<p><span style="color: #000000;"><strong>(អាមេរិក)៖</strong> ហេតុការណ៍ដ៏តក់ស្លុតមួយកើតឡើងនៅរដ្ឋ Virginia សហរដ្ឋអាមេរិក គឺស្ត្រីជាម្តាយម្នាក់បានឈរមើល កូនស្រីដ៏តូចស្លាប់យ៉ាងអណោចអធមដោយសារ តែកូនស្រីម្នាក់ទៀតដែលបញ្ជារថយន្តរបស់ខ្លួនបើកកិនពីលើ។</span></p>
<p><span style="color: #000000;">ប៉ូលីសនិយាយថា នៅថ្ងៃកើតហេតុ ស្ត្រីជាម្តាយកូនបីអាយុ២៥ឆ្នាំបានលាងសំអាតរថយន្តត្រាក់ SUV របស់ខ្លួននៅឯផ្ទះស្ថិតនៅតំបន់ Ruckersville ពេលដែលនាងដើរចេញឆ្ងាយពីរថយន្តបន្តិចក៏ស្រាប់តែកូនស្រីអាយុ៥ឆ្នាំទៅទាញចង្កឹះលេខរថយន្តមិនដឹងមានអ្វីកើតឡើងបណ្តាលឲ្យរថយន្តផ្លាស់ទីរត់ទៅកិនកូនស្រីដ៏តូចម្នាក់ទៀតអាយុទើបបានមួយឆ្នាំកន្លះឈ្មោះ Aeayla A. Camacho បណ្តាលឲ្យស្លាប់ភ្លាមៗ។</span></p>
<p><span style="color: #000000;">ស្ត្រីជាម្តាយរងរបួសកជើងខណៈព្យាយាមស្ទុះទៅជួយកូនដែលរងគ្រោះ ចំណែកកូនស្រីពីរនាក់ដែលនៅក្នុងរថយន្តមិនរងគ្រោះថ្នាក់ទេហើយក៏គ្មានការចោទប្រកាន់ណាមួយកើតឡើងចំពោះនាងដែរព្រោះប៉ូលីសចាត់ទុកថាករណីនេះជារឿងស្មានមិនដល់ឡើយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/9/28/04a-28-09-2016--14-49-32.jpg"><img src="/FileManager/Articles/mce/2016/9/28/04a-28-09-2016--14-49-32.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>