<p><span style="color: #000000;"><strong>ភ្នំពេញ ៖</strong> លោក ដេវីត កាំម៉េរុន នាយករដ្ឋមន្ដ្រី ចក្រភពអង់គ្លេស កាលពីថ្ងៃទី២១ ខែសីហា ឆ្នាំ២០១៥ កន្លងទៅនេះ បាន សរសេរលិខិតផ្លូវការ ជូនសម្ដេចតេជោ ហ៊ុន សែន នាយករដ្ឋមន្ដ្រីកម្ពុជា ឆ្លើយតប ទៅនឹងលិខិតរបស់សម្ដេច កាលពីថ្ងៃទី១៥ ខែកក្កដា ឆ្នាំ២០១៥ អំពីផែនទីប្រវត្ដិ សាស្ដ្រកម្ពុជា សុំខ្ចីពី អង់គ្លេស ប្រសិនបើអាចមាន ។</span></p>
<p><span style="color: #000000;">នៅក្នុងលិខិតរបស់លោក កាំម៉េរុន បានបញ្ជាក់ថា មិនអាចរកឃើញទេ ប៉ុន្ដែបានបន្ដកិច្ចសហការ អនុញ្ញាតកម្ពុជា ស្វែងរកផែនទី ចំនួន៣ផ្សេងទៀត ដែលផលិតដោយក្រុម ភូមិសាស្ដ្រឥណ្ឌូចិន ដែល បានតម្កល់នៅក្នុង បណ្ណាល័យប្រទេសអង់គ្លេស ដែលកម្ពុជា អាចរកបាន ។</span></p>
<p><span style="color: #000000;">នៅក្នុងលិខិតនោះ លោកកាំម៉េរុន បាន បញ្ជាក់ថា “បន្ទាប់ពីទទួលបានលិខិតរបស់សម្ដេច ខ្ញុំបាន ណែនាំមន្ដ្រីរបស់ខ្ញុំ ឱ្យធ្វើការ ស្វែងរកយ៉ាងលំអិត នៅកន្លែងរក្សាឯកសារ របស់ជាតិ ។ ឥឡូវនេះ ខ្ញុំអាចបញ្ជាក់ជូន សម្ដេចថា ការស្វែងរកនេះ បានចប់រួចរាល់ ហើយ ក៏ប៉ុន្ដែរកពុំឃើញផែនទីណាមួយ ដែលរដ្ឋាភិបាលអង់គ្លេស អាចទទួលពីរាជរដ្ឋាភិបាលកម្ពុជា ចាប់តាំងពីពេលនោះមក ដើម្បីរក្សាទុកនូវ ក្នុងកន្លែងរក្សាឯកសាររបស់ជាតិយើងខ្ញុំឡើយ ” ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/25/90-25-08-2015--13-36-30.jpg"><img src="/FileManager/Articles/mce/2015/8/25/90-25-08-2015--13-36-30.jpg" alt="" /></a></span></p>
<p><a class="thickbox" title="" href="/FileManager/Commons/2015/8/25/91-25-08-2015--13-36-40.jpg"><img src="/FileManager/Articles/mce/2015/8/25/91-25-08-2015--13-36-40.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/25/90-25-08-2015--13-36-30.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>