<p>កុមារាអាយុ ១៤ឆ្នាំ Ahmed Mohamed កំពុងមានឈ្មោះល្បីល្បាញខ្លាំងនៅលើបណ្ដាបណ្ដាញ<br />សង្គម ហើយបន្តទទួលបានការអញ្ជើញពីបណ្ដាក្រុមហ៊ុនបច្ចេកវិទ្យា សកលវិទ្យាល័យធំៗនៅ<br />លើពិភពលោក។</p>
<p style="text-align: center;"><a class="thickbox" title="" href="/FileManager/Commons/2015/9/19/ahmed-19-09-2015--11-20-20.jpg"><img src="/FileManager/Articles/mce/2015/9/19/ahmed-19-09-2015--11-20-20.jpg" alt="" /></a></p>
<p>មកដល់ពេលនេះ Ahmed Mohamed ធ្លាប់ទទួលបានការអញ្ជើញឱ្យទៅទស្សនាកិច្ចពីអ្នកមាន<br />អំណាចជាច្រើន ដូចជាប្រធានាធិបតីអាមេរិក និងម្ចាស់ Facebook លោក Mark Zuckerberg <br />។ល។ មិនតែប៉ុណ្ណោះ Ahmed Mohamed ក៏ទទួលបានការគាំទ្រពីសំណាក់អ្នកវិទ្យាសាស្ដ្រជា<br />ច្រើនផងដែរ។ ជាងនេះ នៅលើបណ្ដាញសង្គម គេឃើញមានចលនាថតរូបជាមួយនាឡិកា <br />ដើម្បីគាំទ្រដល់កុមារារូបនេះទៀតផង។</p>
<p>បន្ទាប់ពីប្រធានាធិបតីអាមេរិក លោក Obama និង CEO Mark Zuckerberg បានអញ្ជើញ <br />Ahmed Mohamed ទៅទស្សនកិច្ចសេតវិមាន និង Facebook កុមាររូបនេះ ក៏បន្តទទួលបាន<br />ការ អញ្ជើញជាច្រើនពីបណ្ដាក្រុមហ៊ុនបច្ចេកវិទ្យាធំៗដទៃក្នុងពិភពលោក។</p>
<p style="text-align: center;"><a class="thickbox" title="" href="/FileManager/Commons/2015/9/19/ahmed1-19-09-2015--11-22-43.jpg"><img src="/FileManager/Articles/mce/2015/9/19/ahmed1-19-09-2015--11-22-43.jpg" alt="" /></a></p>
<p>ក្នុងនោះគេឃើញមានអគ្គនាយកប្រតិបត្តិ Carl Bass របស់ក្រុមហ៊ុន Autodesk ផងដែរ ដែល<br />បានអញ្ជើញ Ahmed Mohamed ឱ្យមកធ្វើទស្សនកិច្ចក្រុមហ៊ុន ហើយគេរំពឹងថា អាចនឹងមាន<br />អ្វីមួយដ៏គួរឱ្យចាប់អារម្មណ៍ ត្រូវបានបង្កើតឡើងរួមគ្នា។</p>
<p style="text-align: center;"><a class="thickbox" title="" href="/FileManager/Commons/2015/9/19/ahmed2-19-09-2015--11-23-47.jpg"><img src="/FileManager/Articles/mce/2015/9/19/ahmed2-19-09-2015--11-23-47.jpg" alt="" /></a></p>
<p>ចំណែកក្រុមហ៊ុន 123D Circuits ក៏បានឱ្យដឹងថា នឹងផ្ដល់ជូនដោយមិនគិតថ្លៃនូវ circuit board<br /> ដើម្បីឱ្យកុមារនេះអាចបន្តស្រាវជ្រាវ និងច្នៃឧបករណ៍បច្ចេកវិទ្យាផ្សេងៗ។</p>
<p style="text-align: center;"><a class="thickbox" title="" href="/FileManager/Commons/2015/9/19/ahmed3-19-09-2015--11-24-23.jpg"><img src="/FileManager/Articles/mce/2015/9/19/ahmed3-19-09-2015--11-24-23.jpg" alt="" /></a></p>
<p>រីឯបណ្ដាញសង្គម ដូចជា Foursquare និង Reddit ជាដើម ក៏បានសំដែងឱ្យដឹងអំពីបំណងចង់<br />ជួបកុមារាអាយុ ១៤ឆ្នាំនេះដែរ។</p>
<p>អ្នកវិទ្យាសាស្ដ្រផ្នែកតារាវិទូ Chanda Prescod-Weinstein នៃសកលវិទ្យាល័យ MIT ឱ្យដឹងថា ៖<br /> "Ahmed គឺជាសិស្សដ៏ល្អ ដែលមានការច្នៃប្រឌិតខ្ពស់។ កុមារានេះគឺជាសិស្សគំរូដែលយើងខ្ញុំ<br />ចង់បានមកសិក្សានៅ MIT ឬ Harvard"។</p>
<p style="text-align: center;"><a class="thickbox" title="" href="/FileManager/Commons/2015/9/19/ahmed4-19-09-2015--11-24-58.jpg"><img src="/FileManager/Articles/mce/2015/9/19/ahmed4-19-09-2015--11-24-58.jpg" alt="" /></a></p>
<p>អតីតអវកាសចររបស់ NASA លោក Daniel Tani មានបំណងផ្ដល់ជូនអាវ NASA មួយដល់ <br />Ahmed បន្ទាប់ពីបានឃើញកុមារនេះ ពាក់អាវដែលមានរូប NASA ក្នុងពេលត្រូវបានចាប់ខ្លួន។</p>
<p>ក្រៅពីនេះ Ahmed ក៏ទទួលបានការអញ្ជើញឱ្យចូលសិក្សាដោយមិនគិតថ្លៃ នៅមជ្ឈមណ្ឌល<br /> SpaceCamp និងសាលាពាណិជ្ជកម្ម New European។</p>
<p style="text-align: center;"><a class="thickbox" title="" href="/FileManager/Commons/2015/9/19/ahmed6-19-09-2015--11-25-39.jpg"><img src="/FileManager/Articles/mce/2015/9/19/ahmed6-19-09-2015--11-25-39.jpg" alt="" /></a></p>
<p>ប្រការដែលគួរឱ្យភ្ញាក់ផ្អើលនោះ គឺថា តារាចម្រៀង R&B Ne-Yo បានបង្ហោះនៅលើ Tweeter<br /> ថា នឹងទទួលយក Ahmed បើសិនកុមាររូបនេះ មានបំណងឈានជើងចូលប្រលូកក្នុងវិស័យ<br />ឧស្សាហកម្មតន្ត្រី។</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ CNN</p>