<p>បើទោះជាពូជរុក្ខជាតិនេះ ធ្លាប់ត្រូវបានគេដាំពិសោធកាលពីមុន ប៉ុន្ដែលើកនេះ Tomtato ដែលជារុក្ខជាតិត្រូវបានគេបង្កាត់រវាង ប៉េងប៉ោះ និងដំបូងបារាំង ត្រូវបានគេបង្ហាញខ្លួនជាផ្លូវការ ។</p>
<p style="text-align: center;"><a class="thickbox" title="" href="/FileManager/Commons/2013/9/28/tomtato1-28-09-2013--15-47-26.jpg"><img src="/FileManager/Articles/mce/2013/9/28/tomtato1-28-09-2013--15-47-26.jpg" alt="" /></a></p>
<p>ថ្មីៗនេះ រុក្ខជាតិពីរប្រភេទ គឺ ប៉េងប៉ោះ (Tomato) និង ដំឡូងបារាំង (Potato) ត្រូវបានអ្នកឯកទេសផ្នែកកសិកម្ម ធ្វើការបង្កាត់ពូជជាមួយគ្នា បង្កើតបានជារុក្ខជាតិថ្មីមួយប្រភេទ ត្រូវបានគេដាក់ឈ្មោះថា Tomtato ហើយវាត្រូវបានឧទ្ទេសនាមនៅអង់គ្លេស។<br /><br />Tomtato អាចចេញផ្លែប៉េងប៉ោះច្រើនជាង ៥០០ផ្លែ ខណៈដែលវាក៏មានមើមជាដំឡូងបារាំងផងដែរ។ រុក្ខជាតិបង្កាត់ពូជនេះ គឺជាកម្មសិទ្ធិរបស់ក្រុមហ៊ុនផលិតសម្ភារៈកសិកកម្ម Thompson & Morgan ដែលបច្ចុប្បន្ន កំពុងត្រូវបានដាក់លក់ក្នុងតម្លៃ ១៤,៩៩ផោន/ដើម (ជាង ១៩ដុល្លារអាមេរិក) ។ ក្រុមហ៊ុននេះ បានឱ្យដឹងថា ប្រភេទរុក្ខជាតិនេះត្រូវបានផ្សាំដោយដៃម្ដងមួយដើមៗ ហើយវាមិនមែនជាបច្ចេកទេសហ្សែននោះទេ។<br /><br />កាលពីរយៈពេលកន្លងមក Tomtato ត្រូវបានគេដាំសាកល្បងរួចមកហើយ ប៉ុន្ដែ នេះគឺជាលើកដំបូងដែលក្រុមហ៊ុន Thompson & Morgan ផលិតដោយជោគជ័យនូវពូជរុក្ខជាតិពិសេសនេះ។</p>
<p style="text-align: center;"><a class="thickbox" title="" href="/FileManager/Commons/2013/9/28/tomtato2-28-09-2013--15-48-50.jpg"><img src="/FileManager/Articles/mce/2013/9/28/tomtato2-28-09-2013--15-48-50.jpg" alt="" /></a></p>
<p>លោក Paul Hansord អគ្គនាយកនៃក្រុមហ៊ុន Thompson & Morgan បានឱ្យដឹងថា គំនិតបង្កាត់ពូជពិសេសនេះ ត្រូវបានកើតឡើងកាលពី ១៥ឆ្នាំមុន ខណៈលោកទៅទស្សនាសួនដំណាំមួយ ដែលកន្លែងនោះ គេដាំដើមប៉េងប៉ោះពីខាងលើរងដំឡូងបារាំង ដើម្បីធ្វើឱ្យមានភាពប្លែកភ្នែក។<br /><br />ដើម្បីទទួលបានជោគជ័យដូចបច្ចុប្បន្ន ក្រុមហ៊ុនបានឆ្លងកាត់នូវការពិសោធ សាកល្បងជាច្រើនដែលប្រកបដោយបរាជ័យ។ ដើមប៉េងប៉ោះ និងដំឡូងបារាំង ត្រូវមានកម្រាស់ប្រហាក់ប្រហែលគ្នា ដើម្បីសមស្របសម្រាប់ការផ្សាំជាមួយគ្នា។ លោក Hansord បន្ដថា នេះគឺជាបច្ចេកទេសមួយដែលទាមទារឱ្យមានការយកចិត្តទុកដាក់ខ្ពស់។</p>
<p style="text-align: center;"><a class="thickbox" title="" href="/FileManager/Commons/2013/9/28/tomtato3-28-09-2013--15-49-18.jpg"><img src="/FileManager/Articles/mce/2013/9/28/tomtato3-28-09-2013--15-49-18.jpg" alt="" /></a></p>
<p>ក្រៅពីសមត្ថភាពចេញផ្លែ និងមើមក្នុងពេលតែមួយ ដើម Tomtato ក៏មានភាពងាយស្រួលក្នុងការដាំ។ វាអាចរីកចម្រើននៅក្នុងផ្ទះ ឬខាងក្រៅផ្ទះ ដោយគ្រាន់តែដាំនៅក្នុងផើង ឬថង់ធំៗជាការស្រេច។</p>
<p style="text-align: right;"><br /><br />ដោយ ៖ តារា<br />ប្រភព ៖ Dailymail/BBC<br /><br /><br /></p>
<p style="text-align: center;"> </p>
<p style="text-align: center;"> </p>
<p style="text-align: center;"> </p>
<p style="text-align: center;"><a class="thickbox" title="" href="/FileManager/Commons/2013/9/28/tomtato1-28-09-2013--15-47-26.jpg"><img src="/FileManager/Articles/mce/2013/9/28/tomtato1-28-09-2013--15-47-26.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/9/28/tomtato2-28-09-2013--15-48-50.jpg"><img src="/FileManager/Articles/mce/2013/9/28/tomtato2-28-09-2013--15-48-50.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/9/28/tomtato3-28-09-2013--15-49-18.jpg"><img src="/FileManager/Articles/mce/2013/9/28/tomtato3-28-09-2013--15-49-18.jpg" alt="" /></a></p>