<p><span style="color: #000000;"><strong>(ភ្នំពេញ)៖</strong> សពបុរសម្នាក់ដែលត្រូវបាន ប្រជាពលរដ្ឋប្រទះឃើញ អណ្តែតទឹកទន្លេ នៅព្រឹកថ្ងៃម្សិលមិញ ដែលគេសង្ស័យជាអំពើឃាតកម្មនោះ ឥឡូវនេះដឹងរឿងហើយ គឺជនរងគ្រោះជាមនុស្ស កើតរោគសសៃប្រសាទ ដោយសារតែសង្សារបស់ខ្លួនជាទីស្រឡាញ់ បានបែកចិត្តកាលពី៨ឆ្នាំមុន។ នេះគឺជាការរៀបរាប់ពីស្រ្តីជាម្តាយរបស់សព ប្រាប់នគរបាលខណ្ឌជ្រោយចង្វារ នៅថ្ងៃទី២០ ខែសីហា ឆ្នាំ២០១៦នេះ។</span></p>
<p><span style="color: #000000;">សូមបញ្ជាក់ថា សាកសពអណ្តែតទឹកម្នាក់ នៅថ្ងៃទី ១៩ ខែសីហា ឆ្នាំ២០១៦ ត្រូវគេប្រទះឃើញអណ្តែតទឹកក្នងទន្លសាប ស្ថិតនៅក្រុមទី១ ភូមិព្រែកតាគង់ សង្កាត់ព្រែកតាសេក ខណ្ឌជ្រោយចង្វារ ដោយជើងទាំង២របស់សព ត្រូវបានជាប់ច្រវ៉ាក់ ដោយចាក់សោជាប់តែម្តង។</span></p>
<p><span style="color: #000000;">សមត្ថកិច្ចបានបញ្ជាក់ថា សាកសពឈ្មោះ សយ ភារម្យ អាយុ២៨ឆ្នាំ មានទីលំនៅ ភូមិទំនប់ សង្កាត់ភ្នំពេញថ្មី ខណ្ឌសែនសុខ មុខរបរនៅផ្ទះ មានជម្ងឺសសៃប្រសាទប្រចាំកាយ។</span></p>
<p><span style="color: #000000;">អ្នកស្រីញ៉េប ថាវរី គ្រូបង្រៀននៅសាលាបឋមសិក្សាទួលគោក ត្រូវជាម្តាយបង្កើតរបស់សាកសព និងសាច់ញាតិរបស់សាកសពជាច្រើននាក់ទៀតបានអះអាងថា កូនរបស់គាត់ មានជម្ងឺប្រចាំកាយ តាំងពីក្មេង ប៉ុន្តែតិចតួចទេ។ តែរយះពេលប្រហែល៨ឆ្នាំមុន កូនរបស់គាត់ មានទំនាក់ទំនង ជាមួយនារីម្នាក់រហូតក្លាយជាសង្សា លុះក្រោយមកនារីនោះបែកចិត្ត ទើបជនរងគ្រោះខូចចិត្ត ក៏កើតមានជម្ងឺសសៃប្រសាទរហូតមក ដោយក្រុមគ្រូសារបាននាំយកទៅពិនិត្យព្យាបាល នៅមន្ទីរពេទ្យរុស្សីុ និងបើកថ្នាំសសៃប្រសាទពីមន្ទីរពេទ្យជាប្រចាំខែ។</span></p>
<p><span style="color: #000000;">នៅក្នុងខែមករា ឆ្នាំ២០១៦ កូនរបស់គាត់ បានរត់ចេញពីផ្ទះ មកលោតសម្លាប់ខ្លួនលើស្ពានជ្រោយចង្វារ ម្តងហើយ តែបាននគរបាលប្រចាំការ យាមស្ពានជួយចាប់ទាន់ ហើយផ្តល់ដំណឹង អោយក្រុមគ្រួសារមកយកទៅផ្ទះវិញ។</span></p>
<p><span style="color: #000000;">ស្រ្តីជាម្តាយបានបញ្ជាក់ទៀតថា នៅដើមខែសីហា ឆ្នាំ២០១៦ នេះ កូនរបស់គាត់ មានសភាពកាន់តែ ធ្ងន់ធ្ងរឡើងៗ ដោយឧស្សាហ៍ យកដៃវាយក្បាលខ្លួនឯង យកក្បាលបោកទៅលើជញ្ជាំងផ្ទះ និង និយាយស្រែកឡូឡាផ្តេសផ្តាស ថែមទាំងយកច្រវ៉ាក់ ដែលមានជាប់មេសោ ដែលទុកសម្រាប់ចាក់ម៉ូតូនៅផ្ទះប្រចាំថ្ងៃ យកមកចាក់ ក ជើងខ្លួនឯង ហើយលោតក្នុបរិវេណផ្ទះទៀតផង។</span></p>
<p><span style="color: #000000;">នៅថ្ងៃទី១៦ ខែសីហា ឆ្នាំ២០១៦ វេលាម៉ោង ៧ព្រឹកគាត់បានចេញពីផ្ទះទៅបង្រៀនដោយទុកកូនឲ្យនៅផ្ទះជាមួយជីដូន អាយុ៨០ឆ្នាំ។ ក្រោយពីចេញពីបង្រៀនចប់ ម៉ោងសាលារដ្ឋ គាត់បានឆ្លៀតទៅបង្រៀនគួ នៅសាលាឯកជន រហូតដល់ម៉ោង៨យប់ ទើបគាត់ត្រឡប់មកដល់ផ្ទះ ពេលមកដល់ផ្ទះក៏បាត់កូន និងច្រវ៉ាក់សោសម្រាប់ចាក់ម៉ូតូ។ គាត់ដើរកមិនឃើញសោះ លុះដល់ថ្ងៃទី ១៩ ខែសីហា ឆ្នាំ២០១៦ វេលាម៉ោងប្រហែល ៥ល្ងាច ទើបគាត់ដឹងព័ត៌មាន រួចហើយ គាត់និងក្រុមគ្រួសារក៏ មកវត្តព្រែកតាគង់កន្លែងបូជាសពទើបឃើញកូនប្រុសរបស់ខ្លួនតែម្តង។</span></p>
<p><span style="color: #000000;">ឆ្លងតាមការអះអាងបញ្ជាក់ច្បាស់លាស់ពីសំណាក់ ក្រុមគ្រសាររបស់សាកសពឈ្មោះសយ ភារម្យ ដូច្នេះកាសន្និដ្ឋានជាផ្លូវការ គឺការស្លាប់របស់ឈ្មោះសយ ភារម្យ គឺជាអំពើអត្តឃាត ដោយលោតទឹកសម្លាប់ខ្លួនឯង មិនមានពាក់ពន្ធ័ និងករណីឃាតកម្មឡើយ៕</span></p>
<p><span style="color: #000000;"><img src="http://image.freshnewsasia.com//fn-2016-08-20-15-01-41-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com//fn-2016-08-20-15-01-41-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com//fn-2016-08-20-15-01-41-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com//fn-2016-08-20-15-01-41-3.jpg" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>