<p><span style="color: #000000;"><strong>ន័រវេស៖</strong> ហេតុការណ៍ដ៏តក់ស្លុតបានកើតឡើង មួយករណីទៀតហើយ ព្រោះតែការចូលចិត្តថតរូបខ្លួនឯង (Selfie) របស់ ក្រុមយុវវ័យបានធ្វើឲ្យ នារីវ័យក្មេងជនជាតិអូស្ត្រាលីម្នាក់ ត្រូវស្លាប់យ៉ាងអណោចអធម ខណៈដែលនាងធ្វើដំណើរ ទេសចរណ៍មកកាន់ប្រទេសន័រវេស ប៉ុន្តែបែរជាយកឆ្អឹងមកចោលនៅទីនោះទៅវិញ ។</span></p>
<p><span style="color: #000000;">ប៉ូលិសន័រវេសនិយាយថា នារីរងគ្រោះ គឺជានិស្សិតម្នាក់អាយុ២៤ឆ្នាំឈ្មោះ Kristi Kafcaloudis នៅថ្ងៃកើតហេតុ នាង បានទៅទេសចរណ៍ នៅលើភ្នំមួយស្ថិតនៅតំបន់ Trolltunga ហើយក៏ស្រាប់តែរអិលជើងធ្លាក់ពីច្រាំងថ្មតែម្តង គ្រាដែលកំពុងឈរថតរូបខ្លួនឯង ។</span></p>
<p><span style="color: #000000;">សាក្សីជាច្រើនបានឃើញហេតុការណ៍នេះ បានសម្តែងអារម្មណ៍រន្ធត់ចិត្តគ្រប់គ្នា ដោយមិននឹកស្មានថា និស្សិតស្រីដ៏ ស្រស់ស្អាតម្នាក់បែរ ជាមកទេសចរណ៍ក្រៅប្រទេស ហើយត្រូវបាត់បង់ជីវិតយ៉ាងអណោចអធមបែបនេះទេ ។</span></p>
<p><span style="color: #000000;">ប៉ូលិសបានឲ្យដឹងថា Kafcaloudis រស់នៅក្នុងទីក្រុងមែលប៊ន ហើយបច្ចុប្បន្ននាងគឺជានិស្សិតឆ្នាំទី១ ផ្នែកសិល្បៈ និងវិទ្យាសាស្ត្រនៅឯ សាកលវិទ្យាល័យ Bergen ប្រទេសអូស្រ្តាលី ប៉ុន្តែគួរឲ្យស្តាយដែលនិស្សិតស្រីរូបនេះ បានលាចាកលោកទៅហើយ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/11/42-11-09-2015--13-57-29.jpg"><img src="/FileManager/Articles/mce/2015/9/11/42-11-09-2015--13-57-29.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>