទស្សនិកជន មួយចំនួន ធ្លាប់ដាក់រហ័ស្សនាមឲ្យ ថា "ជាតារាអភ័ព្វស្នេហ៍"។ មូលហេតុដែលគេផ្តល់ រហ័ស្សនាមឲ្យនាងបែបនេះ ព្រោះតែម្តាយរបស់នាង មិនពេញចិត្ត និងរារាំងខ័ណ្ឌ ចែកស្នេហានាង បដិសេធយ៉ាងដាច់អហង្ការ មិនឲ្យនាងទាក់ទងជាមួយ គូស្នេហ៍ ដែលគេស្គាល់ច្បាស់ថា ជាប្រធានក្រុមតន្ត្រីចចកសមុទ្រ លោក អ៊ុក មិនណារិទ្ធ ។</p>
<p>តែទោះជាមានរនាំងស្នេហ៍ ដោយមានម្តាយរបស់នាង ដាក់បន្លាមុតស្រួចបាំង យ៉ាងណាក៏ដោយ ក៏មិនបានធ្វើឲ្យគូស្នេហ៍ អ្នកសិល្បៈមួយនេះ បាក់កំលាំងចិត្ត បោះបង់ស្នេហ៍ចោល ទាំងពាក់កណ្ដាលទីឡើយ ។តែផ្ទុយទៅវិញ គេសង្កេតឃើញ ពួកគេទាំងពីរ នៅតែតស៊ូទាក់ទងគ្នាទាំងឈឺចាប់ ទោះជាត្រូវរស់នៅជាមួយ ស្នេហាឈឺចាប់ មិនអាចទាក់ទងគ្នា ដោយបើកចំហរ និងមិនអាចរំពឹងថា អាចដឹកដៃគ្នា ចូលរោងការ យ៉ាងណាក៏ដោយ ។</p>
<p>ជាការពិតណាស់ ដូចពាក្យចាស់ លោកពោលថា "ក្រោយភ្លៀងមេឃស្រឡះ" ឬ "តស៊ូគង់បានសម្រេច" តាមរយៈពាក្យ ចាស់ក្នុងឃ្លាខាងលើនេះ វាពិតជាត្រូវទៅនឹង សាច់រឿងស្នេហារបស់ កញ្ញា សុខ សីឡាលីន និងលោក អ៊ុក មិនណារិទ្ធ ខ្លាំងណាស់ ទោះជាមានការរនាំងចាក់គ្រឹះ ខំប្រឹងបំបែក ស្នេហារបស់ពួកគេ យ៉ាងណាក៏ដោយ ក៏មិនអាចយកឈ្នះ ទំហំនៃចិត្តស្រឡាញ់ ដែលពួកគេមានចំពោះគ្នា ទៅវិញទៅមក អស់រយៈពេលជិត១០ឆ្នាំ នេះដែរ ។</p>
<p>ផ្ទុយទៅវិញស្នេហាដ៏បរិសុទ្ធ ក្តីស្រឡាញ់ពិតរបស់ពួកគេ បានពុះបំបែកវណ្ណៈស្នេហ៍ ធ្វើឲ្យម្តាយបណ្តូលចិត្តនាង សម្រេចចិត្តបើកភ្លើងខៀវ បើកចិត្តផ្តល់ឱកាស ឲ្យប្រធានក្រុម តន្ត្រីចចកសមុទ្រ លោក អ៊ុក មិនណារិទ្ធ មានទំនាក់ទំនង ស្នេហាជាមួយកូនស្រី ដោយបើកចំហរ និងលែងជំទាស់ចិត្តស្រឡាញ់របស់កូនស្រី និងប្រុសកំពូលស្នេហ៍នោះទៀតហើយ។</p>
<p>បើទោះជាមានការបើកភ្លើងខៀវ ពីម្តាយរបស់តារាចម្រៀងស្រីរូបស្រស់ សម្បុរស្រអែមរូបនេះក៏ដោយ ក៏គេនៅមិនទាន់ដឹងច្បាស់ថា ស្នេហារបស់អ្នកទាំងពីរ នឹងអាចដឹកដៃគ្នា ចូលរោងជ័យ នៅពេលណានោះទេ ខណៈ LookingTODAY បានទាក់ទងទៅ កញ្ញា សុខ សីឡាលីន ដើម្បីកុំការបំភ្លឺ នៅថ្ងៃទី២១ ខែតុលា ឆ្នាំ២០១៣នេះ ប៉ុន្តែនាងមិនបានផ្តល់ បទសម្ភាសន៍ ណាមួយពាក់ព័ន្ធ និងរឿងនេះឡើយ គ្រាន់តែនាងលើកទូរស័ព្ទ និយាយមិនទាន់បានប៉ុន្មានវិនាទីផង នាងក៏ប្រាប់យ៉ាងខ្លីថា “ពេលនេះខ្ញុំសុំលើកទូរស័ព្ទគេសិន ចាំពេលក្រោយចុះ ” រួចក៏ផ្តាច់ទូរស័ព្ទតែម្តងទៅ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-099/v_1184.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-099/v_1185.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-099/v_1186.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-099/v_1187.jpg" alt="" width="600" /></p>
<p style="text-align: left;"><span style="color: #000000;">ព័ត៌មានគួរឲ្យចាប់អារម្មណ៍ផ្សេងទៀត៖</span></p>
<p style="text-align: left;"><a href="/News/Detail/30648/ipad-3-and-ipad-4-to-stop-selling-the-ipad-2-continued-mission"><span style="color: #0000ff;">- iPad 3 និង iPad 4 ត្រូវបាន Apple បញ្ឈប់ផលិតលក់, iPad 2 នៅបន្តបេសកកម្ម</span></a><a href="/News/Detail/63809/os-x-109-for-free-download-from-today"><span style="color: #0000ff;"><br />- OS X 10.9 ដោនឡូត Free ចាប់ពីថ្ងៃនេះតទៅ Support កុំព្យូទ័រ Laptop ច្រើនស៊េរី</span></a><a href="/News/Detail/90164/apple-upgrades-macbook-pro-line-with-retina-haswell-chip"><span style="color: #0000ff;"><br />- Apple អាប់ឌេតស៊េរី Macbook Pro Retina ជាមួយនឹង Chip Haswell, ថ្មល្អជាងមុន</span></a><a href="/News/Detail/17254/ipad-mini-with-retina-display"><span style="color: #0000ff;"><br />- iPad mini អេក្រង់ Retina CPU A7 តំលៃចាប់ពី ៣៩៩ ដុល្លារ បង្ហាញខ្លួន ជាផ្លូវការហើយ</span></a><a href="/News/Detail/61408/apple-launches-ipad-air-97-retina"><span style="color: #0000ff;"><br />- iPad ជំនាន់ថ្មី ជាមួយនឹងឈ្មោះហៅថា iPad Air បង្ហាញខ្លួនជាផ្លូវការ, ស្រាល និងខ្លាំងជាងមុន</span></a></p>
<p style="text-align: right;">ដោយ៖ LookingTODAY<br />ផ្តល់សិទ្ធិដោយ៖ ដើមអំពិល</p>