<p><span style="color: #000000;"><strong>(អាមេរិក)៖</strong> ការស្នើសុំសិទ្ធិឃុំគ្រងកូនៗ រវាងតារាសម្តែងប្រុសស្រី ដ៏ល្បីក្នុងពិភពតារាហូលីវូត នៅមិនទាន់ដាច់ស្រេច នៅឡើយទេ ហើយរឿងរ៉ាងជាច្រើន តែងលេចឮជាបន្តបន្ទាប់ ដោយសារតុលាការ មិនទាន់ប្រគល់សិទ្ធិ មើលថែកូនៗឲ្យទៅឪពុកឬម្តាយ នៅឡើយ ប៉ុន្តែបច្ចុប្បន្នកូនៗទាំង៦ របស់ Angelina Jolie និង Brad Pitt ត្រូវបាននាង Angelina គ្រប់គ្រងមើលថែបណ្តោះអាសន្ន។</span></p>
<p><span style="color: #000000;">ក្រោយពីត្រូវភរិយា ដាក់ពាក្យប្តឹងលែងលះ និងនាំកូនៗចេញទៅរស់នៅឆ្ងាយពីខ្លួន ធ្វើឲ្យ Brad Pitt ហាក់ដូចជាកណ្តោចកណ្តែងជាខ្លាំង តែថ្ងៃមួយក៏មានការអនុញ្ញាត ឲ្យកូនប្រុសទាំងពីរ អាចដើរកំសាន្តជាមួយឪពុករូបនេះ បែរជាមិនសំណាង ក៏បរាជ័យទៀត ព្រោះមានរឿងរ៉ាវមិនឈប់ឈរ ហើយ Maddox ដែលជាកូនប្រុសច្បង ក៏បដិសេធដែរថា គេមិនចង់ឃើញឪពុកទៀតទេ ព្រមទាំងគាំទ្រការសម្រេចចិត្ត របស់ម្តាយទៀតផង។</span></p>
<p><span style="color: #000000;">ប្រភពមួយទម្លាយថា Maddox តែងគិតថា ខ្លួនគេមិនមែនជាកូន របស់ Pitt ទេគឺមាន តែម្តាយប៉ុណ្ណោះ ដែលបញ្ហានេះហើយ ធ្វើឲ្យគម្លាតរវាងអ្នកទាំងពីរ កាន់តែឆ្ងាយ តែក៏មានការលើកឡើងថា Angelina មិនបានរារាំងកូន ឲ្យស្អប់ឪពុកទេ ប្រសិនបើពួកគេចង់ ទាក់ទងជាមួយ Pitt គឺនាងអនុញ្ញាត។</span></p>
<p><span style="color: #000000;">ទន្ទឹមនឹងនេះដែរ អ្នកស្រី Krisann Morel ដែលជាមិត្តជិតស្និទ្ធ របស់ម្តាយ Angelina និងជាអ្នកមើលថែតារាស្រីរូបនេះ តាំងពីតូចមក បានផ្ញើសារចង់ឲ្យនាង គិតឲ្យបានវែងឆ្ងាយ កុំដើរតាមរឿងអតីតកាល របស់ម្តាយនាង ដែលកាត់ផ្តាច់ទំនាក់ទំនង ឪពុកនិងកូន ក្រោយពីលែងលះគ្នា ហើយសុំកុំប្រើប្រាស់កូនៗ ជាឧបករណ៍ក្នុងរឿងលែងលះនេះ។ អ្នកស្រី Krisann Morel ចង់ឲ្យសារនេះ ទៅដល់ Angelina បានឃើញឆាប់ៗ ដើម្បីកុំអ្វីៗហួសពេល៕</span></p>
<p><span style="color: #000000;"><img src="https://pmchollywoodlife.files.wordpress.com/2016/10/brad-pitt-maddox-never-seeing-him-again-lead.jpg?w=600" alt="" width="730" /></span></p>
<p><span style="color: #000000;"><img src="https://pmchollywoodlife.files.wordpress.com/2016/09/brad-jen-aniston.jpg?w=600" alt="" width="730" /></span></p>
<p><span style="color: #000000;"><img src="https://pmchollywoodlife.files.wordpress.com/2016/09/brad-gwyneth-paltrow.jpg?w=600" alt="" width="730" /></span></p>
<p><span style="color: #000000;"><img src="https://pmchollywoodlife.files.wordpress.com/2016/09/angelina-colin-farrell.jpg?w=600" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>