<p><span style="color: #000000;"><strong style="font-size: 12px;">(</strong><strong style="font-size: 12px;">វ៉ាស៊ីនតោន)៖</strong><span style="font-size: 12px;"> ប្រធានាធិបតីអាមេរិកជិតផុតអាណត្តិ លោក បារ៉ាក់ អូបាម៉ា បានសម្រេចចិត្តបន្ធូរបន្ថយទោសដល់អតីតកងទ័ពអាមេរិកម្នាក់ឈ្មោះ Chelsea Manning ពីទោសជាប់ពន្ធនាគារ ៣៥ឆ្នាំ មកនៅត្រឹម០៧ឆ្នាំ ហើយដែលអាចនឹងត្រូវដោះលែងឱ្យមានសេរីភាពនៅថ្ងៃទី១៧ ខែឧសភា ខាងមុខនេះ ក៏ប៉ុន្តែអ្វីដែលសំខាន់នៅពេលនេះគឺថា តើស្ថាបនិកគេហទំព័រ Wikileaks លោក Julian Assange នឹងគោរពតាមការសន្យាទទួលយកការធ្វើបត្យាប័នមកកាន់សហរដ្ឋអាមេរិកដែរឬទេ? នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅល្ងាចថ្ងៃពុធ ទី១៨ ខែមករា ឆ្នាំ២០១៧។</span></span></p>
<p><br /><a class="thickbox" title="" href="/FileManager/Commons/2017/1/19/31b-19-01-2017--09-54-27.jpg"><img src="/FileManager/Articles/mce/2017/1/19/31b-19-01-2017--09-54-27.jpg" alt="" /></a></p>
<p><span style="color: #000000;">កាលពី០៥ថ្ងៃមុន លោក Julian Assange ដែលកំពុងរស់នៅនិរទសខ្លួនក្នុងស្ថានទូត អេក្វាឌ័រប្រចាំប្រទេសអង់គ្លេស បានសន្យាថា លោកនឹងទទួលយកការធ្វើបត្យាប័នមកកាន់សហរដ្ឋអាមេរិក បើសិនជាលោក អូបាម៉ា យល់ព្រមលើកលែងទោសឱ្យលោក Chelsea Manning។</span></p>
<p><span style="color: #000000;">ដោយឡែកពាក់ព័ន្ធនឹងការបន្ធូរបន្ថយទោសនេះដែរ ស្ថាបនិកគេហទំព័រ Wikileaks រូបនេះបានសាទរ និងអរគុណដល់អ្នកទាំងឡាយដែលបានតស៊ូដើម្បីឱ្យ Manning មានសេរីភាពឡើងវិញ ចំណែកឯមេធាវីរបស់លោក Assange ក៏បានអះអាងថា លោកនឹងគោរពតាមអ្វីដែលខ្លួនបានសន្យាផងដែរ។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/1/19/31a-19-01-2017--09-54-35.jpg"><img src="/FileManager/Articles/mce/2017/1/19/31a-19-01-2017--09-54-35.jpg" alt="" /></a><br /></span></p>
<p><span style="color: #000000;">ជាងនេះទៅទៀតបើការធ្វើបត្យាប័នរូបលោកត្រូវបានធ្វើឡើងមែននោះ លោក Assange អាចនឹងប្រឈមមុខនឹងការចោទប្រកាន់ពីបទ ធ្វើចារកម្មពីសំណាក់អាជ្ញាធរអាមេរិក ខណៈមកទល់ពេលនេះរដ្ឋបាល លោក អូបាម៉ា មិនទាន់ដាក់សំណើធ្វើបត្យាប័ននៅឡើយទេ។</span></p>
<p><span style="color: #000000;">គួរបញ្ជាក់ថា នៅមុនពេលបញ្ចប់អាណតិ្តជាប្រធានាធិបតីអាមេរិក លោក អូបាម៉ា នៅថ្ងៃអង្គារសប្តាហ៍នេះ បានសម្រេចលើកលែងទោសដល់មនុស្ស ៦៤នាក់ និងបន្ធូរបន្ថយទោសសម្រាប់មនុស្ស ២០៩នាក់ រួមទាំង Chelsea Manning ផងដែរ ដែលជាអតីតកងទ័ពអាមេរិកម្នាក់ បានវះកាត់ប្ដូរភេទពីស្រីទៅប្រុស។ </span><br /><span style="color: #000000;"> Chelsea Manning មានអាយុ ២៩ឆ្នាំ និងមានឈ្មោះដើម Bradley Manning ត្រូវបានតុលាការអាមេរិកផ្ដន្ទាទោសកាលពីខែសីហា ឆ្នាំ២០១៣ ឱ្យជាប់ពន្ធនាគារ ៣៥ឆ្នាំពីបទបញ្ជូនឯកសារសម្ងាត់ជាង ៧០០,០០០ទំរង់ឱ្យទៅគេហទំព័រ Wikileaks ក្នុងនោះមានទាំងឯកសារនិយាយពីការរំលោភបំពានរបស់កងទ័ពអាមេរិកនៅក្នុង ប្រទេសអាហ្វហ្គានីស្ថាន និង អ៊ីរ៉ាក់ថែមទៀតផង៕</span></p>
<p><a class="thickbox" title="" href="/FileManager/Commons/2017/1/19/31-19-01-2017--09-54-44.jpg"><img src="/FileManager/Articles/mce/2017/1/19/31-19-01-2017--09-54-44.jpg" alt="" /></a><br /><br /></p>
<p style="text-align: right;"><span style="color: #000000;">ប្រភព ៖ Reuters/ប៊ីប៊ីស៊ី</span></p>