<p><span style="color: #000000;"><strong>(ភ្នំពេញ)៖</strong> ស្ត្រីគ្រូពេទ្យគ្មានជំនាញម្នាក់ដាក់ថ្នាំបណ្តាលឲ្យស្ត្រីម្នាក់រំលូតកូន ត្រូវបានបញ្ជូនទៅឃុំខ្លួនក្នុងពន្ធនាគារព្រៃស ដើម្បីរង់ចាំការស៊ើបអង្កេតបន្តទៀត នៅល្ងាចថ្ងៃទី១២ ខែសីហា ឆ្នាំ២០១៦។ </span></p>
<p><span style="color: #000000;">អ្នកនាំពាក្យអយ្យការអម សាលាដំបូងរាជធានីភ្នំពេញ លោក លី សុផាណា បញ្ជាក់តាមប្រព័ន្ធទំនាក់ទំនង Telegram ថា «លោក គុជ គឹមឡុង ជាព្រះរាជអាជ្ញារង ដែលចាត់ការសំណុំរឿងអ្នកគ្រូពេទ្យឈ្មោះ ហាប់ សានឡុង បានបើកការ ស៊ើបសួរដោយចោទប្រកាន់ តាមមាត្រា៥ និងមាត្រា១២ នៃច្បាប់ស្តីពីការរំលូតកូន និងបញ្ជូនទៅចៅក្រមសើបសួរដើម្បីចាត់ការបន្ត»។</span></p>
<p><span style="color: #000000;">លោក លី សុផាណា បញ្ជាក់បន្ថែមថា «បន្ទាប់ពីសួរចម្លើយ និងពិភាក្សាដេញដោលចំពោះមុខរួចមក លោក ធាម ច័ន្ទពិសិដ្ឋ ជាចៅក្រមស៊ើបសួរបានសម្រេចឃុំខ្លួន ជនត្រូវចោទជាបណ្តោះអាសន្ន» ។</span></p>
<p><span style="color: #000000;">មាត្រា៥ ចែងថា «មានតែវេជ្ជបណ្ឌិត ឬគ្រូពេទ្យ មធ្យម ឬ ឆ្មប មធ្យម ដែល បាន ទទួល ការ អនុញ្ញាត ពី ក្រសួង សុខាភិបាល ទើប អាច ធ្វើ ការ រំលូត កូន បាន " ។ </span></p>
<p><span style="color: #000000;">មាត្រា១២ ចែងថា «ជនទាំងឡាយណាដែលបានប្រព្រឹត្តល្មើស នឹងមាត្រា ៥ ឬ ៦ នៃច្បាប់នេះត្រូវទទួលខណ្ឌកម្ម និងទោសទណ្ឌ ដូចខាងក្រោម៖ បើជាវេជ្ជបណ្ឌិត ឬ គ្រូពេទ្យមធ្យម ឬជាឆ្មបមធ្យម ត្រូវព្រមាន។ ក្នុងករណីមិនរាងចោល ត្រូវបញ្ឈប់ពីមុខងារ ឬបិទគ្លីនិក ឬមន្ទីរសម្ភពនោះ ដោយមិនទាន់គិតដល់បទល្មើសព្រហ្មទណ្ឌ ដូច ចែងខាងក្រោមនេះ។ បើមិនមែនជាវេជ្ជបណ្ឌិត ឬគ្រូពេទ្យមធ្យម ឬជាឆ្មបមធ្យម ត្រូវផ្ដន្ទាទោស ដាក់ពន្ធនាគារ ពី១ខែ ទៅ១ឆ្នាំ។ -បើការរំលូតកូននោះបណ្ដាលឱ្យស្ត្រី ដែលមានគភ៌ មានជម្ងឺរ៉ាំរ៉ៃ ឬពិការ ត្រូវផ្ដន្ទាទោស ពី១ឆ្នាំ ទៅ៥ឆ្នាំ។ -បើការរំលូតកូនបណ្ដាលឱ្យស្ត្រី ដែលមានគភ៌មានគ្រោះថ្នាក់ដល់ស្លាប់ ត្រូវផ្ដន្ទាទោស ដាក់ ពន្ធនាគារពី៥ឆ្នាំ ទៅ១០ឆ្នាំ»។</span></p>
<p><span style="color: #000000;">ដើមចមនៃសំណុំរឿងនេះ គឺកាលពីជាងមួយសប្ដាហ៍មុន ស្រ្តីមានផ្ទៃពោះម្នាក់ បានទូរស័ព្ទចូលក្នុងវិទ្យុ ABC ថា រូបគាត់បានទៅឲ្យ អ្នកគ្រូពេទ្យ ហាប់ សានឡុង ធ្វើការពិនិត្យផ្ទៃពោះ ដោយអ្នកគ្រូពេទ្យរូបនេះប្រាប់ថា កូនក្នុងផ្ទៃរបស់គាត់មានបញ្ហា ហើយគ្រូពេទ្យបាន ឲ្យលេបថ្នាំ រួចឲ្យត្រឡប់មកផ្ទះវិញ មិនបានប៉ុន្មានផង ស្រាប់តែរូបគាត់មានអាការៈមិនស្រួលខ្លួន ហើយកូនក្នុងផ្ទៃរបស់គាត់បាន រលូតចេញមក៕</span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xta1/v/t1.0-9/13912479_312094042456438_3069548051579000863_n.jpg?oh=7a1a827cf3bbb8b1112c1764527835b5&oe=5810C0ED&__gda__=1478398564_e5f417a78e5a7c3e211bd1dc4eda0250" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>