<div class="article-content">
<p><strong>-អគ្គនាយក មជ្ឈមណ្ឌល ព័ត៌មានដើមអម្ពិល ស្នើសមត្ថកិច្ច ចាត់វិធានការ តាមផ្លូវច្បាប់</strong> <br /><strong>គ្មានការសម្របសម្រួល</strong> <strong>ក្រៅប្រព័ន្ធតុលាការ</strong><br /> <strong>ភ្នំពេញ ៖</strong> ក្រោយពីមាន បទបញ្ជាយ៉ាង ដាច់ខាត ពីសំណាក់ស្នងការ នគរបាលរាជ ធានីភ្នំពេញ<br /> លោកឧត្ដមសេនីយ៍ ជួន សុវណ្ណ រួចមក កម្លាំងនគរបាល ខណ្ឌពោធិ៍សែនជ័យ ដឹកនាំដោយ <br />លោក ប៊ន សំអាត បាន និងកំពុងរៀបចំ សំណុំរឿងបញ្ជូន មនុស្សទំនើង ២នាក់ ទៅកាន់សាលា<br />ដំបូង រាជធានីភ្នំពេញ ដើម្បីផ្ដន្ទាទោស តាមផ្លូវច្បាប់ ក្រោយពីពួក គេ បានប្រើអំពើហិង្សាវាយ <br />និងទះកំផ្លៀង ទៅលើអ្នកយកព័ត៌មាន របស់មជ្ឈមណ្ឌល ព័ត៌មានដើមអម្ពិល លោក ទុយ ម៉ែន<br /> គ្រាន់តែរឿង ជិះម៉ូតូប្រជែងទៅមុន ខណៈដែល ពួកទាំង ៣នាក់ ជិះម៉ូតូ ៣គ្រឿង រ៉េពេញ ផ្លូវ<br />ដោយអាការៈស្រវឹង ។</p>
<p>មន្ដ្រីនគរបាល ផ្នែកព្រហ្មទណ្ឌ ខណ្ឌពោធិ៍សែនជ័យ បានឱ្យដឹងថា ជនបង្កទាំង២នាក់ ម្នាក់ឈ្មោះ<br /> រស់ រឿន និងម្នាក់ទៀត ឈ្មោះ សេង សេរីវុឌ្ឍ មុខរបរបើករថយន្ត នៅរសៀលថ្ងៃទី០៧ ខែវិច្ឆិកា<br /> ឆ្នាំ២០១៣ នេះ ត្រូវបានជាប់ឃុំឃាំង ជាបណ្ដោះអាសន្ន នៅអធិការដ្ឋាន នគរបាល <br />ខណ្ឌពោធិ៍សែនជ័យ ខណៈដែល សមត្ថកិច្ចកំពុងធ្វើរបាយការណ៍ មុនបញ្ជូន ទៅកាន់តុលាការ<br /> ប្រហែលជា នៅថ្ងៃស្អែក។</p>
<p>ជាមួយគ្នានេះ អគ្គនាយកមជ្ឈមណ្ឌល ព័ត៌មានដើមអម្ពិល លោក សយ សុភាព បានច្រានចោល<br /> ការសម្របសម្រួលក្រៅ ប្រព័ន្ធតុលាការ ចំពោះជនបង្កទាំង២នាក់ ដែលបានប្រើអំពើហិង្សា <br />លើសហការីរបស់ ខ្លួន ពោលលោកសូមឱ្យ សមត្ថកិច្ចចាត់វិធាន ការតាមផ្លូវច្បាប់ បញ្ជូនទៅ<br />កាន់តុលាការ ផ្ដន្ទាទោស តាមផ្លូវច្បាប់ មិនត្រូវលើកលែង ឱ្យនោះឡើយ ។</p>
<p>សូមបញ្ជាក់ថា ជនទំនើង មិនដែលចូល សាលា៣នាក់ ជិះម៉ូតូ៣គ្រឿង បានប្រើអំពើហិង្សាទៅ<br />លើ អ្នកយកព័ត៌មាន មជ្ឈមណ្ឌលព័ត៌មាន ដើមអម្ពិល លោក ទុយ មែន ដោយស្ទាក់ពីមុខម៉ូតូ<br /> និងចាប់ទះកំផ្លៀង ជាច្រើនដៃ បណ្តាលឲ្យរង របួសលើផ្ទៃមុខ ដោយសារតែ ជនពាលទាំងនេះ<br /> ខឹងសម្បារនឹង លោក ទុយ មែន បើកម៉ូតូប្រជែងទៅមុន ។</p>
<p>លោក ទុយ មែន ដែលរងនូវការវាយ និងប្រើអំពើហិង្សា ពីសំណាក់ <strong>ជនទំនើង</strong>ទាំងនេះ បាន<br />និយាយថា នៅវេលាម៉ោង ប្រមាណ ៩៖៣០នាទី យប់ថ្ងៃទី៦ ខែវិច្ឆិកា ឆ្នាំ២០១៣ លោកបាន<br />បើកម៉ូតូ តែម្នាក់ឯង តាមបណ្តោយផ្លូវលេខ ២៧១ ដើម្បីទៅយកព័ត៌មាន រថយន្តបុករបាំង<br />ចែកទ្រូងផ្លូវ នៅតាមផ្លូវសហព័ន្ធរុស្ស៊ី។ ស្រាប់តែជិះជិតដល់ ភ្លើងស្តុបណតប្រ៊ីត ក៏ឃើញម៉ូតូ<br />៣គ្រឿង បើកដោយ ជនទំនើង៣នាក់នេះ នៅពីខាងមុខ ដោយជិះរេពេញផ្លូវ ហាក់បី ដូចជា <br />ផ្លូវទិញដាច់តែម្នាក់ឯង យ៉ាងដូច្នោះ។</p>
<p>លោក ទុយ មែន បានបន្តទៀតថា ដោយសារតែប្រញាប់ ទៅយកព័ត៌មាន លោកក៏បានបើក<br />ម៉ូតូ ជែងទៅមុន ស្រាប់តែក្រុមជន ទំនើង ទាំងនេះស្រែកថា <strong>«ហ្អែងខ្លាំងអី ហ៊ានវ៉ាម៉ូតូអញ»<br /> </strong>ពេលនោះពួកវា ក៏ជិះដេញតាមពីក្រោយ ហើយស្ទាក់ ម៉ូតូពីខាងមុខ រួចចុះពីលើម៉ូតូចាប់ ទះ<br />កំផ្លៀងជាច្រើន ដៃតែម្តង។</p>
<p>លោក ទុយ មែន ដែលមានមាឌតូច និងម្នាក់ឯងផងនោះ មិនហ៊ាន តបតខ្លាំងនោះ បាន<br />ត្រឹមតែ ឈ្លោះប្រកែកដោយពាក្យ សម្តីជាមួយគ្នា។ ដោយសារតែ មានការឈ្លោះទាស់<br />ទែងគ្នា ដោយពាក្យសម្តីយ៉ាងដូច្នេះ នាំឲ្យមានការភ្ញាក់ផ្អើលនោះ ក្រុមជនទំនើងទាំង៣នាក់<br /> បានបើកម៉ូតូគេចខ្លួន ប៉ុន្តែត្រូវបានលោក ទុយ មែន ជិះម៉ូតូដេញតាម ពីក្រោយដើម្បីថតរូប<br /> និងថតស្លាកលេខម៉ូតូ យកមកចុះកាសែត ។</p>
<p>លោកបានបន្តថា ក្រោយជិះម៉ូតូគេចខ្លួន ជនបង្ក២នាក់ បើកម៉ូតូម៉ាកសេ១២៥ពីរគ្រឿង មួយ<br />គ្រឿង ពាក់ស្លាកលេខភ្នំពេញ 1BS-1120 ដែលជាជនដៃដល់ បានបើកចូល ទៅក្នុងហាង <strong><br />តន្រ្តីខ្មែរ KTV</strong> នៅខាងមុខកងពលតូច ដឹកជញ្ជូនលេខ៩៩ សង្កាត់កាកាប ខណ្ឌពោធិ៍សែន<br />ជ័យ ធ្វើព្រងើយតែម្តង ហើយអង្គុយច្រៀង ដូចគ្មានរឿងអ្វីកើតឡើង ។</p>
<p>ក្រោយមានករណីនេះ កើតឡើងទាំងអយុត្តិធម៌ ថ្នាក់ដឹកនាំមជ្ឈមណ្ឌល ព័ត៌មាន ដើមអម្ពិល<br /> បានស្វែងរកអន្តរាគមន៍ភ្លាមៗ ពីសំណាក់កម្លាំង នគរបាល ខណ្ឌពោធិ៍សែនជ័យ ។ ភ្លាមៗ<br />នោះ នាយនគរបាលប៉ុស្តិ៍កាកាប លោក សាន ប៉ែត ដោយទទួលបាន បទបញ្ជាពី លោក<br />អធិការ នគរបាលខណ្ឌ ប៊ន សំអាត បានដឹកនាំកម្លាំង នគរបាល មួយចំនួន ចុះទៅកាន់ <br />ហាងខារ៉ាអូខេ មួយនេះ ហើយធ្វើការឃាត់ខ្លួន ជនបង្កទាំង២នាក់ និងរឹបអូសម៉ូតូ២គ្រឿង<br /> យកទៅសួរនាំបន្តទៀត ខណៈម្នាក់ទៀតបាន រត់គេចខ្លួនបាត់។</p>
<p>ជាមួយគ្នានេះ អធិការនគរបាល ខណ្ឌពោធិ៍សែនជ័យ លោក ប៊ន សំអាត បានបញ្ជាឲ្យ<br />កម្លាំងសមត្ថកិច្ច របស់លោកបញ្ជូន ជនទាំង២នាក់នេះ ទៅតុលាការ ចាត់ការតាមផ្លូវច្បាប់<br /> ដោយគ្មានការយោគយល់ នោះឡើយ៕</p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0591.jpg" alt="Photo by DAP-NEWS" width="500" /></p>
<p style="text-align: center;"><strong>ក្មេងទំនើងត្រូវបានសមត្ថកិច្ចចាប់ខ្លួន ខណៈកំពុងចូលនៅក្នុងហាងម៉ាស្សាខាងលើ</strong></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0592.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0593.jpg" alt="Photo by DAP-NEWS" width="500" /></p>
<p style="text-align: center;"><strong>ក្មេងទំនើងម្នាក់នេះ ឈរច្រត់ចង្កេះ សម្តែងឫកពារថា គ្មានបញ្ហា គួរឲ្យខ្លាច ត្រឹមសមត្ថកិច្ចចាប់ខ្លួន</strong></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0594.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0595.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0596.jpg" alt="Photo by DAP-NEWS" width="500" /></p>
<p style="text-align: center;"><strong>ម៉ូតូរបស់ក្រុមក្មេងទំនើង និងសមត្ថកិច្ច នៅពេលចូលទៅក្នុងហាងម៉ាស្សា</strong></p>
<p style="text-align: right;">ផ្តល់សិទ្ធិដោយ៖ ដើមអម្ពិល<strong><br /></strong></p>
</div>