<div class="item-page">
<p><span style="color: #000000;"><strong>(ភ្នំពេញ)៖</strong> តុលាការកំពូល នៅព្រឹកថ្ងៃទី៦ ខែមិថុនា ឆ្នាំ២០១៦ ខាងមុខនេះ នឹងបើកសវនាការសំណុំរឿងអតីតផ្កាយ២យោធា ចាន់ ឫទ្ធីឌី និងគូកនម្នាក់ទៀត ពាក់ព័ន្ធករណីជួញដូរគ្រឿងញៀនជិត៥គីឡូក្រាម នេះបើយោងតាមប្រភពព័ត៌មានពីមន្ត្រីតុលាការកំពូល។</span></p>
<p><span style="color: #000000;">ប្រភពព័ត៌មានបន្តថា អតីតផ្កាយ២យោធា ចាន់ ឫទ្ធីឌី និង គូកនឈ្មោះ ឌៀប ស៊ុនឡាយ ត្រូវបានសាលាដំបូងរាជធានីភ្នំពេញ និង សាលាឧទ្ធរណ៍ ផ្តន្ទាទោសដាក់ពន្ធនាគារក្នុងម្នាក់ៗ២០ឆ្នាំ ពីបទជួញដូរដោយខុសច្បាប់នូវសារធាតុញៀន ប្រព្រឹត្តនៅចំណុចផ្ទុះលេខ44Eo ផ្លូវលំ ភូមិអូរអណ្ដូងទី១ សង្កាត់ព្រែកប្រា ខណ្ឌមានជ័យ រាជធានីភ្នំពេញ កាលពីថ្ងៃទី២៤ ខែសីហា ឆ្នាំ២០១២ ។ ប៉ុន្តែសាលដីកានេះ ត្រូវបានជនជាប់ចោទប្តឹងសាទុក្ខមកតុលាការកំពូល។</span></p>
<p><span style="color: #000000;">គួរបញ្ជាក់ថា អតីតផ្កាយ២យោធា ចាន់ ប្ញទ្ឋីឌី ដែលគេស្គាល់ថា ជាថៅកែភោជនីយដ្ឋានរស្មីបឹងកេងកង និង ឈ្មោះ ឌៀប ស៊ុនឡាយ ជាម្ចាស់សំអាងការរតនាពេជ្រ ត្រូវកម្លាំងនគរបាលមន្ទីរប្រឆាំងគ្រឿងញៀន ក្រសួងមហាផ្ទៃ ឃាត់ខ្លួនជាបន្តបន្ទាប់ កាលពីថ្ងៃទី២៤ និង២៦ ខែសីហា ឆ្នាំ២០១២។</span></p>
<p><span style="color: #000000;">ក្នុងប្រតិបត្តិការនេះ សមត្ថកិច្ចដកហូតគ្រឿងញៀនប្រភេទយ៉ាម៉ាចំនួន២០សុង ទម្ងន់៣៧១៩,៥ក្រាម និងប្រភេទម៉ាទឹកកក ចំនួន៩៨៩,៩ក្រាម រថយន្ត៤គ្រឿង ជញ្ជីងសម្រាប់ថ្លឹងគ្រឿងញៀន០១គ្រឿង និងសម្ភារមួយចំនួនទៀត ទុកជាវត្ថុតាង៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13244669_1603923389922026_7814309456942561589_n.jpg?oh=176082f649ceb0b1b32113ea811cf2cc&oe=57E4FF6E" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>
<div></div>
</div>