<div class="article-content">
<p><strong>ភ្នំពេញ ៖</strong> ស្នូរគ្រាប់កាំភ្លើងជិត២០គ្រាប់ ត្រូវបានបន្លើឡើង កាលពីព្រឹកថ្ងៃទី២៥ ខែ កញ្ញា ឆ្នាំ២០១៣<br /> វេលាម៉ោង ៦ និង១០ នាទី ចេញពីទីតាំងសហគ្រាសក្រុមហ៊ុនបរិ ក្ខាគ្រឿងយន្ដ ចំកាត់កម្ពុជាដែល<br />មានទីតាំង ស្ថិតនៅតាមបណ្ដោយផ្លូវជាតិលេខ ៦អា ភូមិកៀនឃ្លាំង សង្កាត់ជ្រោយចង្វារ ខណ្ឌ ឫស្សី<br />កែវ បង្កឱ្យមានការភ្ញាក់ផ្អើលដល់ ប្រជាពលរដ្ឋ និងសមត្ថកិច្ចមូលដ្ឋានទាំង ព្រឹកតែម្ដង ។ យ៉ាងណា<br />ក៏ដោយ ក្រោយការ បាញ់ប្រហារដោយកាំភ្លើងម៉ាក វ៉ាន់ឌឺឡុង ចំនួន ១៨គ្រាប់ខាងលើនេះ របស់បុរស<br />ជន ជាតិចិន ដែលជាប្រធានសហគ្រាសត្រូវបាន ចាប់ខ្លួនពីកម្លាំងនគរបាល ខណ្ឌឫស្សីកែវ យកទៅ<br />សួរនាំបន្ដទៀត ។</p>
<p>យោងតាមប្រភពព័ត៌មាន ពីសាក្សីនៅ ក្បែរកន្លែងកើតហេតុបានឱ្យដឹងថា នៅ វេលាម៉ោងព្រឹកថ្ងៃទី<br />២៥ ខែកញ្ញា ឆ្នាំ ២០១៣ ស្រាប់តែមានស្នូរគ្រាប់កាំភ្លើងចេញ ពីប៉ែកខាងក្រោយ នៃទីតាំងសហ<br />គ្រាស ក្រុមហ៊ុនបរិក្ខាគ្រឿងយន្ដចំកាត់កម្ពុជា ប៉ុន្ដែ មិនដឹងមូលហេតុពិតប្រាកដថា បណ្ដាល មកពី<br />អ្វីនោះឡើយ ដែល នាំឱ្យប្រធានសហ គ្រាសមួយនេះ បើកការបាញ់ប្រហារទាំង ព្រឹកយ៉ាងដូច្នោះ។</p>
<p>ប្រភពព័ត៌មានពីសាក្សីបានបន្ដទៀតថា ក្រោយពីលឺសំឡេងផ្ទុះអាវុធ ជិត២០គ្រាប់ យ៉ាងដូច្នេះ <br />កម្លាំងនគរ បាលខណ្ឌឫស្សីកែវ បានចុះមកកាន់កន្លែងកើតហេតុភ្លាមៗដើម្បី ត្រួតពិនិត្យ និងអន្ដ<br />រាគមន៍ហើយឃាត់ បុរសជនជាតិចិន ដែលជាប្រធានសហគ្រាស យកទៅសួរនាំបន្ដទៀត។យ៉ាង<br />ណាក៏ដោយជុំវិញករណី បាញ់ប្រហារជិត ២០គ្រាប់ទាំង ព្រលឹមអុល របស់ជនជាតិចិនដែលជា<br />ប្រធាន សហគ្រាសខាងលើនេះ ត្រូវបានសមត្ថកិច្ច ខណ្ឌឫស្សីកែវ ធ្វើការលាក់បាំងដោយមិន <br />បានផ្ដល់ព័ត៌មានឱ្យបានក្បោះក្បាយ និងពិត ប្រាកដជូនដល់អ្នកកាសែតឡើយ សូម្បីតែ ឈ្មោះ<br />របស់ជនបង្ករូបនេះក៏គ្មាននរណា ស្គាល់ដែរ ។</p>
<p>ជាមួយគ្នានេះ ចំពោះការផ្ទុះអាវុធដ៏ ច្រើនបែបនេះ ត្រូវបានប្រភពព័ត៌មានមួយលួចបង្ហើបថា ក្រោយ<br />ពីការ ឃាត់ខ្លួនប្រធាន សហគ្រាសខាងលើ ស្រាប់តែមានអន្ដរាគមន៍ ភ្លាមៗ ពីមន្ដ្រីនគរបាលជាន់<br />ខ្ពស់មួយរូប ហេតុដូច្នេះហើយគេសង្ស័យថា ជនបង្កត្រូវ បានសមត្ថកិច្ចខណ្ឌឫស្សីកែវ ដោះលែងឱ្យ<br />មានសេរីភាព ។</p>
<p>ជុំវិញករណីនេះដែរ មជ្ឈមណ្ឌលព័ត៌មាន ដើមអម្ពិលមិនទាន់អាចសុំការបកស្រាយពី អធិការនគរ<br />បាល ខណ្ឌឫស្សីកែវលោក ទៀង ចាន់សា បាននៅឡើយទេ នៅរសៀលថ្ងៃទី ២៥ ខែកញ្ញា ឆ្នាំ<br />២០១៣ ប៉ុន្ដែ អធិការរង នគរបាលទទួលផែនព្រហ្មទណ្ឌ លោក អ៊ីវ ឈុនផេង បានឆ្លើយថា ករណី<br />នេះគឺជារឿង តូចតាច ៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-067/CH-0408.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-067/CH-0409.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-067/CH-0410.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>