<div>
<p><span style="color: #000000;"><strong>(ឌុយបៃ)៖</strong> ហេតុការណ៍ដ៏គួរឲ្យតក់ស្លុតបានកើតឡើងនៅទីក្រុងឌុយបៃ ប្រទេសអារ៉ាប់រួម គឺកូនកំលោះដែលទើបនឹងរៀបការប្រពន្ធរួចថ្មោងថ្មីបាននាំគ្នាទៅក្រេបទឹកឃ្មុំនៅឯសណ្ឋាគារលំដាប់ផ្កាយប្រាំមួយ ស្រាប់ តែហែលទឹកក្នុងអាងលេងក៏លង់ដោយចៃដន្យធ្វើឲ្យកូនក្រមុំភ័យស្លន់ស្លោជាខ្លាំង។</span></p>
<p><span style="color: #000000;">នៅថ្ងៃកើតហេតុ Maira Shahid និយាយថា នាងកំពុងមើ លស្វាមីគឺ Mohammed Majid Malik ហែលទឹកលេងនៅក្នុងអាងហែលទឹកសណ្ឋាគារ Jebel Ali Beach នាថ្ងៃចុងក្រោយក្នុងឱកាសមកក្រេបទឹកឃ្មុំនៅទីនោះជាមួយគ្នារួចក៏លួចថតរូបគាត់ មួយសន្ទុះក៏ឃើញគាត់ហាក់មិនស្រួលដូចជាលង់ទឹក នាងក៏បានស្ទុះមកកាន់កន្លែងហែលទឹកហើយបម្រុងនឹងហក់ជួយប្តីតែតាមពិតនាងមិនចេះហែលទឹកទេ។</span></p>
<p><span style="color: #000000;">មានភ្ញៀវស្នាក់នៅសណ្ឋាគារពីរនាក់បានឃើញហេតុការណ៍ក៏ស្ទុះទៅជួយស្រង់ Malik ឡើងមកលើគោក ប៉ុន្តែគាត់សន្លប់ទៅហើយពួកគេក៏មិនអាចជួយអ្វីបានទៀតដែរ ជាអកុសលប្រមាណ៣៥នាទីក្រោយ Malik ត្រូវបានគេប្រកាសថាគាត់ស្លាប់ទៅហើយ។</span></p>
<p><span style="color: #000000;">Safiyah ប្អូនស្រីបុរសរងគ្រោះនិយាយថា ជាធម្មតាបងប្រុសនាងអាចហែលទឹកមិនដែលមានបញ្ហាអ្វីឡើយហើយគាត់គឺជាមនុស្សដ៏ល្អម្នាក់នៅក្នុងគ្រួសារទៀតផង ពេលនេះការបាត់បង់ Malik ធ្វើឲ្យសមាជិកក្នុងគ្រួសារពិបាកចិត្តបំផុតនិងចងចាំមិនភ្លេចឡើយ។</span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xlt1/v/t1.0-0/s480x480/12718339_1556313574683008_7825682998460602086_n.jpg?oh=0665a8b880c1e42d9b288902c7108279&oe=572650E6" alt="" width="730" /></span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xaf1/v/t1.0-9/12705235_1556313564683009_7915422508416605147_n.jpg?oh=c7642287c5f1727c1810e3978a3bd680&oe=57256284" alt="" width="730" /></span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xtp1/v/t1.0-9/12718339_1556313568016342_8253908598389647642_n.jpg?oh=187b94b963ba4e405b2f78c604eeadc0&oe=5736AE50" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>