<p><span style="color: #000000;"><strong>ភ្នំពេញ៖</strong> តារាសម្ដែងដ៏ស្រគត់ស្រគំ នី មុនីនាថ កំពុងតែក្ដៅស្លឹកត្រចៀក មិនតិចទេ បន្ទាប់ពីត្រូវបានសារព័ត៌មាន ក្នុងស្រុកវាយប្រហារនាងថា ទើបតែបែកបាក់ស្នេហា ជាមួយថៅកែហាង កាត់ដេរល្បីមួយ រួចមកមានស្នេហាជាមួយ ប្រុសក្មេងម្នាក់ផ្សេងទៀត។ កញ្ញា នី មុនីនាថ ត្រូវបានគេហែកហួរ ម្ដងជាពីរដង ក្នុងនោះមាន ចំណែករបស់តារាចម្រៀងស្រីល្បី ក្នុងផលិតកម្ម មួយផងដែរ។</span></p>
<p><span style="color: #000000;">តារាចម្រៀងស្រី ក្នុងផលិតកម្មល្បីរូបនោះ បានផ្ញើររូបនាង នី មុនីនាថ ស្និទ្ធស្នាលជាមួយលោក កែវ កុសល ទៅគ្រប់អ្នកសារព័ត៌មាន ទើបបណ្ដាលឲ្យបែកធ្លាយ រឿងនាងនិងលោក កែវ កុសល តារាសម្ដែងជើងចាស់ កំពុងរស់នៅសហរដ្ឋអាមេរិក ។ ប៉ុន្តែចុងក្រោយនាង បានចេញមុខបដិសេធរឿងរ៉ាវទាំងនោះ រួមមានទាំងម្ដាយផងដែរ ។</span></p>
<p><span style="color: #000000;">មិនអស់មិនហើយ នី មុនីនាថ ត្រូវបានសារព័ត៌មានក្នុងស្រុក វាយប្រហារចំៗថា នាងត្រូវបានបែកស្នេហ៍ ជាមួយថៅកែហាងកាត់ដេរល្បីឈ្មោះ នាពេលថ្មីៗនេះ ថែមទាំងបណ្ដើរប្រុសក្មេង យ៉ាងពេញមុខពេញមាត់ គ្មានក្រែងរអែងនរណាបន្តិចឡើយ ។ សារព័ត៌មានហាក់វាយប្រហារនាង យ៉ាងពេញទំហឹង គ្មានអាណិតអាសូរបន្តិចឡើយ ខណៈដែលនាង ជានារីរម្យទមម្នាក់។</span></p>
<p><span style="color: #000000;">ប្រភពពីអ្នកនៅក្បែរ នី មុនីនាថ បាននិយាយប្រាប់ LookingTODAY ថា សម្រាប់រឿងបែកបាក់អីនោះ សុំមិននិយាយព្រោះជារឿងបុគ្គល តែអ្វីដែលសំខាន់ ប្រុសក្មេងដែលត្រូវបានគេចោទថា ជា គូស្នេហ៍ នី មុនីនាថ នោះជារឿងមិនពិត ព្រោះពួគគេជាមិត្តជិតស្និទ្ធបំផុត សូម្បីតែមានចំណី តិចតួចក៏ចែកគ្នាញុំាដែរ ។ ប្រភពដដែលបាននិយាយថា សារព័ត៌នោះ ហាក់មិនព្រមតាមដានឲ្យច្បាស់សោះ ព្រោះការចុះផ្សាយបែបនេះ ជាការសម្លាប់មនុស្ស ដោយគ្មានឈាម ព្រោះវាមិនមែន ជាការពិត តែវាបន្ថែមចំណុច អវិជ្ជមានជាច្រើនដល់ នី មុនីនាថ ក្នុងក្រសែភ្នែកមហាជន ដែលអាចនឹងទាញ ប្រជាប្រិយភាពឲ្យធ្លាក់ចុះ ។</span></p>
<p><span style="color: #000000;">នី មុនីនាថ ហួសចិត្តបំផុត អ្នកដែលគេផ្គូរផ្គង មិនត្រឹមតែជាមិត្តទេ គេថែមទាំងមិនមែន ជាមនុស្សប្រុសពេញ លក្ខណៈទៀតផង ដែលមិនដឹងជា យកចំណុចត្រង់ណាមកសរសេរថា នាងមានប្រុសក្មេងបែបនេះ។ គេហទំព័រ LookingTODAY មិនអាចសុំការបំភ្លឺបន្ថែម ពីកញ្ញា នី មុនីនាថ បានទេ នៅល្ងាចថ្ងៃទី២១ ខែតុលានេះ ។ ទោះយ៉ាងណា LookingTODAY នឹងព្យាយាមស្វែងរកការបំភ្លឺពីកញ្ញា នី មុនីនាថ នៅពេលក្រោយដើម្បី ឲ្យអស់មន្ទិលសង្ស័យពីមហាជន៕</span></p>
<p><span style="color: #000000;"><br /><a class="thickbox" title="" href="/FileManager/Commons/2014/10/21/msp-0825-21-10-2014--17-21-26.jpg"><img src="/FileManager/Articles/mce/2014/10/21/msp-0825-21-10-2014--17-21-26.jpg" alt="" /></a></span></p>
<p><br /><a class="thickbox" title="" href="/FileManager/Commons/2014/10/21/msp-0826-21-10-2014--17-21-36.jpg"><img src="/FileManager/Articles/mce/2014/10/21/msp-0826-21-10-2014--17-21-36.jpg" alt="" /></a></p>
<p><br /><a class="thickbox" title="" href="/FileManager/Commons/2014/10/21/msp-0827-21-10-2014--17-21-50.jpg"><img src="/FileManager/Articles/mce/2014/10/21/msp-0827-21-10-2014--17-21-50.jpg" alt="" /></a></p>
<p><br /><a class="thickbox" title="" href="/FileManager/Commons/2014/10/21/msp-0829-21-10-2014--17-22-02.jpg"><img src="/FileManager/Articles/mce/2014/10/21/msp-0829-21-10-2014--17-22-02.jpg" alt="" /></a><a class="thickbox" title="" href="/FileManager/Commons/2014/10/21/msp-0827-21-10-2014--17-21-50.jpg"></a><a class="thickbox" title="" href="/FileManager/Commons/2014/10/21/msp-0826-21-10-2014--17-21-36.jpg"></a><span style="color: #000000;"><a class="thickbox" title="" href="/FileManager/Commons/2014/10/21/msp-0825-21-10-2014--17-21-26.jpg"></a><br /></span></p>
<p style="text-align: right;"><span style="color: #000000;"><br />ផ្ដល់សិទ្ធិដោយ៖ ដើមអម្ពិល</span></p>