<p><span style="color: #000000;">ព័ត៌មានអន្តរជាតិ ៖ គ្រោះអគ្គីភ័យដែលបានឆាបឆេះ ខារ៉ាអូខេមួយកន្លែង នៅភាគកណ្តាលទីក្រុង ហាណូយ ប្រទេសវៀតណាមនោះ បានសម្លាប់មនុស្ស តិចបំផុត ១៣នាក់ ខណៈ មន្រ្តីប៉ូលីស២រូប បានរងរបួសធ្ងន់ស្រាល នេះបើយោងតាមការគូសបញ្ជាក់ដោយផ្ទាល់ ពីសំណាក់មន្រ្តីផ្លូវការវៀត ណាម មុននេះបន្តិច ។ </span></p>
<p><span style="color: #000000;"><a class="thickbox" title="" href="/FileManager/Commons/2016/11/2/11b-02-11-2016--10-02-59.jpg"><img src="/FileManager/Articles/mce/2016/11/2/11b-02-11-2016--10-02-59.jpg" alt="" /></a><br /></span></p>
<p><span style="color: #000000;">របាយការណ៍ បញ្ជាក់ឲ្យដឹងថា គ្រោះអគ្គីភ័យមួយនេះបានកើតឡើងនៅវេលារសៀលថ្ងៃអង្គារ នៅ សង្កាត់ Cau Giay ខណៈការឆាបឆេះ ខារ៉ាអូខេ បានរាលដាលឆេះដល់ផ្ទះប្រជាពលរដ្ឋ ជាប់របង គ្នានោះ ។ មន្រ្តីផ្លូវការក្នុងស្រុក លោក Chung គូសបញ្ជាក់ដល់សារព័ត៌មាន AFP ឲ្យដឹងថា ក្រុម ការងារពន្លត់អគ្គីភ័យរាប់រយនាក់ ក៏ដូចជា ក្រុមមន្រ្តីប៉ូលីសច្រើននាក់ ត្រូវបានដាក់ពង្រាយនៅ កន្លែងកើតហេតុ ដើម្បីធ្វើអន្តរាគមន៍ ពន្លត់អគ្គីភ័យ ។ លោកបន្តឲ្យដឹងថា ហោចណាស់ មន្រ្តីពន្លត់ អគ្គីភ័យ ២រូប បានរងរបួសធ្ងន់និងស្រាល ក្រោយបេសកម្ម ចម្បងមួយនេះ ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2016/11/2/11-02-11-2016--10-03-10.jpg"><img src="/FileManager/Articles/mce/2016/11/2/11-02-11-2016--10-03-10.jpg" alt="" /></a><br /></span></p>
<p><span style="color: #000000;">នាយករដ្ឋមន្រ្តី វៀតណាម Nguyen Xuan Phuc បានចេញបញ្ជាឲ្យអាជ្ញាធរពាក់ព័ន្ធ បើកការស៊ើប អង្កេតភ្លាមៗ និងកំណត់ឲ្យបានពីមូលហេតុដែលបាននាំឲ្យកើតមានឡើងនូវគ្រោះអគ្គីភ័យលើក នេះ។ មិនត្រឹមតែប៉ុណ្ណោះ នាយករដ្ឋមន្រ្តីវៀតណាម ក៏បានស្នើដល់អាជ្ញាធរក្នុងស្រុក អោយចុះ ត្រួតពិនិត្យរាល់បន្ទប់ខារ៉ាអូខេ ក៏ដូចជា ភោជនីយដ្ឋាន ដើម្បីធានាឲ្យបាននូវ សុខសុវត្ថិភាព បង្ការ គ្រោះអគ្គីភ័យ ទៅតាមបទដ្ឋានស្តង់ដា ៕</span></p>
<p><span style="color: #000000;"><a class="thickbox" title="" href="/FileManager/Commons/2016/11/2/11a-02-11-2016--10-03-17.jpg"><img src="/FileManager/Articles/mce/2016/11/2/11a-02-11-2016--10-03-17.jpg" alt="" /></a><br /><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ CNA</span></p>