<p><span style="color: #000000;"><strong>(កូរ៉េ)៖</strong> លោក Park Hyung Sik ត្រូវបានគេមើលឃើញថា តារាប្រុសរូបនេះ ហាក់ដូចមិនអាចលាក់អារម្មណ៍បាន ជាមួយតារាសម្តែងស្រីដ៏គួរឲ្យស្រឡាញ់ តាមរយៈខ្សែភ្នែករបស់លោកសំឡឹងទៅនាង ដោយទឹកមុខញញឹមជានិច្ច។</span></p>
<p><span style="color: #000000;">កាលពីថ្ងៃទី ១៧ កុម្ភៈ កន្លងទៅនេះ JTBC Drama បានផ្សព្វផ្សាយឈុតខ្លះៗ នៃខ្សែភាពយន្តរឿង «Strong Woman Do Bong-Soon» ដែលគ្រោងចាក់បញ្ចាំង នាពេលឆាប់ៗនេះ បង្ហាញពីតារាស្រី Park Bo Young និងបុរសសង្ហា Park Hyung Sik ពិតជាធ្វើឲ្យទស្សនិកជន ចាប់អារម្មណ៍ថា លោកបញ្ចេញស្នាមញញឹម ទៅរកនាងមិនដាក់ភ្នែកឡើយ កំឡុងពេលឃោសនារៀងនោះ។</span></p>
<p><span style="color: #000000;">មហាជនលើកឡើងថា ជាច្រើនដងហើយ ដែលកាមេរ៉ាចាប់រូបភាព តារាប្រុស Park Hyung Sik តែងក្រឡេកមើលដៃគូសម្តែង របស់ខ្លួនមិនទម្លាក់ភ្នែក ជាមួយនឹងសម្រស់ដ៏ត្រកាលរបស់នាង ហើយពួកគេសរសើរថា អ្នកទាំងពីរជាតួដ៏សក្តិសម។ នៅកំឡុងពេលសន្និសីទកាសែត Park Hyung Sik បាន អង្អែលក្បាលតារាស្រី ដ៏ស្រស់ស្អាតនេះ ហាក់បង្ហាញពីភាពស្និទ្ធស្នាល របស់ពួកគេនៅចំពោះមុខមហាជន សឹងតែមិនគួរឲ្យជឿ។ ចំណែករឿងភាគកូរ៉េ «Strong Woman Do Bong-Soon» ដែលអ្នកទាំងពីរសម្តែងរួមគ្នា នឹងចាក់បញ្ចាំងរៀងរាល់ថ្ងៃសុក្រ និងសៅរ៍នៅលើ JTBC ចាប់ពីថ្ងៃទី២៤ ខែកុម្ភៈ នេះផងដែរ៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-02-25-11-47-19-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>