<p><span style="color: #000000;">ព័ត៌មានអន្តរជាតិ ៖ សាកសពជនរងគ្រោះទី ២ ពីករណីធ្លាក់ឧទ្ធម្ភាគចក្រនៅតំបន់ Sarawak ត្រូវបាន រកឃើញជាបន្តបន្ទាប់នាព្រឹកថ្ងៃសៅរ៍ ទី ៧ ឧសភា នេះបើយោងតាមលោក Nor Hisham Moham- mad អគ្គនាយកពីនាយកដ្ឋានគ្រប់គ្រង និងសង្គ្រោះអគ្គីភ័យ ។ </span></p>
<p><span style="color: #000000;"><a class="thickbox" title="" href="/FileManager/Commons/2016/5/7/17-07-05-2016--11-55-39.jpg"><img src="/FileManager/Articles/mce/2016/5/7/17-07-05-2016--11-55-39.jpg" alt="" /></a><br /></span></p>
<p><span style="color: #000000;">មន្រ្តីទទួលបន្ទុកចុះជួយសង្គ្រោះ និងរុករកនោះ បានរកឃើញសពជនរងគ្រោះជិតនឹងបំណែកកំទេចកំទីឧទ្ធម្ភាគចក្រធ្លាក់ ខណៈសពអនុរដ្ឋមន្រ្តី ផ្នែក ដំណាំ ឧស្សាហកម្ម និងទំនិញ លោកស្រី Noriah Kasnon ត្រូវបានក្រុមការងាររកឃើញកាលពីថ្ងៃសុក្រ ម្សិលមិញនេះ។ រហូតដល់ព្រឹកថ្ងៃសៅរ៍ សព អនុរដ្ឋមន្រ្តីរូបនេះ ត្រូវបានដាក់តំកល់ទៅតាមសមគួរ ខណៈប្រធានរដ្ឋមន្រ្តី Mohamed Azmin Ali ជា មន្រ្តីកំពូលម្នាក់ក្នុងចំណោមមន្រ្តីកំពូលផ្សេងទៀត ដែលបានបង្ហាញវត្តមាន គោរពវិញ្ញាណក្ខ័ន្ធ ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/7/17a-07-05-2016--11-55-52.jpg"><img src="/FileManager/Articles/mce/2016/5/7/17a-07-05-2016--11-55-52.jpg" alt="" /></a><br /></span></p>
<p><span style="color: #000000;">ឧទ្ធម្ភាគចក្រ Eurocopter AS350 ផ្ទុករដ្ឋមន្រ្តីកំពូលៗរួមមានដូចជា ៖ <span style="font-size: 12px;">អនុរដ្ឋមន្ត្រីផ្នែក ដំណាំឧស្សាហ កម្ម និងទំនិញ លោកស្រី Noriah Kasnon និងស្វាមីលោក Asmuni Abdullah, សមាជិកសភាមកពី រដ្ឋ Kuala Kangsar លោក Wan Mohammad Khairil ព្រមជាមួយនឹង កង សន្តិសុខ ផ្ទាល់ខ្លួន របស់មន្ត្រីទាំងនោះសរុប មានទាំងអស់ ០៦នាក់ ខណៈយន្តហោះខាងលើ បាន បាត់ ខ្លួនកាលពីថ្ងៃព្រហស្បត្តិ៍ កន្លងទៅនេះ ។ អាជ្ញាធរក្នុងស្រុកឲ្យដឹងថា ផ្លូវហោះហើរ ឧទ្ធម្ភាគចក្រ ខាងលើ គឺមានសុខសុវត្ថិភាព ដោយឡែកតែអាកាសធាតុនោះទេ ដែលមិនអំណោយផល។ កិច្ចខិតខំប្រឹងប្រែង តាមស្វែងរកសាក សពជនរងគ្រោះផ្សេងទៀត កំពុងតែប្រព្រឹត្តិឡើងយ៉ាងសស្រាក់ សស្រាំ ។ ប្រភពពីមន្រ្តីក្នុងស្រុកឲ្យដឹងថា ឧទ្ធម្ភាគចក្រ បានហោះឡើងនៅម៉ោង ៤ និង ១២នាទី ល្ងាច ថ្ងៃព្រហស្បត្តិ៍ ខណៈ បានបាត់ ការទាក់ទងនៅវេលាម៉ោង ៤ និង ៣២ នាទី ។ ជាធម្មតា ការហោះ ហើរ ពី Betong ទៅកាន់ Kuching ចំណាយពេលត្រឹមតែ ៣៥ ទៅ ៤៥ នាទីតែប៉ុណ្ណោះ ៕</span></span></p>
<p><span style="color: #0000ff;"><a href="/News/Detail/19976/body-recovered-near-debris-believed-to-be-from-missing-helicopter-in-sarawak" target="_blank"><span style="color: #0000ff;">- អាន ៖ ឧទ្ធម្ភាគចក្រ ដែលដឹកអនុរដ្ឋមន្ត្រី និងសមាជិកសភា ទំនងជាបានធ្លាក់ចូលទន្លេ បាត់ទៅហើយ</span></a></span></p>
<p> </p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ CNA </span></p>