<p><span style="color: #000000;"><strong>(សុខភាព)៖</strong> ដើម្បីឲ្យបេះដូងមានសុខភាពល្អ គួរទទួលទានអាហារណា ដែលមានកាកសរសៃ វិតាមីន និងសារធាតុរ៉ែខ្ពស់ ដូចជាបន្លែ និងផ្លែឈើឲ្យបានច្រើន និងកាត់បន្ថយអាហារប្រភេទខ្លាញ់ ស្ករ និងអំបិលដូចខាងក្រោមនេះ ៖</span></p>
<p><span style="color: #000000;"><strong>០១) អង្ករ ៖</strong> គួរជ្រើសរើសទទួលទានបាយ ដែលដាំពីអង្ករដែលមិនបានឆ្លងកាត់ ការខាត់ពណ៌ឲ្យស ឬអង្ករដែលយើងហៅជាទូទៅថា អង្ករសំរូប ឬអង្ករបុកដោយដៃ ព្រោះវាមានកាកសរសៃអាហារ និងសារធាតុអាហារ វិតាមីន សារធាតុរ៉ែជាច្រើន ។</span></p>
<p><span style="color: #000000;"><strong>០២) សាច់ត្រី៖</strong> គួរជាសាច់ត្រីដែលងាយរំលាយ មានសារធាតុអាស៊ីត អ:មីណូដែលចាំបាច់ចំពោះរាងកាយ និងមិនធ្វើឲ្យកើតកករនៅក្នុងសរសៃឈាមបេះដូង អាចជាត្រីសមុទ្ទ ឬត្រីទឹកសាបក៏បាន។</span></p>
<p><span style="color: #000000;"><strong>០៣) បន្លែពពួកស្ពៃ បន្លែផ្សេង៖</strong> នឹងផ្តល់នូវកាកសរសៃអាហារខ្ពស់ ព្រោះមានសារធាតុ អ៊ែនទីអុកស៊ីឌែនត៍ដែលល្អចំពោះបេះដូង ដូចជា ស្ពៃក្តោប ផ្កាខាត់ណា និងប្រូខូលីជាដើម ។</span></p>
<p><span style="color: #000000;"><strong>០៤) ទឹកផ្លែឈើស្រស់៖</strong> ដូចជា ទឹកក្រូចច្របាច់ស្រស់សម្បូរដោយ អាស៊ីតហ្វូលិក ដែលជួយកាត់បន្ថយកំរិតហូម៉ូស៊ីស្តេស៊ីត ជាអាស៊ីតអ:មីណូ ដែលសម្ព័ន្ធជាមួយការគាំងបេះដូង ។ ទឹកផ្លែទំពាំងបាយជូរស្រស់មានសារធាតុ ហ្វ្លាវ៉ូណយដ៍ និង រេស្វើរ៉ាថ្រូល (Resveratrol) ជួយបង្អាក់កោសិកាគ្រាប់ឈាមក្រហមចាប់គ្នាជាដុំ ដែលនឹងធ្វើឲ្យកើតការញ៉ុកណែន ។</span></p>
<p><span style="color: #000000;"><strong>០៥) សណ្តែកសំបករឹង៖</strong> ដូចជា អាល់ម៉ន់ វ៉លណាត់ ភិស្តាឈិអូ កាត់បន្ថយភាពប្រថុយប្រថាន ក្នុងការកើតរោគបេះដូង។</span></p>
<p><span style="color: #000000;">សណ្តែកលឿង និងផលឹតផលពីសណ្តែកលឿង ដូចជា តៅហ៊ូ ទឹកសណ្តែកលឿង ឬទឹកតៅហ៊ូដែលអាចជួយកាត់បន្ថយខូលេស្តេរ៉ូលបាន ។</span></p>
<p><span style="color: #000000;"><strong>០៦) មើមខ្ទឹមស៖</strong> ជួយទប់ស្កាត់ការផ្តុំខ្លួនរបស់គ្រាប់ឈាមក្រហម ដែលនឹងទៅញ៉ុកណែនសរសៃឈាមក្រហម គួរទទួលទានមួយថ្ងៃ ៥ -១០កំពិស។</span></p>
<p><span style="color: #000000;"><strong>០៧) ផ្លែចេក៖ </strong> មានប៉ូតាស្យូមខ្ពស់ ជួយកាត់បន្ថយសម្ពាធឈាមបាន ឬ តំឡូងជ្វា តំឡូងបារាំងចំហុយ ទឹកប៉េងប៉ោះយ៉ាអួ ផ្លែឃែនតាលូប ក៏អាចជួយបានដូចគ្នា ។</span></p>
<p><span style="color: #000000;"><strong>០៨) ផ្លែឈើស្រស់៖</strong> ដែលផ្តល់គុណប្រយោជន៍ដល់បេះដូង ដោយផ្លែឈើដែលមានពណ៌ផ្សេងដូចជា ៖</span></p>
<p><span style="color: #000000;">– សារធាតុពណ៌ស្វាយក្រហម ឬ អ៊ែនថូសៃយ៉ានីន ឃើញមានច្រើននៅក្នុង ផ្លែទំពាំងបាយជូរ ផ្លែប៉ោមក្រហមផ្លែស្ត្រប៊ើរី ផ្លែជម្ពូ ផ្លែប្ល៊ូប៊ើរី ផ្លែត្រប់វែងពណ៌ស្វាយ ស្ពៃក្តោបពណ៌ស្វាយ – ល – សារធាតុនេះជួយពង្រីកសរសៃឈាម កាត់បន្ថយភាពប្រថុយនៃការកើតរោគបេះដូង ។</span></p>
<p><span style="color: #000000;">– សារធាតុពណ៌ក្រហម ឬ ឡៃខូពីន ឃើញមានច្រើននៅក្នុងផ្លែឥឡឹក ប៉េងប៉ោះ ចំណែកសារធាតុពណ៌ក្រហមនៅក្នុងផ្លែទទឹម មើមប៊ីធ្រូតវិញ មានសារធាតុ បេតាវ៉ៃស៊ីន ដោយសារធាតុពណ៌ក្រហមទាំងអស់នេះជាសារធាតុប្រឆាំងអនុមូលឥស្សរ: និងកាត់បន្ថយអាការប្រថុយ នៃជំងឺសរសៃឈាមបេះដូងញ៉ុកណែន ។</span></p>
<p><span style="color: #000000;">– សារធាតុពណ៌លឿងទុំ ឬ បេតាឃែរ៉ូធីន ឃើញមានច្រើននៅក្នុង ផ្លែល្ហុងទុំ ល្ពៅ ឃែនតាលូប ស្វាយទុំ មើមការ៉ុត ជួយកាត់បន្ថយកំរឹតជាតិខ្លាញ់នៅក្នុងឈាម ។</span></p>
<p><span style="color: #000000;">– សារធាតុពណ៌លឿង ឃើញមានច្រើននៅក្នុងផ្លែក្រូចខ្វិច ជួយបំប៉នបេះដូង កាត់បន្ថយអត្រានៃការកើតរោគមហារីក ។</span></p>
<p><span style="color: #000000;"><strong>០៩) គួរចៀសវាងសាច់សត្វ ដែលមានជាតិខ្លាញ់បង្កកខ្លួន៖</strong> ប៊័រ ប្រេងដូង ដែលវាអាចនឹងបង្កើនភាពប្រថុយដល់ការកើតរោគបេះដូង ។ បើមានខូលេស្តេរ៉ូលនៅក្នុងខ្លួនច្រើន គួរចៀសវាងជាតិខ្លាញ់ប្រភេទនេះមុនគេ ។</span></p>
<p><span style="color: #000000;"><strong>១០) គួរចៀសវាងអាហារប្រភេទត្រាំ ឬជ្រក់៖</strong> ព្រោះអាហារទាំងនេះច្រើនតែមានអំបិលសូដ្យូមខ្ពស់ ដែលមានផលប៉ះពាល់ធ្វើឲ្យសម្ពាធឈាមឡើងខ្ពស់៕</span></p>
<p><span style="color: #000000;"><a class="thickbox" title="" href="/FileManager/Commons/2017/2/16/06-16-02-2017--15-45-30.jpg"><img src="/FileManager/Articles/mce/2017/2/16/06-16-02-2017--15-45-30.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>