<div class="article-content">
<p>សិល្បករ សិល្បការិនី នានា កំពុងតែខ្សឹបខ្សៀវ ពីជយលាភី អាណាចក្រតារា លើកទី២ បន្ទាប់ពី<br /> សន្ទុះគាំទ្រនៅលើទំព័រ anachakdara.com មានសំឡេង ប្រដំប្រសងគ្នា។</p>
<p>ជាក់ស្ដែងអារម្មណ៍ ភ័យអរកំពុងកើតមាន ក្នុងចំណោមក្រុមសិល្បករ សិល្បការិនី និង ទស្សនិក<br />ជន ដែលធ្វើការបោះឆ្នោត គាំទ្រចំពោះតារា ក្នុងដួងចិត្តរបស់ពួកគេ រវាងពេលជាងមួយខែ កន្លង<br />មកនេះ។ តារាជាច្រើនដួង កំពុងតែមានសំឡេងគាំទ្រ ប្រហាក់ប្រហែលគ្នាទាំង ផ្នែកសម្ដែង និង<br />ពិធីករ។</p>
<p>លោក អូន ឧស្សាន៍ ជយលាភី អាណាចក្រតារា ឆ្នាំមុនផ្នែកតារាស៊ីវិល័យ មានសំឡេងគាំទ្រផ្កាយ<br />ប្រាំ នៅលើទំព័រ anachakdara.com បាននិយាយថា លោករំភើបជាខ្លាំង ឃើញមានការគាំទ្រច្រើន<br /> ពីទស្សនិកជន។ លោកមានសុទិដ្ឋិនិយមថា នឹងអាចទទួលបានពានរង្វាន់ពី កម្មវិធីអាណាចក្រតារា<br /> ទៀតនៅឆ្នាំ នេះ បើនៅតែទទួលបានការគាំទ្រច្រើន របៀបនេះបន្តជាប់រដឹកនោះ។</p>
<p>ដោយឡែកតារាសម្ដែង កំពុងទទួលបានការគាំទ្រកញ្ញា មាន សូនីតា បានថ្លែងទាំងអារម្មណ៍ ត្រេក<br />អរថា៖ “មិនដឹងជាបានយើង ឬមួយបានគេឡើយ ខ្ញុំភ័យអរផងម៉េចទេ នៅពេលចូលទៅ មើលម្ដងៗ<br />ព្រោះអីគេក៏ពេញ យើងក៏ពេញ”។ ទោះជាយ៉ាងណាក៏ដោយតារាសម្ដែងស្រស់ស្អាតរូបនេះ មិនបាន<br />អាក់អន់ស្រពន់ចិត្ត អ្វីទេប្រសិន បើចាញ់ក៏ដោយ។</p>
<p>លោក ប៉ែន ចំរុង តារាកំពុងតែមានប្រជាប្រិយភាពទាំងសម្ដែង និងពិធីករបានព្រលយថា៖ “អារម្មណ៍<br />របស់ខ្ញុំសប្បាយ នៅពេលឃើញបងប្អូនគាំទ្រ ខ្ញុំច្រើនបែបនេះ។ ឈ្នះពាន ឬមិនឈ្នះ មិនសំខាន់ទេ ប៉ុន្តែអ្វីដែលសំខាន់សម្រាប់ខ្ញុំគឺការគាំទ្ររបស់ទស្សនិកជនកន្លងមក”។</p>
<p>ពិធីការិនីចំណូលថ្មីរបស់ CTN កញ្ញា គង់ វង្សយ៉ាទី បង្ហាញអារម្មណ៍ថា៖ “ដំបូងខ្ញុំគិតថា មិនបានច្រើន<br />បែបនេះទេ ព្រោះគិតថាខ្លួនឯងទើប ប្រឡូកធ្វើជាពិធីការិនី។ ប៉ុន្តែនៅពេលឃើញ ការគាំទ្រច្រើនបែប<br />នេះ សប្បាយចិត្តមែនទែន”។</p>
<p>មួយទៀតងាក ទៅរកពិធីករ ស្រស់សង្ហាររបស់ទូរទស្សន៍ MYTV តាប៊ុយ និយាយថា៖ “មិនដឹងថា <br />បានយើងឬគេទេឆ្នាំនេះ ខ្ញុំបុកពោះក្ដុកៗតែម្ដងនៅពេលលឺសួរបែបនេះ។ ខ្ញុំគិតថាឆ្នាំនេះជាការ<br />ប្រកួតមួយ ដ៏ស្វិតស្វាញរបស់តារានានា ហើយមានតារាយើងជាច្រើន បានខិតខំសម្រិតសម្រាំង<br /> សមត្ថភាពរបស់គេរៀងៗ ខ្លួនដើម្បីដណ្ដើមពាននេះ”។</p>
<p>តារាសម្ដែង ដែលគេឱ្យរហ័សនាមថា អ្នកសិល្បៈពូកែអួតរឿងសំលៀកបំពាក់ និងកំពុងមានសំឡេង <br />គាំទ្រផ្កាយប្រាំនៅលើទំព័រ anachakdara.com ដែរកញ្ញា ព្រីម លីហ្សា បានលើកឡើងថា “មិននឹក<br />ស្មានថា ខ្ញុំមានអ្នកគាំទ្រច្រើន បែបនេះទេពីមុនមក ដល់ឃើញគេបោះឆ្នោតគាំទ្រ ច្រើនបែបនេះ <br />អារម្មណ៍របស់ខ្ញុំរីករាយជា ខ្លាំង”។</p>
<p>យ៉ាងណាក៏ដោយតារា Sexy រូបនេះ បានស្នើឱ្យទស្សនិកជនគាំទ្រ នាងតទៅទៀត រហូតដល់ចប់<br />កម្មវិធី ដើម្បីឱ្យនាងក្លាយជាបេក្ខភាពនៃពានរង្វាន់នេះ។</p>
<p>កម្មវិធីអាណាចក្រតារា នឹងប្រគល់ពានដល់សិល្បករ សិល្បការិនីនៅថ្ងៃទី ១៥ ខែសីហា ឆ្នាំ២០១៣<br />ខាងមុខ។ កម្មវិធីនេះនឹងធ្វើការផ្សាយផ្ទាល់នៅស្ថានីយទូរទស្សន៍ CTN ចាប់ពីម៉ោង ៧ល្ងាចតទៅ។</p>
<p>“អាណាចក្រតារា” ឆ្នាំនេះ នាំមកជូនដោយក្រុមហ៊ុនស្រាបៀរ ABC Stout និង ក្រុមហ៊ុន Sabay។ ក្រៅពីនេះនៅមានដៃគូសហការឧបត្ថម្ភមួយចំនួនទៀត ដូចជា ក្រុមហ៊ុន Dell, Shokubutsu, <br /> Revlon Cosmetic, Vslim, និង Tous les Jours។ ស្ថានីយទូរទស្សន៍ CTN ជាដៃគូផ្សព្វផ្សាយផ្លូវការ ខណៈកាសែតភ្នំពេញប៉ុស្តិ៍ជាភាសាខ្មែរផ្សាយរៀងរាល់ថ្ងៃសុក្រ និងទស្សនាវដ្ដីប្រជាប្រិយ ជាដៃ<br />គូឧបត្ថម្ភផ្ដាច់មុខសម្រាប់ការផ្សព្វផ្សាយកម្មវិធី៕</p>
<p style="text-align: center;"><img src="http://111.92.240.170:81/dap-news/dap-images/2013/July/id-037/S4233.jpg" alt="Photo by DAP-NEWS" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>