<p><span style="color: #000000;"><strong>(ភ្នំពេញ)៖ </strong> សាច់ញាតិរបស់លោកទេសរដ្ឋមន្រ្តី មិន ឃិន បានថ្លែងប្រាប់អង្គភាព Fresh News នៅមុននេះថា លោក មិន ឃិន មិនទាន់ទទួលមរណភាពនៅឡើយទេ តែមានសភាពធ្ងន់ធ្ងរបំផុត ហើយកំពុងតែរៀបចំដឹកពីទីក្រុងបាងកក ប្រទេសថៃ មកផ្ទះវិញ ដើម្បីអាចមើលឃើញជាលើកចុងក្រោយ។</span></p>
<p><span style="color: #000000;">សាច់ញាតិម្នាក់ទៀត បានបញ្ជាក់ថា «គាត់មិនទាន់ មានអីនៅឡើយទេ»។</span></p>
<p><span style="color: #000000;">មុនដំបូងមន្រ្តីជាន់ខ្ពស់ក្រសួងធម្មការ និងសាសនា បានប្រាប់អង្គភាព Fresh News ថា លោកបណ្ឌិត មិន ឃិន បានទទួលមរណភាពហើយ ក្នុងជន្មាយុ ៧៨ឆ្នាំ ប៉ុន្តែក្រោយមានការបញ្ជាក់ពីសាច់ញាតិរបស់គាត់ ដែលកំពុងមើលថែលោក នៅឯមន្ទីរពេទ្យប្រទេសថៃថា បានប្រាប់មកវិញថា លោកនៅមានដង្ហើមនៅឡើយ តែមានសភាពធ្ងន់ធ្ងរ។</span></p>
<p><span style="color: #000000;">សូមបញ្ជាក់ថា ក្រោយមានការផ្លាស់ប្តូរតំណែង ពីរដ្ឋមន្រ្តីក្រសួងធម្មការមក លោក មិន ឃិន បានធ្លាក់ខ្លួនឈឺជាបន្តបន្ទាប់ ហើយទៅព្យាបាលនៅឯបរទេស។</span></p>
<p><span style="color: #000000;"><img src="http://www.era.cambodia.gov.kh/download/conference/2013/31may2013/01.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>