<p><span style="color: #000000;"><strong>(ព្រះសីហនុ)៖</strong> កុមារីវ័យ ១២ឆ្នាំម្នាក់ បានលង់ទឹកជ្រោះនៅរមណីយដ្ឋានថ្មរូងស្លាប់បាត់បង់ជីវិត ដោយសារទៅលេងទឹកជាមួយអ្នក ភូមិមិនមានឪពុកម្តាយទៅជាមួយ។</span></p>
<p><span style="color: #000000;">លោកវរសេនីយ៍ត្រី ហួត ចាន់ធី អធិការនគរបាលស្រុកកំពង់សីលា បានឲ្យដឹងថា ហេតុការណ៍លង់ទឹកនេះ បានកើតឡើងនៅភូមិ ក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ កាលពីម៉ោង ១៖០០នាទីរសៀលថ្ងៃទី១៦ ខែកុម្ភ: ឆ្នាំ២០១៦។ ប្រភព ដដែលបានឲ្យដឹងថា ក្មេងស្រីរងគ្រោះមានឈ្មោះ ឡុច ដាវីន អាយុ ១២ឆ្នាំ រស់នៅក្នុងភូមិទួលកាបៅ ឃុំគគី ស្រុកកៀនស្វាយ ខេត្ត កណ្តាល។</span></p>
<p><span style="color: #000000;">សាក្សីនៅកន្លែងកើតហេតុបានឲ្យដឹងថា នៅវេលាម៉ោងខាងលើមានឡានទេសចរណ៍ប្រភេទសាំយ៉ុង១គ្រឿង មានគ្នាជាច្រើននាក់ ទៅកម្សាន្តនៅទឹកជ្រោះថ្មរូង។ ក្រោយមកក្មេងៗក៏នាំគ្នាចុះមុជទឹកលេងប្រលែងគ្នា បន្តិចក្រោយមក ក៏មានក្មេងម្នាក់ រត់មកប្រាប់ចា ស់ៗថា ក្មេងស្រីខាងលើលង់ទឹក ភ្លាមៗនោះ ក៏នាំគ្នាទៅជួយស្រង់ ដើម្បីសង្គ្រោះប៉ុន្តែក្មេងស្រីរូបនេះ បានដាច់ខ្យល់ស្លាប់បាត់ទៅ ហើយ ។</span></p>
<p><span style="color: #000000;">ដោយមិនអស់ចិត្ត ក៏នាំមកសង្គ្រោះនៅមន្ទីរពេទ្យប៉ុន្តែនៅមិនអាចជួយសង្គ្រោះបានដដែល។ គ្រូពេទ្យនៅមណ្ឌលសុខភាព តក្កវិត ស្រុកកំពង់សីលា ខេត្តព្រះសីហនុបានបញ្ជាក់ថា ក្រុមគ្រូពេទ្យមិនអាចសង្គ្រោះជីវិតកុមារីរូបនោះបានទេ ដោយសារតែនាង បានដាច់ ខ្យល់ស្លាប់បាត់បង់ជីវិតមុនពេលបញ្ជូនមកដល់មណ្ឌលសុខភាព។ ជាមួយគ្នានេះ អាជ្ញាធរស្រុកកំពង់សីលា ខេត្តព្រះសីហនុ បានអំ ពាវនាវដល់ភ្ញៀវទេសចរជាតិ និងអន្តរជាតិ ដែលមានបំណងចូលទៅកម្សាន្តនៅរមណីយដ្ឋានថ្មរូង កុំធ្វេសប្រហែសបណ្តោយកូនចៅ តូចៗឲ្យលេងទឹកដោយម្នាក់ឯង ជៀសវាងមានគ្រោះថ្នាក់ដោយយថាហេតុ ណាមួយនិងកើតឡើង៕</span></p>
<p><span style="color: #000000;"><a href="http://www.freshnewsasia.com/%3Cp%20style="><span style="color: #000000;"><img style="display: block; margin-left: auto; margin-right: auto;" src="https://scontent-kul1-1.xx.fbcdn.net/hphotos-xpf1/v/t1.0-9/12717393_1558959867751712_6902676672721901563_n.jpg?oh=df5e9babf47f68d73e1df75391731d63&oe=5731B85E" alt="" width="730" /></span></a></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/12717393_1558959867751712_6902676672721901563_n.jpg?oh=df5e9babf47f68d73e1df75391731d63&oe=5731B85E" alt="" width="730" /></span></p>
<p><span style="color: #000000;">.jpg</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/12744297_1558945187753180_3827237496309093257_n.jpg?oh=793283824bc5df97dbbc87ce519241a6&oe=5731E6F6" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xpl1/v/t1.0-9/12715744_1558945394419826_1751048431540682437_n.jpg?oh=b28d9d4d5d9fc3711fc55e0f2220e442&oe=5725CA30&__gda__=1466982548_9c33311f471818a1472fa183d3df02e3" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>