<p><span style="color: #000000;"><strong>ភ្នំពេញ ៖</strong> បាតុភូតធម្មជាតិ ភ្លៀងលាយ ខ្យល់ដ៏ខ្លាំងមួយនៅក្នុងរាជធានីភ្នំពេញ នា រសៀលថ្ងៃទី០១ ខែកក្កដា ឆ្នាំ២០១៥នេះ បានធ្វើឱ្យដើមឈើជាច្រើនដើម ដែលដើម ឈើខ្លះមានអាយុកាលរាប់សិបឆ្នាំ បានរលើង ឬស ដួលរលំសង្កត់រថយន្ដ ព្រមទាំងការផ្ទាំង ប៉ាណូផ្សាយពាណិជ្ជកម្មដ៏ធំមួយកន្លែងនៅ ត្រើយខាងកើតស្ពានជ្រោយចង្វារផងដែរ។ ប៉ុន្ដែសម្រាប់គ្រោះធម្មជាតិខាងលើនេះ មិន ត្រូវបានអាជ្ញាធរ និងសមត្ថកិច្ចរាជធានីភ្នំ ពេញ អះអាងពីអ្នករងរបួសឬប៉ះពាល់ដល់ អាយុជីវិតប្រជាពលរដ្ឋ ណាម្នាក់នោះឡើយ។</span></p>
<p><span style="color: #000000;">តាមសេចក្ដីរាយការណ៍ពីអាជ្ញាធរនិង សមត្ថកិច្ចមូលដ្ឋានបានបង្ហាញថា សម្រាប់ទឹក ដីខណ្ឌដូនពេញ មានដើមឈើដួលរលំច្រើន ជាងគេ រួមមានដើមអម្ពិលមួយដើម ស្ថិត នៅលើកំណាត់ផ្លូវលេខ១០៨ សង្កាត់វត្ដភ្នំ បានដួលរលំ បណ្ដាលឱ្យសង្កត់រថយន្ដដាក់ តាំងលក់លើដងផ្លូវចំនួន៤គ្រឿងបណ្ដាលឱ្យ រងការខូចខាត ប៉ុន្ដែមិនប៉ះពាល់ដល់អាយុ ជីវិតរបស់ប្រជាពលរដ្ឋណាម្នាក់នោះទេ ។</span></p>
<p><span style="color: #000000;">អាជ្ញាធរសង្កាត់វត្ដភ្នំ ក៏បានរាយការណ៍ ទៀតថា ដើមត្របែកព្រៃមួយដើមទៀតនៅ លើកំណាត់ផ្លូវលេខ ១០ ៨ក៏បានដួលរលំ ហើយសង្កត់រថយន្ដពីរគ្រឿងផងដែរ ។</span></p>
<p><span style="color: #000000;">ដោយឡែកតាមបណ្ដោយផ្លូវលេខ៤៧ សង្កាត់ស្រះចក នៅជិតស្ថានីយប្រេងតូតាល់ និងនៅក្បែរ ភោជនីយ ដ្ឋានមណ្ឌលគិរីទី២ មានដើមជ្រៃមួយដើម អាយុកាលរាប់សិប ឆ្នាំនោះក៏រលើងឬសដួល រលំកាត់ផ្លូវ បណ្ដាល ឱ្យសង្កត់រថយន្ដចំនួន២គ្រឿងផងដែរ ។</span></p>
<p><span style="color: #000000;">នៅរង្វង់មូលគួចកាណុង សង្កាត់ស្រះចក បង្គោលភ្លើងមួយដើម ក៏បានដួលរលំ ប៉ុន្ដែ មិនប៉ះពាល់ដល់ រថយន្ដ ម៉ូតូឬអ្នកដំណើរនោះ ទេ ។ ជាមួយគ្នានេះ ផ្ទាំងបាំណូទូរទស្សន៍ ឡឌែមួយផ្ទាំងធំ សម្រាប់ផ្សាយ ពាណិជ្ជកម្ម នៅត្រើយខាងកើតស្ពានជ្រោយចង្វារបាន ដាច់ធ្លាក់មកក្រោម តែសំណាងល្អមិនមាន មនុស្សនៅទីនោះ កុំអីមានគ្រោះថ្នាក់ដល់ អាយុជីវិតជាក់ជាមិនខាន ។</span></p>
<p><span style="color: #000000;">សម្រាប់បាតុភូដដែលនេះ ក៏បណ្ដាលឱ្យ ដើមឈើនៅរមណីយដ្ឋានវត្ដភ្នំ ដើមឈើនៅ មុខក្រសួង បរិស្ថានក៏ដួលរលំផងដែរ ខណៈ ដែលដំបូលអគាររោងពុម្ពរបស់ក្រសួងព័ត៌ មានក៏របើកទៀតផង ។</span></p>
<p><span style="color: #000000;">សេចក្ដីរាយការណ៍ពីអាជ្ញាធរមូលដ្ឋាន បានបញ្ជាក់ថា ដោយសារតែគ្រោះធម្មជាតិ បាក់ដើម ឈើរលំកាត់ ផ្លូវបានបណ្ដាលឱ្យមាន ការកកស្ទះចរាចរណ៍យ៉ាងខ្លាំង ដល់បងប្អូន ប្រជាពលរដ្ឋ ដែលធ្វើដំណើរតាម ដងផ្លូវទាំង នោះ ប៉ុន្ដែក្រោយកើតហេតុភ្លាមៗអាជ្ញាធរ និងសមត្ថកិច្ចបាននាំគ្នាទៅអារកាត់និងធ្វើការ ដឹកជញ្ជូនចេញ ឱ្យដំណើរការចរាចរណ៍ឡើង វិញផងដែរ ។</span></p>
<p><span style="color: #000000;"><a class="thickbox" title="" href="/FileManager/Commons/2015/7/1/7-1-2015-3-42-34-pm-01-07-2015--16-31-32.png"><span style="color: #000000;"><img src="/FileManager/Articles/mce/2015/7/1/7-1-2015-3-42-34-pm-01-07-2015--16-31-32.png" alt="" /></span></a></span></p>
<p><a class="thickbox" title="" href="/FileManager/Commons/2015/7/1/7-1-2015-3-42-15-pm-01-07-2015--16-32-32.png"><img src="/FileManager/Articles/mce/2015/7/1/7-1-2015-3-42-15-pm-01-07-2015--16-32-32.png" alt="" /></a></p>
<p><a class="thickbox" title="" href="/FileManager/Commons/2015/7/1/7-1-2015-2-33-38-pm-01-07-2015--16-32-46.png"><img src="/FileManager/Articles/mce/2015/7/1/7-1-2015-2-33-38-pm-01-07-2015--16-32-46.png" alt="" /></a></p>
<p><a class="thickbox" title="" href="/FileManager/Commons/2015/7/1/7-1-2015-3-46-12-pm-01-07-2015--16-33-07.png"><img src="/FileManager/Articles/mce/2015/7/1/7-1-2015-3-46-12-pm-01-07-2015--16-33-07.png" alt="" /></a></p>
<p><a class="thickbox" title="" href="/FileManager/Commons/2015/7/1/7-1-2015-3-46-31-pm-01-07-2015--16-33-22.png"><img src="/FileManager/Articles/mce/2015/7/1/7-1-2015-3-46-31-pm-01-07-2015--16-33-22.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span></p>