<p><span style="color: #000000;"><strong>(ញូវយ៉ក)៖</strong> បុរសម្នាក់បានទូរស័ព្ទរាយការណ៍ ទៅប៉ូលិសក្រុងញូវយ៉ក បន្ទាប់ពីមានការភ្ញាក់ផ្អើលជាខ្លាំង នៅពេលគាត់ប្រទះឃើញ គ្រោងឆ្អឹងសពសាច់ញាតិរបស់ខ្លួន នៅក្នុងកន្លែងស្នាក់នៅ របស់ស្ត្រីម្នាក់ ដែលត្រូវជាបងប្អូននឹងគ្នា។</span></p>
<p><span style="color: #000000;">បុរសដែលបានឃើញហេតុការណ៍ និយាយថា នៅថ្ងៃនោះ គាត់ត្រូវបានស្ត្រីជាបងប្អូន ប្រាប់ឲ្យទៅយករបស់ នៅផ្ទះ ហើយខ្លួនក៏ចូលទៅខាងក្នុង កន្លែងស្នាក់នៅរបស់នាង ក៏ស្រាប់តែប្រទះឃើញអ្វីមួយ ដែលមើលទៅគួរឲ្យខ្ពើមរអើម ដែលនោះគឺជា គ្រោងឆ្អឹងសាកសព ទើបប្រញាប់រាយការណ៍ ប្រាប់សមត្ថកិច្ចតែម្តង។</span></p>
<p><span style="color: #000000;">ប៉ូលិសជឿថាគ្រោងឆ្អឹងនោះ គឺជាកូនប្រុសអាយុ៥១ឆ្នាំ របស់ស្ត្រីម្ចាស់ផ្ទះ ដែលជាអ្នកបើករថយន្តតាក់ស៊ី កាលពី៨ឆ្នាំមុន គាត់ជាប់ពាក់ព័ន្ធ ករណីគ្រោះថ្នាក់ចរាចរណ៍ មួយដែលក្រុមគ្រួសារជននេះ អះអាងថា មិនដែលឃើញជននេះ អស់រយៈពេល២០ឆ្នាំហើយ។ គ្រោងឆ្អឹងសាកសព ត្រូវបានក្រុមជំនាញធ្វើកោសល្យវិច័យ ហើយគេជឿថា ស្ត្រីជាម្តាយ បានរក្សាសពទុក នៅជាមួយខ្លួនអស់រយៈពេល៨ ឆ្នាំមកហើយ រីឯអ្នកជិតខាងបាន ប្រាប់ប៉ូលិសថា មើលទៅស្ត្រីនោះ ជាមនុស្ស ឯកោណាស់ ហើយផ្ទះនាងមានសភាព រប៉ាត់រប៉ាយខ្លាំងហាក់ដូចកើតវិបត្តិ។</span></p>
<p><span style="color: #000000;">ពេលនេះ ស្ត្រីដែលមិនត្រូវបានបញ្ជាក់អត្តសញ្ញាណ ត្រូវសមត្ថកិច្ចនាំទៅមន្ទីរពេទ្យ ដើម្បីពិនិត្យសុខភាពផ្លូវចិត្ត ដោយមិនមានការចោទប្រកាន់ អ្វីឡើយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/9/20/12a-20-09-2016--10-58-37.jpg"><img src="/FileManager/Articles/mce/2016/9/20/12a-20-09-2016--10-58-37.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>