<p><strong>ភ្នំពេញៈ </strong>តារាសម្តែង ក្រមិចក្រមើម ចរិករួសរាយរាក់ទាក់ កញ្ញា ស៊ុំ សុម៉ាលី បានបាត់វត្តមាន ពី<br />វិស័យសិល្បៈអស់រយៈពេល ជាងកន្លះឆ្នាំ ក្រោយពីលេចឮ ព័ត៌មានថា នាងបានបញ្ចប់ អាជីព<br />សិល្បៈចោល ទាំងពាក់កណ្តាលទី ដោយសារតែការបង្ខំ ពីក្រុមគ្រួសារ កាលពីពេលកន្លងមក<br />នោះ ត្រូវបាននាងចេញមុខ ទទួលស្គាល់ថា នាងអាចមានគម្រោង បញ្ចប់អាជីពនេះ ក្នុងពេល<br />ឆាប់ៗខាងមុខនេះ ។</p>
<p>ជួបជាមួយ LookingTODAY តាមទូរស័ព្ទ នៅថ្ងៃទី១០ ខែតុលា ឆ្នាំ ២០១៣នេះថា ការងារសិល្បៈ<br />មួយរយៈ ពេលពេលនេះ នាងបានផ្អាកមិនទទួលទេ ដោយសារតែនាង ចង់ដកឃ្លា ពីការងារ<br />សិល្បៈមួយរយៈពេល។ ប៉ុន្តែនាងមិនខ្លាចបាត់ ប្រជាប្រិយភាព អ្វីឡើយ ព្រោះថា មុននឹងនាងផ្អាក<br />ការងារ នាងបានថតចម្រៀង និងថតរឿងទុកដាក់ បញ្ចាំងខ្លះៗដែរ ដូច្នេះទស្សនិកជន នៅតែអាច<br />ទស្សនា ការសម្តែងរបស់នាង បានដដែល ។</p>
<p>ស្រីស្រស់វ័យក្មេងសាច់ស្អាត ស៊ុំ សុម៉ាលី បានប្រាប់ឲ្យដឹងទៀតថា “ ចំពោះមូលហេតុដែលខ្ញុំ ផ្អាក<br />ការងារសិល្បៈនោះ គឺដោយសារតែ ខ្ញុំមានការរវល់ផ្ទាល់ខ្លួន។ ម្យ៉ាងក៏មិនចង់ជំទាស់ចិត្ត គ្រួសារ<br />ផង ព្រោះដូចព័ត៌មានផ្សាយអ៊ីចឹង គឺ ចាស់ទុំគាត់មិនចង់ឲ្យ ខ្ញុំប្រឡូកសិល្បៈទេ ។ សម្រាប់ហេតុ<br />ផលមួយទៀត ខ្ញុំអាចបញ្ចប់អាជីព នេះទាំងស្រុង ក្រោយរៀបការរួច ក៏ថាបានដែរ ” ។</p>
<p>តាមរយៈការបង្ហើបយ៉ាងខ្លី ពីដំណឹងល្អថា នាងមានគម្រោងរៀបការនេះ បានធ្វើឲ្យទស្សនិកជន <br />ក៏ដូចជាបណ្តាញសារព័ត៌មាន មានការងឿងឆ្ងល់ថា តើបុរសក្នុងក្តីស្រមៃ ដែលនាងមានបំណង <br />ចង់ក្រាបផ្ទឹមរៀបការ ក្បាលដល់កន្ទេលជាមួយគ្នានោះ ជាបុរសប្រភេទណា ហើយពន្លកស្នេហ៍ <br />ចាប់ផ្តើមដុះឡើងតាំង ពីពេលណា ?</p>
<p>ពាក់ព័ន្ធនឹងចម្ងល់នោះ ត្រូវបានស្រីស្រស់ ស៊ុំ សុម៉ាលី បង្ហើបប្រាប់ពី កំណើតស្នេហានេះថា “ ខ្ញុំ<br />និងគូស្នេហ៍ បានចាប់ផ្តើមមើលចិត្តថ្លើម តាមការណែនាំ របស់ចាស់ទុំ ជាង២ឆ្នាំហើយ។ ដោយ<br />បុរសរូបនោះ គឺជាអ្នកជំនួញ ក្នុងស្រុកមានវ័យស្របាលគ្នា នឹងខ្ញុំ ។រហូតមកដល់ពេលនេះ ខ្ញុំក៏<br />ចាប់ផ្តើមមានអារម្មណ៍ល្អៗ ជាមួយគ្នា ចាស់ទុំទាំងសងខាង ក៏និយាយត្រូវរ៉ូវគ្នា ដោយគ្រួសារខ្ញុំ <br />ចង់ឲ្យខ្ញុំរៀបការ ក្នុងពេលឆាប់ៗនេះ ថាមិនត្រូវឆ្នាំក្រោយ អាចចូលរោងការ ក៏ថាបានដែរ ” ។</p>
<p>នៅក្នុងនោះតារាសម្តែងដែល មានចរិករួសរាយរាក់ទាក់ ស៊ុំ សុម៉ាលី បាន ប្រាប់ឲ្យដឹងថា ក្នុងកំឡុង<br />ពេលដែល នាងផ្អាកការងារសិល្បៈ នាងបានបាត់បង់ ឱកាសថតរឿង មិនតិចជាង ១០រឿងទេ ទាំង<br />ការថតរឿង ក្នុងស្រុក និងក្រៅស្រុក។ បើទោះជានាងអាក់ខាន មិនបានទទួល ថតរឿងយ៉ាងណាក៏<br />ដោយ ក៏នាងមិនបានស្តាយក្រោយដែរ ដោយសារពេលនេះ នាងជាប់ដៃក្នុងរឿង ការងារ និងមាន<br />បញ្ហាខ្លះ មិនអាចទទួលការងារបាន។</p>
<p>ម្យ៉ាងវិញទៀតប្រសិនបើ ស៊ុំ សុម៉ាលី ត្រូវចាស់ទុំរកវេលា ឲ្យរៀបការ ហើយអនាគតស្វាមីមិនចង់ <br />ឲ្យនាងបន្តសិល្បៈ នាងអាចបញ្ចប់អាជីពនេះ ទៅសម្ងំ បង្កើតគ្រួសារ មានសុភមង្គលមួយ ពោលគឺ<br />ក្រោយពីរៀបមង្គលការរួច ស៊ុំ សុម៉ាលី ត្រូវលើកដៃ បាយ បាយ ពីវិថីសិល្បៈទាំងស្រុងតែម្ដង៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-099/v_0926.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-099/v_0927.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-099/v_0928.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-099/v_0929.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/September/id-099/v_0930.jpg" alt="" width="600" /></p>
<p style="text-align: right;">ដោយ៖ LookingTODAY<br />ផ្តល់សិទ្ធិដោយ៖ ដើមអំពិល</p>