<p>យានអវកាស Voyager-1 របស់ NASA ទើបត្រូវបានក្រុមអ្នកវិទ្យាសាស្ដ្រ ទទួលស្គាល់ កាលពីថ្ងៃទី ១២ ថា គឺជាឧបករណ៍សិប្បនិមិត្តដំបូងរបស់មនុស្ស ដែលបានហោះចេញផុតពីប្រព័ន្ធព្រះអាទិត្យ។</p>
<p style="text-align: center;"><a class="thickbox" title="" href="/FileManager/Commons/2013/9/14/pia17462main8k1-14-09-2013--15-11-42.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/14/pia17462main8k1-14-09-2013--15-11-42.jpg" alt="" /></a><em>Voyager-1 របស់ NASA បានហោះទៅឆ្ងាយពីផែនដី ប្រមាណជា ១៩ពាន់លានគីឡូម៉ែត្រ</em></p>
<p>បណ្ដាឧបករណ៍វាស់វែងនៅលើយានអវកាសផ្សងព្រេង Voyager-1 បង្ហាញថា វាបានចាកចេញផុតពីឥទ្ធិពលរបស់ព្រះអាទិត្យ ហើយកំពុងចូលទៅក្នុងចន្លោះនៃបណ្ដាផ្កាយនានា ក្នុងលំហអាកាស។ បច្ចុប្បន្ន Voyager-1 របស់ NASA បានហោះទៅឆ្ងាយពីផែនដី ប្រមាណជា ១៩ពាន់លានគីឡូម៉ែត្រ។</p>
<p>Voyager-1 បានឆ្លងផុតពីលំហអាកាសដែលមានប៉េងប៉ោងឧស្មានយក្សក្ដៅដែលបាញ់ចេញពីព្រះអាទិត្យ កាលពីមួយឆ្នាំមុន ប៉ុន្ដែមកដល់ពេលនេះ ក្រុមអ្នកវិទ្យាសាស្ដ្រ កំពុងតែប្រមូលភ័ស្ដុតាងបន្ថែមទៀត ដើម្បីបញ្ជាក់ថា វាលែងទទួលឥទ្ធិពលពីព្រះអាទិត្យ។<br /><br />Edward Stone ប្រធានក្រុមអ្នកវិទ្យាសាស្ដ្រ បានថ្លែងនៅក្នុងបន្ទប់ពិសោធ Jet Propulsion របស់ NASA ដែលមានទីតាំង នៅ Pasadena, Califorlia អាមេរិក ឱ្យដឹងថា ៖ “នេះគឺជាដំណាក់កាលដ៏សំខាន់ និងជាការចាប់ផ្ដើមសម្រាប់ដំណើរការថ្មីមួយ” ។</p>
<p style="text-align: center;"><a class="thickbox" title="" href="/FileManager/Commons/2013/9/14/solar-system-diagram-perspective-14-09-2013--15-07-16.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/14/solar-system-diagram-perspective-14-09-2013--15-07-16.jpg" alt="" /></a><em>Voyager-1 កំពុងស្ថិតនៅកណ្ដាលលំហអាកាស ចម្លោះផ្កានានា ក្នុងគន្លងដំរីស (Milky Way)</em></p>
<p>គួររំឭកថា Voyager-1 ត្រូវបានបាញ់បង្ហោះកាលពីឆ្នាំ ១៩៧៧ ជាមួយនឹង Voyager-2 ។ Voyager-1 មានតួនាទីស្រាវជ្រាវអំពីបណ្ដាភពនានា និងបណ្ដាចំហាយឧស្មានយក្ស ដែលនៅខាងក្រៅប្រព័ន្ធព្រះអាទិត្យ។<br /><br />Bill Kurth មកពីសកលវិទ្យាល័យ Lowa និងជាអ្នកនិពន្ធរបស់ទស្សនាវដ្ដីវិទ្យាសាស្ដ្រ បានអះអាងថា ៖ “បើទោះជាត្រូវបានចំណាយពេលដល់ទៅ ៣៦ឆ្នាំ ប៉ុន្ដែនេះគឺជាប្រការដ៏គួរឱ្យភ្ញាក់ផ្អើលមួយសម្រាប់ខ្ញុំ” ។ លោកបន្ថែមថា Voyager គឺជាដំណើរដ៏អស្ចារ្យ ជាងអ្វីដែលមនុស្សមួយចំនួន បានស្រមៃ។</p>
<p><a class="thickbox" title="" href="/FileManager/Commons/2013/9/14/voyager2-14-09-2013--15-03-33.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/14/voyager2-14-09-2013--15-03-33.jpg" alt="" /></a><br />NASA បានបង្ហើបឱ្យដឹងថា ប្រាក់ចំណាយសរុបសម្រាប់គម្រោងយានអវកាស Voyager គឺ ៩៨៨លានដុល្លារ ដោយរួមទាំងការបាញ់បង្ហោះ ថ្មនុយក្លេអែររបស់យានទាំងពីរ និងប្រាក់ចំណាយសម្រាប់ក្រុមអ្នកវិទ្យាសាស្ដ្រ។</p>
<p> </p>
<p style="text-align: right;"><object style="display: block; margin-left: auto; margin-right: auto;" width="492" height="422" data="http://www.youtube.com/v/L4hf8HyP0LI&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/L4hf8HyP0LI&rel=1" /></object><br /><br />ដោយ ៖ តារា<br />ប្រភព ៖ Space<br /><br /><br /><br /></p>
<p> </p>
<p> </p>
<p> </p>