<p><span style="font-size: 12px; color: #000000;">ក្មេងប្រុសអាយុ ៨ ឆ្នាំម្នាក់កំពុងត្រៀមចូលរៀននៅសាកលវិទ្យាល័យ ក្រោយពីក្មេងប្រុសរូបនេះ បានប្រើពេលត្រឹមតែ ១ ឆ្នាំកន្លះដើម្បីបញ្ចប់ថ្នាក់វិទ្យាល័យ។</span></p>
<p><span style="color: #000000;">Laurent Simons មកពីប្រទេសប៊ែលហ្សិក ទទួលបានពិន្ទុអាយឃ្យូ(IQ score) ១៤៥ ពិន្ទុ និងត្រូវបានគេរាយការណ៍ថា បានទទួលសញ្ញាបត្របាក់ឌុបរបស់ខ្លួន ពីថ្នាក់រៀន ដែលមានសិស្សអាយុចាប់ពី ១៨ ឆ្នាំឡើងទៅ។</span></p>
<p><span style="color: #000000;">ពិន្ទុអាយឃ្យូ ខ្ពស់បំផុត ដែលតម្រូវឱ្យអ្នកធ្វើតេស្ដន៍ទទួលបាន គឺប្រហែល ១៤០ ពិន្ធុប៉ុណ្ណោះ។ ការសិក្សា ថ្នាក់វិទ្យាល័យ គឺតម្រូវឱ្យគេរៀន ៦ ឆ្នាំដើម្បីឱ្យចប់ ប៉ុន្ដែក្មេងប្រុសនេះរៀនត្រឹមតែ ១៨ ខែប៉ុណ្ណោះ ហើយគេ នឹងមានពេលវេលាដើរទេសចរណ៍លំហែការរយៈពេលពីរខែ មុនពេលចុះឈ្មោះចូលរៀននៅសាកលវិទ្យាល័យ។</span></p>
<p><span style="color: #000000;"><a class="thickbox" title="" href="/FileManager/Commons/2018/7/3/28-03-07-2018--14-15-04.PNG"><img src="/FileManager/Articles/mce/2018/7/3/28-03-07-2018--14-15-04.PNG" alt="" /></a><br /></span></p>
<p><span style="color: #000000;">Laurent និយាយថា គេធ្លាប់ស្រមៃចង់ធ្វើគ្រូពេទ្យវះកាត់ និងអាកាសយានិក ប៉ុន្ដែនាពេលនេះ គេប្ដូរចិត្ដមករៀនវិស័យកុំព្យូទ័រវិញ នេះបើតាមការរាយការណ៍របស់ BBC។</span></p>
<p><span style="color: #000000;">ក្មេងប្រុសតូចនេះ បានប្រាប់វិទ្យុ RTBF របស់ប៊ែលហ្សិកថា មុខវិជ្ជាដែលគេចូលចិត្ដរៀនគឺ គណិតវិទ្យា ព្រោះវាជាមុខវិជ្ជាទូលំទូលាយ មានទាំងសិក្សាពីស្ថិតិ ធរណីមាត្រ និងពិជគណិតទៅទៀត។</span></p>
<p><span style="color: #000000;">ឪពុករបស់ Laurent និយាយថា កាលពីកូនប្រុសរបស់គាត់នៅក្មេង គេចូលចិត្ដលេងជាមួយក្មេងៗដទៃទៀត ហើយគេមិនចូលចិត្ដលេងតុក្កតាឡើយ ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/7/3/mekongnet-03-07-2018--10-51-42.PNG" alt="" /></a></span></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ metro.co.uk</span></p>