<p>យោងតាមទីភ្នាក់ងារ ស្រាវជ្រាវទីផ្សារ NPD DisplaySearch បានឲ្យដឹងថា នៅក្នុងឆ្នាំ ២០១៣<br /> នេះ តួលេខនៃការលក់ Tablet នឹងមានចំនួនច្រើនជាង Notebook នេះជាលើកដំបូងដែល <br />Tablet យកឈ្នះ Notebook បាន។</p>
<p>នៅក្នុងការស្រាវជ្រាវ របស់ក្រុមហ៊ុនភ្នាក់ងារ ស្រាវជ្រាវខាងលើ បានរកឃើញថា នៅក្នុងឆ្នាំនេះ <br />ចំនួននៃការលក់ Tablet នឹងកើនឡើងដល់ ២៤០លានគ្រឿង ខណៈដែល Notebook លក់បាន<br />ត្រឹមតែ ២០៣លានគ្រឿង។ កំណើននៃការលក់ Tablet នៅក្នុងឆ្នាំ ២០១៣នេះ ស្មើនឹង ៦៤ភាគ<br />រយ បើធៀបនឹងឆ្នាំកន្លងទៅ ហើយតួលេខនៃការលក់ Notebook បានធ្លាក់ចុះ ៦ភាគរយ បើធៀប<br />នឹងឆ្នាំ ២០១២។</p>
<p>លោក Richard Shim ដែលមកពី NPD DisplaySearch បានឲ្យដឹងថា Tablet នឹងមកជំនួស <br />Notebook នាពេលអនាគត ព្រោះថាមនុស្សជាច្រើនបានគិតថា Tablet មានអត្ថប្រយោជន៍ និងមាននូវអ្វីដែលជាសេចក្ដីត្រូវការរបស់ពួកគេ។</p>
<p>លោកបានបន្ថែមទៀតថា ទីផ្សារកុំព្យួទ័រ នាពេលអនាគតក៏មាន ផលប៉ះពាល់ពី Tablet ផងដែរ<br />ព្រោះថា បើសិនជាតម្រូវការចាំបាច់នោះទេ អ្នកប្រើប្រាស់មិនទិញកុំព្យូទ័រទេ គឺគាត់ទិញ Tablet<br /> វិញ។</p>
<p>គួរបញ្ជាក់ផងដែរថា ចាប់តាំងពីមានវត្តមាន Tablet មក ធ្វើឲ្យទីផ្សារ Notebook និងកុំព្យូទ័រ ធ្លាក់ចុះ<br />បន្តិចម្ដងៗ៕</p>
<p><a class="thickbox" title="" href="/FileManager/Commons/2013/1/13/piseth-0143-13-01-2013--23-50-54.jpg"><img src="/FileManager/Articles/mce/2013/1/13/piseth-0143-13-01-2013--23-50-54.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>