<p><span style="color: #000000;"><strong>(ភ្នំពេញ)៖</strong> សាកលវិទ្យាល័យបច្ចេកវិទ្យា RAJAMANGLA ដែលជាសាកលវិទ្យាល័យដ៏ធំមួយ ក្នុងខេត្តថាន់យ៉ាបូរី ប្រទេសថៃ គ្រោងនឹងពង្រីកទំនាក់ទំនង ជាមួយក្រសួងទេសចរណ៍កម្ពុជា លើការបណ្ដុះបណ្ដាល ធនធានមនុស្ស ហើយនឹងផ្ដល់អាហារូបករណ៍ ដល់និស្សិតកម្ពុជាដែល ចង់សិក្សាមុខជំនាញទេសចរណ៍ និងបដិសណ្ឋារកិច្ច។</span></p>
<p><span style="color: #000000;">ដំណឹងដ៏ល្អនេះ ត្រូវបានលើកឡើងក្នុងជំនួប ពិភាក្សារវាងលោក ថោង ខុន រដ្ឋមន្រ្តីក្រសួងទេសចរណ៍កម្ពុជា ជាមួយលោកសាស្ត្រាចារ្យ Prasert Pinpathomrat សាកលវិទ្យាធិការ នៃសាកលវិទ្យាល័យ បច្ចេកវិទ្យា RAJAMANGLA នារសៀលថ្ងៃទី១៦ ខែកញ្ញា ឆ្នាំ២០១៦នេះ ក្នុងទីស្តីការក្រសួងទេសចរណ៍។ </span></p>
<p><span style="color: #000000;">ក្នុងឱកាសនេះដែរ លោកសាស្ត្រាចារ្យ Prasert Pinpathomrat បានលើកឡើងពីគោលបំណង ចង់ភ្ជាប់កិច្ចសហប្រតិបត្តិការ ជាមួយក្រសួងទេសចរណ៍កម្ពុជា ក្នុងការបណ្ដុះបណ្ដាលធនធានមនុស្ស លើមុខជំនាញទេសចរណ៍ និងបដិសណ្ឋារកិច្ច ដោយបានសន្យាថា នឹងផ្តល់អាហារូបករណ៍ ដល់មន្រ្តីនៃក្រសួងទេសចរណ៍ ក៏ដូចជានិស្សិតកម្ពុជា ដែលចង់បន្តការសិក្សាលើមុខជំនាញទាំងនេះផងដែរ។</span></p>
<p><span style="color: #000000;">ឆ្លើយតបនឹងការលើកឡើងខាងលើ លោករដ្ឋមន្រ្តី ថោង ខុន បានទទួលស្វាគមន៍ និងឯកភាពចំពោះកិច្ចសហប្រតិបត្តិការនេះ ដោយលោកបានលើកឡើងពីតម្រូវការធនធានមនុស្ស លើវិស័យទេសចរណ៍ នៅកម្ពុជា ព្រោះពីមួយថ្ងៃទីមួយថ្ងៃ កម្ពុជាមានការរីកចម្រើនជាលំដាប់ ពិសេសគឺវិស័យទេសចរណ៍នេះតែម្ដង។</span></p>
<p><span style="color: #000000;">លោករដ្ឋមន្រ្តីបានបន្តថា នៅឆ្នាំ២០១៥ កម្ពុជាទទួលបានទេសចរអន្តរជាតិចំនួន ៤លាន៨សែននាក់ ហើយនៅឆ្នាំ២០១៦នេះ កម្ពុជានឹងទទួលបានភ្ញៀវទេសចរអន្តរជាតិ ជាង៥លាននាក់។ ដោយឡែក នៅឆ្នាំ២០២០ កម្ពុជារំពឹងថា នឹងទទួលបានភ្ញៀវទេសចរអន្តរជាតិ ជាង៧លាននាក់ ហើយបូកជាមួយភ្ញៀវទេសចរជាតិ ជាង១០លាននាក់ទៀត សរុបប្រមាណ ជិត២០លាននាក់។</span></p>
<p><span style="color: #000000;">ដោយសារកត្តាទាំងនេះហើយ ទើបកម្ពុជាត្រូវការធនធានមនុស្ស បម្រើការក្នុងវិស័យទេសចរណ៍ នៅឆ្នាំ២០២០ ប្រហែលជាង១លាននាក់ ដើម្បីធានាឱ្យបាននូវការបម្រើសេវាកម្មជូនភ្ញៀវ ជិត២០លាននាក់នោះ ហើយនេះជាតម្រូវការដ៏ធំធេង និងចាំបាច់បំផុតសម្រាប់កម្ពុជា។</span></p>
<p><span style="color: #000000;">ជាមួយគ្នានេះ ក្រសួងទេសចរណ៍កម្ពុជា និងភាគីសាកលវិទ្យាល័យ RAJAMANGLA គ្រោងនឹងរៀបចំចុះអនុស្សារណៈនៃការយោគយល់គ្នា ក្នុងពេលឆាប់ៗខាងមុខ ដើម្បីឈានទៅដល់ កិច្ចសហប្រតិបត្តិការទាំងឡើយខាងលើ និងពិនិត្យមើលលទ្ធភាពផ្សេងៗបន្តទៀត។</span></p>
<p><span style="color: #000000;">សូមជម្រាបថា សាកលវិទ្យល័យបច្ចេកទេស RAJAMANGLA មានអាយុកាលជាង ៤០ឆ្នាំមកហើយ មានសិស្ស-និស្សិតចូលសិក្សាក្នុងមួយឆ្នាំៗ ចំនួន២៥,០០០នាក់ មានបុគ្គលិកអប់រំ ជាង២,០០០នាក់ បណ្ដុះបណ្ដាល លើមុខជំនាញជាច្រើន តែមុខជំនាញដែលសំខាន់ជាងគេ គឺជំនាញទេសចរណ៍ និងបដិសណ្ឋារកិច្ចនេះតែម្ដង៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-16-21-08-06-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-16-21-08-06-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-16-21-08-06-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-16-21-08-06-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-16-21-08-06-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-16-21-08-06-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-16-21-08-07-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-16-21-08-07-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-16-21-08-07-8.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>