<p><span style="color: #000000;"><strong>(មេនឆេស្ទើ)៖</strong> ក្រុមបាល់ទាត់បិសាចក្រហម Manchester United រកបាន៣ពិន្ទុជាលើកទី២ ដើម្បីឡើងទៅឈរនៅកំពូលតារាងពូល A បណ្តោះអាសន្ន ក្រោយបំបាក់ក្រុមភ្ញៀវ Fenerbahce របស់តួកគីក្នុង Europa League យប់មិញនេះ។</span></p>
<p><span style="color: #000000;">នេះជាការប្រកួតសន្សំពិន្ទុលើកទី៣របស់គេ ក្រៅពីឈ្នះ២ដង មិនដែលស្មើ និងចាញ់១ដង ស្របពេលដែលម្ចាស់ផ្ទះ Feyenoord របស់ហូឡង់ក៏បានយកឈ្នះក្រុមភ្ញៀវ Zorya ១-០ យប់មិញនេះដែរមាន៦ពិន្ទុដូចគ្នា ឈរនៅលេខរៀងទី២បណ្តោះអាសន្ន។</span></p>
<p><span style="color: #000000;">កីឡាករចំណូលថ្មី Paul Pogba ដែលត្រូវបាន Man Utd ទើបតែទិញពីក្លឹប Juventus ក្នុងរដូវកាលឆ្នាំ២០១៦-២០១៧ នេះ ជាអ្នកស៊ុតគ្រាប់នាំមុខឲ្យបិសាចក្រហម ដោយបាល់ពិន័យ១១ម៉ែត្រនៅនាទីទី៣១ មុនពេលរកបានគ្រាប់ទី២របស់គេនៅនាទីទី៤៥ និង Anthony Martial ប៉េណាល់ទី១គ្រាប់ដែរនៅនាទីទី៣៤ មុនពេលចាប់ផ្តើមវគ្គទី២ បាន៣នាទី Jesse Lingard បន្ថែមគ្រាប់ទី៤ទៀតក្នុងទឹកដី Old Trafford។</span></p>
<p><span style="color: #000000;">ក្នុងជំនួបដ៏ស្វិតស្វាញនោះដែរ អតីតកីឡាករ Man Utd ចាស់ Robin van Persie ក៏បានស៊ុត១គ្រាប់ឲ្យ Fenerbahce មុនត្រឡប់ទៅផ្ទះវិញដែរនៅនាទីទី៨៣ នៅពីមុខអ្នកទស្សនាផ្ទាល់ប្រមាណ ៧១០០០នាក់ ខណៈដែលក្រុមខ្លួនទើប រកបាន៣ពិន្ទុនៅឡើយ ឈរលេខ៣ បណ្តោះអាសន្ន៕</span></p>
<p><span style="color: #000000;"><img src="http://i.dailymail.co.uk/i/pix/2016/10/20/22/399014D800000578-3856626-Pogba_roars_with_delight_as_he_is_congratulated_by_defenders_Mat-m-50_1476999283976.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/10/20/20/398FF51500000578-3856626-image-a-34_1476993403230.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/10/20/21/398FFB8900000578-3856626-image-a-2_1476994067145.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/10/20/21/3990614500000578-3856626-image-m-23_1476995688887.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/10/20/21/39907F1A00000578-3856626-image-a-40_1476996752715.jpg" alt="" width="730" /></span></p>
<p> </p>
<p><span style="color: #000000;"><iframe src="https://www.youtube.com/embed/PbqcTyEcajg" frameborder="0" width="480" height="380"></iframe></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>