<p><span style="color: #000000;"><strong>(ភ្នំពេញ)៖</strong> អ្នកនាំពាក្យក្រសួងការងារ និងភាគីពាក់ព័ន្ធ បានឱ្យដឹងថា ការបោះឆ្នោត សម្រេចលើ ការដំឡើងប្រាក់ឈ្នួល ដល់កម្មករ ឆ្នាំ២០១៧ នឹងត្រូវធ្វើឡើង នៅម៉ោង៣៖០០រសៀល ថ្ងៃទី២៩ ខែកញ្ញា ឆ្នាំ២០១៦នេះ បន្ទាប់ពីក្រុមការងារត្រីភាគីបានកំណត់តួលេខ ថ្មីចំនួន៣ កាលពីម្សិលមិញ ។</span></p>
<p><span style="color: #000000;">តួលេខថ្មី សម្រាប់ការបោះឆ្នោតនៅថ្ងៃនេះ រួមមាន ១៧១ដុល្លារ បានស្នើដោយក្រុមសហជីព, ១៤៨ដុល្លារ បានស្នើដោយរាជរដ្ឋាភិបាល កម្ពុជា និង ១៤៧ដុល្លារទៀត ស្នើដោយភាគីនិយោជក។</span></p>
<p><span style="color: #000000;">កម្មករ និយោជិតដែលបម្រើការនៅក្នុងវិស័យកាត់ដេរសម្លៀកបំពាក់ និងស្បែកជើង កំពុងតែរង់ចាំដំណឹងប្រាក់ឈ្នួលថ្មីរបស់ពួកគេ សម្រាប់ឆ្នាំ២០១៧ ដើម្បីទុកជាកាដូ សម្រាប់បុណ្យភ្ជុំបិណ្ឌ។</span></p>
<p><span style="color: #000000;">សូមជំរាបថារាជរដ្ឋភិបាលកម្ពុជា បានដាក់គោលនយោបាយដំឡើងប្រាក់ឈ្នួលអប្បបរមា ដល់កម្មករ និយោជិតផ្នែកវាយនភ័ណកាត់ដេរ សំម្លៀកបំពាក់ និងផលិតស្បែកជើងរៀងរាល់ឆ្នាំ ហើយប្រាក់ឈ្នួលអប្បបរមា របស់កម្មករកម្ពុជា នៅឆ្នាំ២០១៦នេះ បានកើនឡើងពី ១២៧ដុល្លារ ដល់១៤០ដុល្លារក្នុងមួយខែ ដោយមិនរាប់បញ្ចូលប្រាក់ អត្ថប្រយោជន៍រួមទាំងប្រាក់បន្ថែមផ្សេងទៀត៕</span></p>
<p><a class="thickbox" title="" href="/FileManager/Commons/2016/9/29/16c-29-09-2016--14-57-19.jpg"><img src="/FileManager/Articles/mce/2016/9/29/16c-29-09-2016--14-57-19.jpg" alt="" /></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>