<p><strong>ប៉េកាំង៖</strong> យោងតាមសារព័ត៌មាន នៅក្នុងស្រុកបានផ្សាយថា ការវាយប្រហារដោយយន្តហោះ <br />គ្មានមនុស្សបើករបស់ អាមេរិកមួយគ្រឿង បានសម្លាប់មេបញ្ជាការ កំពូលម្នាក់របស់ពួកតាលីបង់<br /> ដែលស្ថិតនៅទិសពាយ័ព្យ ប្រទេសប៉ាគីស្ថាន ហើយយ៉ាងហោចមានមនុស្សចំនួន ១៥នាក់ត្រូវ<br />បានសម្លាប់ និងមួយចំនួនទៀតរងរបួសផងដែរ។</p>
<p>យោងតាមទីភ្នាក់ងារសារព័ត៌មាន ចិនស៊ិនហួ បានរាយការណ៍ ឲ្យដឹងនៅថ្ងៃចន្ទ ទី០៧ ខែមករា<br /> ឆ្នាំ២០១៣ថា ការវាយប្រហារនៅតំបន់ បាបា ហ្គា នៃតំបន់ភ្នំ សោត វ៉ាស៊ីរីស្តាន់ ប្រទេស ប៉ាគីស្ថាន<br /> មានការចូលរួមពីយន្តហោះ គ្មានមនុស្សរបស់អាមេរិក ចំនួន៥គ្រឿង បានបាញ់គ្រាប់មីស៊ីល ចំនួន<br />៨គ្រាប់។ ជាមួយគ្នានេះដែរ មិនទាន់មានការអះអាងជាផ្លូវការ អំពីការស្លាប់មេបញ្ជាការ ទ័ពពួកតា<br />លីបង់លោក វ៉ាលី មូហាម៉េដ នៅឡើយទេ។</p>
<p>គួរបញ្ជាក់ផងដែរថា ការវាយប្រហារកាលពីថ្ងៃអាទិត្យ ទី០៦ ខែមករា គឺជាលើកទី៣ហើយ នៃការ<br />វាយប្រហារប្រភេទនេះ ចាប់តាំងពីចូលឆ្នាំថ្មីមក៕</p>
<p><a class="thickbox" title="" href="/FileManager/Commons/2013/1/7/kosal-0172-07-01-2013--19-03-30.jpg"><img src="/FileManager/Articles/mce/2013/1/7/kosal-0172-07-01-2013--19-03-30.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>