<p><span style="color: #000000;"><strong>(វ៉ាស៊ីនតោន)៖</strong> អតីតប្រធានាធិបតីអាមេរិក លោក បារ៉ាក់ អូបាម៉ា និងភរិយាលោកស្រី មីឈែល អូបាម៉ា កំពុងកសាងជីវិតថ្មី ព្រមទាំងស្វែងរកភាពរីករាយនៅក្នុងជីវិតជាឯកជន ខណៈសហរដ្ឋអាមេរិកកំពុងជួបប្រទះនឹងបញ្ហានយោបាយទាំងផ្ទៃក្នុង និងអន្តរជាតិព្រមទាំងភាពចម្រូងចម្រាស់ដោយសារតែបទបញ្ជាប្រធានាធិបតីរបស់ លោក ដូណាល់ ត្រាំ ជាពិសេសនោះគឺការហាមឃាត់ជាបណ្ដោះអសន្ននូវប្រជាជនមកពីបណ្ដាប្រទេសមូស្លីមភាគច្រើនចំនួន ០៧ ចូលជាន់ទឹកដីអាមេរិក។ នេះបើតាមការចេញផ្សាយដោយគេហទំព័រ Travel and Leisure កាលពីដើមខែកុម្ភៈនេះ។</span></p>
<p><span style="color: #000000;"><a class="thickbox" title="" href="/FileManager/Commons/2017/2/7/06-07-02-2017--16-30-41.jpg"><img src="/FileManager/Articles/mce/2017/2/7/06-07-02-2017--16-30-41.jpg" alt="" /></a><br /></span></p>
<p><span style="color: #000000;">លោក បារ៉ាក់ អូបាម៉ា បានធ្វើដំណើរទៅកាន់តំបន់ជាច្រើននៅលើពិភពលោក ក្នុងរយៈពេលពីរ អាណត្តិជាប្រធានាធិបតីអាមេរិក ក៏ប៉ុន្តែការធ្វើដំណើរកម្សាន្តវិស្សមកាលរបស់លោក នៅពេលនេះគឺជាពេលវេលាសម្រាកមួយដ៏សំខាន់ក្នុងជីវិតឯកជន ក្រោយពីលោកបានប្រគល់សេតវិមានទៅឱ្យលោក ដូណាល់ ត្រាំ ជាអ្នកគ្រប់គ្រងបន្ត។ លោក អូបាម៉ា និងភរិយាបានទៅលេងកោះ British Virgin Islands កាលពីសប្តាហ៍មុនជាមួយមិត្តភក្តិ និងមានគំរោងរីករាយជាច្រើនទៀតជាមួយក្រុមគ្រួសារ។</span></p>
<p><span style="color: #000000;">ដោយឡែកពាក់ព័ន្ធនឹងសហរដ្ឋអាមេរិកដែលគ្មានលោក អូបាម៉ា កំពុងប្រឈមមុខនឹងភាពចម្រូងចម្រាស់ បណ្ដាលមកពីការចេញបទបញ្ជាពីសំណាក់ប្រធានាធិបតីអាមេរិកថ្មី ស្ដីពីជនភៀសខ្លួន ដែលត្រូវបានតុលាការកំពូលជំទាស់ រីឯក្រសួងយុត្តិធម៌អាមេរិកអះអាងថា ជាការអនុត្តន៍ដោយស្របច្បាប់នៃអំណាចប្រធានាធិបតី ហើយវាក៏មិនមែនមានគោលដៅតែទៅលើជនមូស្លីមនោះដែរក៏ប៉ុន្តែដើម្បីបុព្វហេតុសន្តិសុខជាតិ។ ដូច្នេះបទបញ្ជានេះ ឡើងវិញគួរតែត្រូវដាក់ឱ្យអនុវត្តន៍។</span></p>
<p><span style="color: #000000;">គួរបញ្ជាក់ថា នៅថ្ងៃអង្គារនេះដែរ (ម៉ោងនៅក្នុងទីក្រុងវ៉ាស៊ីនតោន) សវនាការស្ដាប់មួយនឹងត្រូវធ្វើឡើង ដើម្បីកំណត់ថាតើគួរតែគំាទ្រ ឬក៏ជំទាស់នឹងបទបញ្ជាប្រធានាធិបតីនេះ៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-02-07-16-11-27-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-02-07-16-11-27-1.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>