<p><span style="color: #000000;">អភិបាលរដ្ឋ California លោក Gavin Newsom បានចុះហត្ថលេខា លើបទបញ្ជា កាលពីថ្ងៃសុក្រ ដើម្បីដកចេញនូវការរឹតបន្ដឹងបន្ទាន់ ដែលបានដាក់ចេញ ក្នុងគោលដៅបង្ការការរីករាលដាលនូវជំងឺកូវីដ-១៩ ។ គិតត្រឹមថ្ងៃថ្ងៃទី ១៥ ខែមិថុនា វិធានរឹតបន្ដឹងដូចជា ការរក្សាគម្លាតសុវត្ថិភាព ការកម្រិតសមត្ថភាព នឹងត្រូវដកចេញ ដោយសារតែករណីឆ្លង និងមរណៈភាពដោយសារវីរុសកូរ៉ូណា បន្ដថយចុះជាលំដាប់ ។</span></p>
<p><span style="color: #000000;"><br /><a class="thickbox" title="" href="/FileManager/Commons/2021/6/14/mask1586891365-14-06-2021--15-30-49.jpg"><img src="/FileManager/Articles/mce/2021/6/14/mask1586891365-14-06-2021--15-30-49.jpg" alt="" /></a><br /></span></p>
<p><span style="color: #000000;">ក្នុងចំណោមបទបញ្ជារដ្ឋកាលីហ្វូញ្ញ៉ាចំនួន ៥៨ ពាក់ព័ន្ធនឹងជំងឺកូវីដ-១៩ រដ្ឋនេះរំពឹងថា នឹងត្រូវដកចេញ ៩០% ត្រឹមខែកញ្ញា ។ បទបញ្ជារបស់ស្ថាប័ននីតិប្រតិបត្ដិទាំងនេះ ប៉ះពាល់ឧស្សាហកម្មជាច្រើនផ្នែកដូចជា តម្រូវឱ្យឧស្សាហកម្មទាំងនោះ ស្នើសុំលិខិតអនុញ្ញាតសម្រាប់ឧស្សាហកម្មផលិតជែលលាងដៃសម្លាប់មេរោគ ជាដើម ។</span></p>
<p><span style="color: #000000;">គិតត្រឹមថ្ងៃទី ៩ ខែមិថុនា ពលរដ្ឋរដ្ឋកាលីហ្វូញ្ញ៉ាជាងពាក់កណ្ដាញ បានទទួលការចាក់វ៉ាក់សាំងគ្រប់ដូស ដោយវ៉ាក់សាំងប្រមាណជាង ៤០ លានដូស ត្រូវបានចាក់ជូនប្រជាពលរដ្ឋ ។ លោក Newsom បានសាទរចំពោះកិច្ចខិតខំប្រឹងប្រែងទាំងនេះ ដោយថ្លែងថា៖” ជាលទ្ធផលនៃវិធានការដ៏មានប្រសិទ្ធភាព ដែលប្រជាជនរដ្ឋកាលីហ្វូញ្ញ៉ាអនុវត្ដ ព្រមទាំងការចូលរួមវិភាគទានជាប់មិនដាច់ និងប្រកបដោយជោគជ័យនៃវ៉ាក់សាំងប្រឆាំងជំងឺកូវីដ-១៩ រដ្ឋកាលីហ្វូញ្ញ៉ា ទទួលបានផ្លែផ្កាល្អប្រសើរ បន្ទាប់ពីឆ្លងកាត់យ៉ាងលំបាក នៅក្នុងការប្រយុទ្ធប្រឆាំងនឹងជំងឺកូវីដ-១៩ “។</span></p>
<p><span style="color: #000000;">ក្រសួងសុខភិបាលរដ្ឋកាលីហ្វូញ្ញ៉ា ក៏បានចេញនូវគោលការណែនាំថ្មីសម្រាប់បុគ្គលគ្រប់រូប ។ តាមរយៈគោលការណ៍ណែនាំថ្មីស្ដីពីការគ្របមុខ ផ្នែកដឹកជញ្ជូនសាធារណៈ ចាំបាច់ត្រូវតែពាក់ម៉ាស់ រក្សាឱ្យបាននូវទម្លាប់ថែទាំងសុខភាព ។ ម្យ៉ាងទៀត ការរឹតបន្ដឹងមួយចំនួនទៀត នឹងបន្ដអនុវត្ដ ដើម្បីហាមឃាត់ព្រឹត្ដិការណ៍ជួបជុំគ្នាដូចជា ព្រឹត្ដិការណ៍ជួបជុំគ្នាក្នុងទីបិទជិត ដែលមានមនុស្សចូលរួមជាង ៥០០០ នាក់ ឬព្រឹត្ដិការណ៍ជួបជុំគ្នាខាងក្រៅអាគារ ដែលមានមនុស្សចូលរួម ១០,០០០ នាក់ ៕</span></p>
<p> <a class="c_tab" href="/Contents/mekongnet.com.kh" target="_blank"><img src="/FileManager/Articles/mce/2021/6/14/19620334543411406925974621720504300170953146n-14-06-2021--15-31-21.jpg" alt="" /></a></p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព៖ Jurist</span></p>