<p><span style="color: #000000;"><strong>(ប៉េកាំង)៖</strong> មនុស្សចំនួន ២២នាក់ត្រូវបាន អាជ្ញាធរអះអាងថា បានស្លាប់បាត់បង់ជីវិត បន្ទាប់ពីលំនៅឋានចំនួនបួនខ្នង នៅក្រុង Wenzhou នៃខេត្ត Zhejiang ភាគខាងកើតប្រទេសចិន បានដួលរលំនៅថ្ងៃចន្ទ ដើមសប្តាហ៍នេះ។ នេះបើតាមការចេញផ្សាយដោយ ទីភ្នាក់ងារព័ត៌មានចិន ស៊ិនហួរ នៅមុននេះបន្តិច នាព្រឹកថ្ងៃអង្គារ ទី១១ ខែតុលា ឆ្នាំ២០១៦។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/10/11/35b-11-10-2016--11-20-39.jpg"><img src="/FileManager/Articles/mce/2016/10/11/35b-11-10-2016--11-20-39.jpg" alt="" /></a><br /></span></p>
<p><span style="color: #000000;">ហេតុការណ៍ខាងលើ បានកើតឡើងនៅវេលាម៉ោង ៤៖០០នាទី ព្រឹកថ្ងៃចន្ទ នៅក្នុងសង្កាត់ Lucheng នៃខេត្ត Wenzhou អាជ្ញាធរនៃតំបន់កើតហេតុបានឲ្យដឹងថា មនុស្សចំនួន ២៨នាក់ ត្រូវបានគេទាញ ចេញពីគំនរបាក់បែក ហើយក្នុងនោះមានតែមនុស្សចំនួន ០៦នាក់ ប៉ុណ្ណោះដែលនៅរស់រានមានជីវិត។</span></p>
<p><span style="color: #000000;">ជុំវិញការដួលរលំផ្ទះនេះដែរ ក្រុមសង្រ្គោះបានបញ្ជាក់ថា អគារទាំងប្រាំនោះ ត្រូវបានសាងសង់ឡើង ដោយប្រជាជនដែលរស់នៅក្នុងសង្កាត់ Lucheng ដោយគ្មានក្បួនខ្នាត និងបច្ចេកទេសច្បាស់លាស់ នោះឡើយ រីឯផ្ទះប្រាំខ្នងទៀតនៅជាប់នោះ ដែលត្រូវបានកសាងឡើង កាលពីទសវត្សរ៍ទី៧០ ហើយ ក៏ត្រូវបានគេកម្ទេចចោល ដើម្បីបង្កាហានិភ័យ ដែលអាចនឹងកើតមាននៅពេលក្រោយៗទៀត។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/10/11/35c-11-10-2016--11-20-52.jpg"><img src="/FileManager/Articles/mce/2016/10/11/35c-11-10-2016--11-20-52.jpg" alt="" /></a><br /></span></p>
<p><span style="color: #000000;">គួរបញ្ជាក់ដែរថា ប្រទេសចិន តែងតែមានករណីដួលរលំផ្ទះ ឬអគារជាញឹកញយ នៅក្នុងរយៈពេល ប៉ុន្មានឆ្នាំចុងក្រោយនេះ ដោយខ្លះគឺបណ្តាលមកពីគុណភាពសំណង់ តួយ៉ាងកាលពីខែឧសភា មនុស្សចំនួន ១៦នាក់ ត្រូវបានរាយការណ៍ថា បានបាត់បង់ជីវិត នៅក្រោយការដួលរលំអគារមួយ នៅខេត្ត Guizhou ហើយកាលពីខែមេសា ឯណោះវិញ មនុស្សពីរនាក់បានស្លាប់ រួមជាមួយនឹង ២៤នាក់ទៀត បានទទួលរងរបួស ដោយសារការដួលរលំអគារមួយកន្លែងផងដែរ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/10/11/35d-11-10-2016--11-21-03.jpg"><img src="/FileManager/Articles/mce/2016/10/11/35d-11-10-2016--11-21-03.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>