<p><strong>ភ្នំពេញៈ</strong> តារាសម្តែងរាងតូចច្រឡឹង រូបស្រស់សាច់ទ្រូង មូលក្លំសម៉ដ្ឋរលោង កញ្ញា ស៊ុំ សុម៉ាលី<br /> ដែលកន្លងមកធ្លាប់ លេចឮព័ត៌មានថា នាងបានសម្រេចចិត្ត ផ្អាកការងារសិល្បៈ ទាំងមិនស្តាយ<br />ស្រណោះ ហើយប្រហែលជា មានអ្នកចាំជួយទំនុកបម្រុង នាងពីក្រោយខ្នងនោះ ត្រូវបានតារា<br />ស្រីរូបនេះ បង្ហើបប្រាប់ឲ្យដឹងថា ការដែលនាង បាត់វត្តមានពីពិភពសិល្បៈនោះ ដោយសារតែ<br />នាងមានបំណងចង់ បើកជំនួញថ្មីមួយ ដើម្បីឲ្យមានការភ្ញាក់ផ្អើល។</p>
<p>តារាស្រីដែលចូលចិត្ត ភាពក្រម៉ិចក្រម៉ើម កញ្ញា ស៊ុំ សុម៉ាលី បានប្រាប់នៅក្នុង ជំនួបជាមួយ<br /> Looking TODAY នៅថ្ងៃទី២៣ ខែមេសា ឆ្នាំ ២០១៣នេះថា ក្នុងមួយរយៈពេល ចុងក្រោយនេះ<br /> នាងមិនសូវបានទទួលការងារ សិល្បៈប៉ុន្មានទេ ព្រោះតែជាប់ដៃរវល់ ឡើងចុះក្រៅប្រទេស<br />ពេក ទើបមិនសូវមានពេល ទទួលការងារ រហូតដល់បាត់មុខពី សិល្បៈមួយរយៈ ធ្វើឲ្យទស្ស<br />និកជន យល់ច្រឡំថា នាងឈប់ពីការងារសិល្បៈ ។</p>
<p>តារាស្រីវ័យក្មេង រូបស្រស់សោភាចូលចិត្ត បង្អួតស្នាមញញឹម បង្កប់ដោយមន្តស្នេហ៍ ស៊ុំ សុម៉ាលី<br /> បានប្រាប់ឲ្យដឹងថា "មួយរយៈពេលនេះ ខ្ញុំកំពុងតែមានគម្រោង ក្នុងការត្រៀមបើករបររកស៊ីមួយ <br />ដែលតម្រូវឲ្យខ្ញុំ ត្រូវឡើងចុះក្នុង និងក្រៅស្រុកញឹកញាប់ ដើម្បីហាត់រៀនមើលការងារ មុននឹង<br />ជំនួញដែលខ្ញុំ ត្រៀមបើកលេច ចេញជារូបរាង។ខ្ញុំបើកជំនួញនេះដែរ មិនមែនមានន័យថា ខ្ញុំបញ្ចប់<br />អាជីពសិល្បៈ ទាំងស្រុងទេ គ្រាន់តែដកខ្លួន មិនសូវទទួលការងារ ច្រើនដូចមុន ដូចជាការសម្តែង<br />រឿង គឺមិនទទួលទេ ព្រោះចង់ទុក ពេលសម្រាប់ការងារ រកស៊ីឲ្យច្រើនសិន"។</p>
<p>ដោយឡែកចំពោះ ព័ត៌មានដែលគេចុះផ្សាយថា នាងព្យាយាមគេចវេស មិននិយាយ ជាមួយអ្នក<br />សារព័ត៌មាន ពាក់ព័ន្ធ នឹងរឿងនេះ ត្រូវបានតារាស្រី រូបស្រស់ ដែលធ្វើឲ្យទស្សនិកជនស្គាល់ <br />ច្រើនតាមរយៈ ការសម្តែងរឿង "កូនឥតខាន់ស្លា" ស៊ុំ សុម៉ាលី បា្រប់ឲ្យដឹងថា មកពីនាងឧស្សាហ៍<br />ចេញ ចូលក្នុង និងក្រៅប្រទេស ។ ដូច្នេះនៅពេលដែលនាងចេញក្រៅ ទូរស័ព្ទត្រូវបិទ ជាក់ស្តែង<br /> នៅពាក់កណ្តាលខែ ក្រោយនេះ នាងក៏ត្រៀម ចេញទៅក្រៅទៀតដែរ។</p>
<p>ចំណែកការថត គឺនាងនៅតែទទួល ការងារថតស្ពត ថតកាយវិការ ខារ៉ាអូខេ ដដែល តែការថត<br />រឿង គឺនាងពន្យាពេលឬ ក៏អាចនិយាយបានថា ឈប់ទទួលក៏ថាបានព្រោះការថតរឿងចំណាយ<br />ពេលយូរ នាងគ្មានពេល គ្រប់គ្រាន់សម្រាប់ ផ្តល់ឲ្យគេ ទើបតម្រូវឲ្យ នាងផ្អាកសិន។ <span style="line-height: 1.8;">ទោះបីជា<br />តារាស្រី រូបស្រស់កញ្ញា ស៊ុំ សុម៉ាលី បានបង្ហើបពេញៗមាត់ថា នាងកំពុងតែមានគម្រោង បើក<br />ជំនួញរកស៊ីក៏ដោយតែនាងហាក់ដូចជា មិនចង់និយាយបង្ហើប ពីរបររកស៊ីថ្មីនេះ ឲ្យលម្អិតទេ <br />ពោលបានបញ្ជាក់ថា "សុំលាក់សិន"៕</span></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2542.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2548.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2544.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2545.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2546.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2547.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>