<p><span style="color: #000000;"><strong>(ភ្នំពេញ)៖</strong> កញ្ញា ធី សុវណ្ណថា យុវតីដែលតែងគាំទ្រប្តូរផ្តាច់ក្នុងការស្វែងរកសំឡេងឆ្នោតជូនគណបក្សសង្រ្គោះជាតិ កាលពីឆ្នាំ២០១៣នោះ បានប្រកាសធ្វើយុទ្ធនាការនានា ដើម្បីទម្លាក់លោក កឹម សុខា ចេញពីតំណែងអនុប្រធានគណបក្សសង្រ្គោះជាតិ។</span></p>
<p><span style="color: #000000;">កញ្ញា ធី សុវណ្ណាថា បានឲ្យដឹងនៅថ្ងៃទី០៣ ខែឧសភា ឆ្នាំ២០១៦នេះថា រយៈពេល ៣ឆ្នាំកន្លងមកនេះ លោក កឹម សុខា ធ្លាប់បានសកម្មភាពជាច្រើន ដើម្បីកម្ចាយកញ្ញាឲ្យចេញពីគណបក្សសង្រ្គោះជាតិ។ ធី សុវណ្ណថា បានបញ្ជាក់ដូច្នេះ<strong> «ខ្ញុំមិនចង់ប្តឹងលោក កឹម សុខា ទេ ប៉ុន្តែគាត់ជ្រុលពេក ៣ឆ្នាំហើយ គាត់តែងនិយាយបរិហារ ចោទលាបពណ៌ខ្ញុំ ប្រាប់ទៅតំណាងរាស្រ្ត សមាជិកបក្ស និងម្ចាស់ជំនួយ...។ គាត់បានចេញលិខិតបដិសេធខ្ញុំ ឲ្យអង្គរក្សបណ្តេញខ្ញុំចេញពីលើឆាកវេទិការ បណ្តេញខ្ញុំចេញពីក្បួនហែរបក្ស និងរារាំងសកម្មភាពខ្ញុំជាច្រើនទៀត»</strong>។</span></p>
<p><span style="color: #000000;">សុវណ្ណថា បន្តថា <strong>«ខ្ញុំបានអត់ធ្មត់ ខាំមាត់ស្រក់ទឹកភ្នែកជាច្រើនឆ្នាំមកហើយ ខ្ញុំមិនអាចទ្រាំឲ្យ កឹម សុខា មើលងាយជាន់ឈ្លីខ្ញុំទៀតទេ ខ្ញុំនឹងធ្វើយុទ្ធនាការទាមទារទម្លាក់លោក កឹម សុខាឆាប់ៗនេះ...»</strong>។</span></p>
<p><span style="color: #000000;">សូមបញ្ជាក់ថា បច្ចុប្បន្នកញ្ញា សុវណ្ណថា ក៏បាននិងកំពុងប្តឹងលោក កឹម សុខា ទៅកាន់សាលាដំបូងរាជធានីភ្នំពេញពីបទបរិហារកេរ្តិ៍កញ្ញា ដោយទាមទារសំណងប្រមាណ ១លានដុល្លារផងដែរ។ សំណុំរឿងបរិហារកេរ្តិ៍នេះ ព្រះរាជអាជ្ញាអាជ្ញារងអមសាលាដំបូងរាជធានីភ្នំពេញ លោក កែវ សុជាតិ បានកោះហៅលោក កឹម សុខា ឲ្យចូលទៅបំភ្លឺនៅថ្ងៃទី១១ ខែឧសភា ឆ្នាំ២០១៦នេះ។</span></p>
<p><span style="color: #000000;">ធី សុវណ្ណថា ត្រូវបានគេដឹងថា ធ្លាប់បានធ្វើសកម្មភាព និងយុទ្ធនាការយ៉ាងសស្រាក់សស្រាំកាលពីឆ្នាំ២០១៣ ក្នុងការស្វែងរកសំឡេងឆ្នោតជូនគណបក្សសង្រ្គោះជាតិ ហើយធ្លាប់បានរិះគន់រាជរដ្ឋាភិបាលកម្ពុជា មិនសំចៃមាត់ផងដែរ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/4/efg-04-05-2016--11-28-02.png"><img src="/FileManager/Articles/mce/2016/5/4/efg-04-05-2016--11-28-02.png" alt="" /></a></span></p>
<p><br /><a class="thickbox" title="" href="/FileManager/Commons/2016/5/4/dsfsf-04-05-2016--11-28-14.png"><img src="/FileManager/Articles/mce/2016/5/4/dsfsf-04-05-2016--11-28-14.png" alt="" /></a><span style="color: #000000;"><a class="thickbox" title="" href="/FileManager/Commons/2016/5/4/efg-04-05-2016--11-28-02.png"></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>